Ezekiel 48 - Portuguese Creole Bible, Guinea-Bissau

Fronteras di dozi jorson

1“Es i nomis di jorsons. Na frontera di norti Dan na tene si parti ku na sigi kamiñu di EtlonKap 47.15-17 te na Amat, Azar-Enon, te na frontera na metadi di Damasku ku Amat. Si terenu na bai di saida te na kaida di sol.

2-7“Dipus, mas seis jorson na risibi se terenu, kada un di saida di sol te na Mar Mediteraneu, ne ordi, di norti pa sul: Aser, Naftali, Manasés, Efrain, Ruben ku Judá.

8“Lungu di frontera di Judá, desdi saida te na kaida di sol, i na sedu ki parti sagraduKap 45.1-6 ku bo na pursenta suma oferta, ku na midi 12,5 kilometru di largura. Si kumprimentu na sedu di saida te na kaida di sol, suma yardansa di ki utru jorsons. Kau sagradu na sta na si metadi.

9“Oferta ku bo na da SIÑOR i na midi 12,5 kilometru di kumprimentu ku 10 kilometru di largura.

10Es na sedu parti sagradu pa saserdotis. Di saida pa kaida di sol i na midi 12,5 kilometru; di norti pa sul i na midi 5 kilometru. Kau sagradu di SIÑOR na sta na si metadi.

11Es na sedu pa saserdotis separadu na metadi di jorson diKap 44.10,15 Zadok, ku obdisi ña leis, e ka yanda lunju di mi oca ku fijus di Israel disvia, suma ku utru levitas fasi.

12I na sedu oferta spesial dentru di ki terenu sagradu, un kau ki mas sagradu di tudu. I na tene frontera ku terenu di levitas.

13“Lungu di terenu di saserdotis, levitas na tene se parti ku na midi 12,5 kilometru di saida pa kaida di sol, ku 5 kilometru di norti pa sul.

14E ka pudi bindiSir 27.28 nin un parti del, ku fadi pa e torkial. Es i minjor parti di tera; i ka pudi pasadu pa utru mon, pabia i sagradu pa SIÑOR.

15“Ki utru parti ku sobra, di 12,5 kilometru di kumprimentu ku 2,5 kilometru di largura, i na fikaKap 45.6 pa prasa, pa kasas ku kaus di bakia. Prasa na sta na metadi;

16i na sedu kuadradu, ku 2.250 metru na kada ladu.

17Na roda di prasa i na ten kau di bakia, di 125 metru di largura.

18Dipus de kumpu prasa, na terenu pa sul di terenu sagradu, i na sobra 5 kilometru pa ladu di saida di sol ku 5 kilometru pa kaida di sol. I na labradu, pa i pudi sustenta tarbajaduris di prasa.

19Tarbajaduris di prasa ku labral e na bin di tudu jorson di Israel.

20Asin ki parti sagradu, juntu ku parti ku pertensi prasa, e na forma un kuadraduApok 21.16 di 12,5 kilometru kada ladu.

21-22“Pa lesti, tambi pa kaida di sol de area di 12,5 kilometru ku tene templu, terenu di saserdotis, terenu di levitas ku prasa, kil ku sobra i di rei.Kap 45.7 I ta bai pa lesti te na frontera; i ta bai pa kaida di sol te na Mar Mediteraneu. I ta junta frontera na norti ku Judá; na sul i ta junta frontera ku Benjamin.

23-27“Pa sul di ki terenu spesial, kada un di jorsons ku sobra i ten ku risibi un parti, desdi frontera di saida di sol te na mar na kaida di sol, ne ordi di norti pa sul: Benjamin, Simeon, Isakar, Zebulon ku Gad.

28“Frontera di sulKap 47.19 di Gad na bai di Tamar te na yagu di Meribá-Kades, lungu di riu di Ejitu te na Mar Mediteraneu.

29“Es i tera ku bo na rapatiKap 47.14,21-22 pa jorsons di Israel suma yardansa. Asin ku kada kin na toma si parti. SIÑOR Deus ku fala.

Portons di prasa

30-34“Prasa di Jerusalen na tene dozi saida. Kada un di si kuatru mura i midi 2.250 metru, i tene tris porton. Kada porton na toma nomi di un jorson. Portons na mura di norti tene nomis di Ruben, Judá ku Levi; kilis di mura di lesti e tene nomis di José, Benjamin ku Dan; kilis di mura di sul e tene nomis di Simeon, Isakar ku Zebulon; kilis di mura di kaida di sol tene nomis di Gad, Aser ku Naftali.

35Kumprimentu total di mura na tudu kuatru ladu di prasa i sedu 9.000 metru.

“Di ki dia pa dianti, prasa na comaduJer 3.17; 33.16; Joe 3.21; Zak 2.10; Ef 2.22; Apok 21.3; 22.3 SIÑOR STA LA.”