Saida 12 - Portuguese Creole Bible, Guinea-Bissau

Paskua

1SIÑOR papia ku Moisés ku Aron na tera di Ejitu, i fala:

2“E mis i na sedu purmeru mis di SIÑOR.

12“‘Na ki mesmu noti N na pasa na tera di Ejitu, N na mata tudu purmeru fijus di Ejitu, di omis ku di limarias; N na julga tudu deusisNum 33.4; Is 19.1; Jer 43.12; 46.25 di Ejitu. Ami i SIÑOR.

13Ki sangi na sedu sinal pa bos na kasas ku bo sta nel; ora ku N oja sangi, N na pasa riba di bos. Ki praga di mortundadi ka na toka bos ora ku N mata jinti na tera di Ejitu.

14“‘Bo na guarda e dia suma dia di12.42; Kap 13.9; Sal 111.4; Mat 26.13; Luk 22.19; 1 Kor 11.23-26 lembransa; bo na fasil un festival pa SIÑOR. Na bo jorsons di futuru bo na guardal suma lei12.17,24; Kap 13.10 pa sempri.

15Bo na kume pon sin fermentu pa setiKap 12.8; 13.3,6-7; 23.15; 34.18; Sir 23.6; Num 28.17; Lei 16.1-8; 2 Kron 30.21; 35.17; Esd 6.22; At 12.3 dia. Na purmeru dia bo tira fermentu di bo kasas, pabia kualker algin ku kume pon ku fermentuKap 12.19; 1 Kor 5.6-8 disna di purmeru dia te setimu dia i na tiraduKap 31.14; Sir 17.10,14; Num 9.13; Mal 2.11-12 na Israel.

16Na purmeru dia i na ten juntamentu sagradu; tambi na setimu dia i na ten utru juntamentu sagradu. Nin un tarbaju ka na fasidu na ki dia; son kumida ku bo pudi purpara pa kada kin kume.

17“‘Bo guarda festival di pon sin fermentu, pabia na ki mesmu dia N tira bo jorsons na tera di Ejitu. Na bo jorsons di futuru bo na guarda e dia suma lei pa sempri.

18Na purmeru mis bo na kume pon sin fermentu disna di dia 14 di tardi te na dia 21 di tardi.

19Pa seti dia fermentu ka na ojadu na bo kasas, pabia kualker algin ku kume pon ku fermentu i na tiradu na kumunidadi di Israel, mesmu ki sedu stranjeru o natural.

20Ka bo kume nada ku fermentu. Na kualker kau ku bo mora nel, bo kume pon sin fermentu.’ ”

21Moisés coma tudu garandis di Israel, i fala elis: “Kada un di bos i ta kuji fiju di karnel pa si familia, i matal pa Paskua.

22Dipus, i ta toma un maradura di isopi, i mojal na sangi ku sta na basia, i untalEb 11.28; 12.24 na dus ladu di porta ku riba. Nin un di bos ka dibi di sai na porta di si kasa te parmaña.

23Ora ku SIÑOR pasa pa mata ejipsius, i na oja sangi na dus ladu di porta ku la riba, i na pasa ribaEz 9.4-6; Apok 7.3; 9.4 di ki porta, i ka na disa ki matadur yentra na bo kasas pa mata bos.

24“Bo obdisi e ordi, abos ku fijus di bo jorsons, pa sempri.

25Ora ku bo yentra na tera ku SIÑOR fala i na da bos, bo guardaJos 5.10-11 e festival.

26Ora ku bo fijus puntaKap 10.2; 13.8-9,14-15; Lei 6.6-7,20-25; 11.18-20; Jos 4.5-7,21-24; Sal 78.3-6; 145.4; Is 38.19 bos: ‘E festival, ke ki signifika pa bos?’

27bo ta fala elis: ‘Es i sakrifisiu di Paskua pa SIÑOR ku pasa riba di kasas di fijus di Israel na Ejitu, i libra no kasas, oca i na mataba ejipsius.’ ” Asin pobu mpina e ngaba Deus;

28dipus e bai fasi tudu ku SIÑOR mandaba Moisés ku Aron.

Mortu di purmeru fijus di Ejitu

29Na me-noti, SIÑOR mata tudu purmeru fijusNum 33.4; Sal 78.51; 105.36; 135.8; 136.10 na Ejitu, desdi purmeru fiju di Faraó ku ta sintaba ku el na tronu te purmeru fiju di katibu ku staba na kalabus, ku tudu purmeru fiju di limarias.

30Faraó lanta ki di noti ku tudu si ŝefis, ku tudu ejipsius; i tenba garandi cur na Ejitu, pabia i ka tenba kasa ku ka tene cur.

31Faraó coma Moisés ku Aron, i fala elis: “Bo lanta, bo sai na metadi di ña pobu, abos ku fijus di Israel. Bo bai fasi sakrifisiu pa SIÑOR suma ku bo falaba.

32Bo leba bo karnel ku bo bakas, suma ku bo fala; bo bai bo pidi benson di SIÑOR pa mi tambi.”

33Ejipsius foronta israelitas pa e sai na se teraKap 12.39; 11.1 kinti-kinti, e fala: “Si i ka asin, anos tudu no na bin muri!”

34Asin pobu di Israel e toma se masa ku ka pudu inda fermentu, ku basias ke ta masal nel, maradu na se ropa; e kargal na se ombra.

35E fasiba ja konformi ordi ku Moisés daba, e pidi ejipsius kusas di prataKap 3.21-22; 11.2-3; Sal 105.37 ku di uru, ku ropa.

36SIÑOR pui ejipsius pa e mostra fabur pa elis; e da elis ke ke pidi. Asin e leba rikesas di ejipsius.

Saida di israelitas

37Fijus di Israel kumsa yanda ku pe, di RamasésNum 33.3-5 te na Sukot. E seduba serka di seizentus milKap 38.26; Num 1.46 omi, fora di minjeris ku mininus.

38E bai ku manga di jinti di utruNum 11.4 rasa, ku manga di limaria, suma karnel ku baka.

39E kusña pon sin fermentu ku ki masa ke tisi di Ejitu, pabia i ka teneba fermentu, suma ke tiradu kinti-kinti di Ejitu; e ka dadu tempu pa e purpara kumida.

40Tempu ku fijus di Israel fika na Ejitu i sedu kuatrusentus i trintaKum 15.13; At 7.6 anu.

41Dipus de pasa kuatrusentus i trinta anu, na ki dia mesmu, tudu jorsons di fijus di Israel sai di Ejitu.

42Ki di noti SIÑOR bisia pa tira fijus di Israel di Ejitu. Ki mesmu noti i di SIÑOR; tudu fijus di Israel dibi di guardalKap 12.14; Lei 16.1-6 pa sempri.

Regras di Paskua

43SIÑOR fala Moisés ku Aron: “Es i regras di Paskua: Nin un ospri12.48; Sir 22.10; Num 9.14; Ef 2.12-19 ka dibi di kume ki karni di Paskua,

44ma kualker katibu ku bu kumpra ku diñeru, si i sirkunsidadu ja, i pudi kumel.

45Algin di utru rasa ka pudi kumel, nin tarbajadur ku bu ta paga.

46Ki karni na kumedu na kasa ki purparadu nel; i ka na lebadu pa fora. Ka bo kebra osNum 9.12; Sal 34.20; Jon 19.33,36 di ki karni.

47Tudu kumunidadi di Israel na fasi asin.

48Si un ospri12.43; Sir 19.34; 24.22; Num 15.15-16; Ez 44.9; Gal 3.28; Kol 3.11 ku na mora na bu kasa misti toma parti na Paskua di SIÑOR, tudu macu di si familia ten ku sirkunsidadu. Asin i pudi toma parti suma algin di tera, ma kil ku ka sirkunsidadu i ka pudi kumel.

49I na sedu mesmu lei pa kil di tera, suma pa ospri ku bin sinta ku bos.”

50Tudu fijus di Israel fasi suma ku SIÑOR manda Moisés ku Aron.

51Na ki mesmu dia SIÑOR tira tudu jorsons di fijus di Israel di Ejitu.