Kolosensis 4 - Portuguese Creole Bible, Guinea-Bissau

1Abos,Ef 6.9 mestres, bo trata bo katibus na manera justu i bon. Bo lembra kuma bo tene tambi un Mestre na seu.

Ordis

2Bo pega tesu na orason; bo yabri sintiduMat 26.41; Luk 18.1; Rom 12.12 nel pa bisia; bo fala Deus obrigadu.

3Bo ora tambi pa nos, pa Deus pudi yabrinuAt 14.27 porta pa no konta si palabra, tambi no fala di sigridu di Kristu. I pabia de palabra ku manda N sta prezu.

4Bo ta ora pa N pudi fala e sigridu klaru, suma ku N dibi di falal.

5Bo yanda na jiresa ku kilisEf 5.15; 1 Tes 4.12 ku ka sedu krenti, bo purbita kada oportunidadi ku bo ten.

6Bo kombersaSal 37.30; Dit 10.21; 15.4,7; 16.21-24; 25.11-12; Luk 4.22 dibi di sabi, ku ta da gustu pa obi, pa bo sibi kuma ku bo dibi di ruspundi kada un.

Manteña di kabantada

7No ermonAt 20.4 amadu, Tíkiku, fiel tarbajadur ku sta juntu ku mi na tarbaju di Siñor, i na konta bos kuma ku N sta.

8I pa e fin ku N na mandalEf 6.21-22 nunde bos, pa bo sibi no stadu, pa i da bos animu.

9No fiel ermon amadu, Onésimu,Filem 10 ki un di bos, i na bai juntu ku el. E na da bos noba di tudu ku na pasa li.

10Aristarku,At 19.29 ku sta prezu juntu ku mi, manda bos manteña, ku MarkusAt 12.25 tambi, parenti di Barnabé, ku N mandaba konta bos aserka del, pa bo risibil si i bai nunde bos.

11Jesus ku comadu Justu manda bos manteña. Di krentis judeu, esis i uniku ku ta tarbaja ku mi pa renu di Deus. E sedu garandi ajuda pa mi.

12Manteña di Epafras,Kap 1.7 utru membru di bo grupu, ki servu di Kristu, ku sempri i ta luta pa bos na orason, pa bo pudi fika firmi, bo sedu maduru na fe, bo fasi sempri tudu ku Deus misti.

13N pudi testifika del kuma ki tarbaja ku tudu vontadi pa bos, ku kilis tambi ku sta na Laodiseia, ku kilis di Ierápolis.

14Manteña di2 Tim 4.10-11; Filem 24 Lukas, no mediku ku no ama, ku Demas.

15Bo da no manteña pa ermons ku sta na Laodiseia,Kap 2.1 pa Ninfa ku igreẑa ku sta na siRom 16.5 kasa.

16Dipus ku e karta leidu1 Tes 5.27 na bo metadi, bo fasi pa i leidu tambi na igreẑa di Laodiseia. Abos tambi bo ten ku lei karta ku na sai di Laodiseia.

17Bo fala ArkipuFilem 2 pa i pui sintidu pa kabanta tarbaju ki dadu na sirvis di Siñor.

18I ami ku na skirbi es1 Kor 16.21 ku ña mon: Manteña di mi Paulu. Bo lembra kuma N staEf 3.1 prezu.

FaburRom 16.20 di Deus ta sta ku bos. Amen.