1 Kronikas 5 - Portuguese Creole Bible, Guinea-Bissau

Jorson di Ruben

1Ruben i seduba purmeru fiju di Jakó ma, suma i bin dita ku minjer di si pape, si diritu di purmeru fijuKum 29.32; 35.22; 46.8; 48.22; 49.3-4 i pasantadu pa fijus di José, fiju di Israel. Pabia di kila, si jorson ka ta kontadu suma jorson di purmeru fiju.

2JudáKum 29.35; 46.12; 49.8-10; Num 2.3,9; 7.12; 26.19-22; Ŝef 1.1-2 bin sedu mas forti na metadi di si ermons, tok renansa1 Sam 16.1,13; Sal 78.68-71; Jer 23.5-6; Mik 5.2; Mat 2.6 sai na si jorson, ma diritu di purmeru fiju i seduba di José.

3Fijus di Ruben, purmeru fiju di Israel, seduba: Enok, Palú, Ezron ku Karmi.

4-6Es i lista di jorson di Joel, di pape pa fiju: Joel, Semaias, Gog, Simei, Mika, Reaias, Baal ku Beera, ŝef di rubenitas, ku Tiglat-Pileser, rei di Asiria, prindi i leba.

7Konformi reẑistu, lista di ŝefis di familia di Ruben i sedu: Jeiel, Zakarias,

8Belá, fiju di Azaz, fiju di Sema, fiju di Joel, ku mora na Aroer te na Nebu ku Baal-Meon.

9Manera ke bin tene limarias ciu na tera di Jilead, e distindi se moradias pa saida di sol, te na entrada di lala ku ta bai te na riu Eufrates.

10Na tempu di rei Saul e geria ku agarenus, e ngaña elis, e mora na se tendas na tudu ki reẑion di lesti di Jilead.

Jorson di Gad

11Fijus di GadKum 30.11; 46.16; Num 26.15-18; 32.34-36; Jos 13.11,24-28 moraba pertu delis na tera di Basan te na Salka.

12Joel seduba ŝef na Basan; Sofan seduba sugundu ŝef, dipus Janai ku Safat.

13Se ermons, konformi jorsons di se papes, seduba seti: Mikael, Mesulan, Seba, Jorai, Jakan, Zia ku Eber.

14Esis i fijus di Abiail, fiju di Uri, fiju di Jaroa, fiju di Jilead, fiju di Mikael, fiju di Jesisai, fiju di Jadu, fiju di Buz.

15Ai, fiju di Abdiel, fiju di Guni, i seduba se ŝef.

16E moraba na Jilead na tera di Basan, ku na tabankas na roda, suma tambi na tudu se kau di bakia di SaronKap 27.29; Kan 2.1; Is 35.2; 65.10 te na se frontera.

17Tudu ki jinti e reẑistadu konformi se jorsons, na tempu di Jotan,2 Re 14.23; 15.32 rei di Judá, ku Jeroboan, rei di Israel.

Gera di jorsons di utru banda di Jordon

18Jorsons di Ruben ku Gad ku metadi di jorson di Manasés e teneba 44.760 omi fortiJos 4.12-13 ku sibiba pega tajadera ku spada, ku teneba jitu pa usa mansasa, ku trenadu pa sai pa gera.

19E bai geria ku agarenus, suma tambi ku Jetur,Kap 1.31; Kum 25.15 Nafis ku Nodab.

20E coma Deus na gera, e fiansa nel; Deus obi elis, i juda elis pa e ngaña vitoria riba di agarenus ku tudu ki jinti ku juntaba ku elis.

21E leba sinkuenta mil kamelu, duzentus i sinkuenta mil karnel, dus mil buru ku sen mil omi.

22Manga di jinti matadu, pabia ki gera i seduba di Deus. E bai mora na se tera te na dia ke lebadu2 Re 15.29 katibu.

Metadi di jorson di Manasés

23Metadi di jorson di Manasés moraba na ki tera. E bin ciu, e distindi se kau di moraJos 13.29-31 desdi Basan te na Baal-Ermon, Senir ku montiLei 3.8-9 di Ermon.

24Esis i ŝefis di se familias: Efer, Isi, Eliel, Azriel, Jeremias, Odavias ku Jadiel; e seduba omis famosu di gera.

25E bin ka sedu fiel pa Deus di se papes, e bai tras di deusis di jinti di ki tera2 Re 17.7-17 ku Deus kababa ku elis oca ku fijus di Israel yentra pa toma tera.

26Pabia di kila, Deus di Israel cuci spiritu di Pul, ku tene tambi nomi di Tiglat-Pileser, rei di Asiria. Kila bai leba2 Re 15.19,29; 18.11 jorsons di Ruben ku Gad, ku metadi di jorson di Manasés, pa katiberasku, i pui elis na Ala, na Abor, na Ara ku lungu di riu di Gozan, nunde ke sta te aos.