1SIÑOR bin papia ku mi, i falan:
2“Fiju di omi, vira bu rostu pa montis di Israel, bu anunsia kontraKap 20.46; 21.2; 25.2; 36.1 elis,
3bu fala: ‘Montis di Israel, bo obi palabra di SIÑOR Deus. Asin ku SIÑOR Deus fala pa montañas, montis, riusiñus ku kobons: Ami propi N na tisi spada kontra bos, N na dana bo kausSir 26.30 altu.
4Bo altaris na kabadu ku el; bo altaris di nsensu na kebradu. Bo jinti ku matadu ku spada, N na bota elis dianti di bo idulus.
5N na pui difuntus di fijus di Israel dianti di se idulus; N na pajiga bo os na roda di bo altaris.
6Prasas ku tudu kau ku bo mora na danadu; kaus altu na kabadu ku el, pa bo altaris pudi danadu, e kabadu ku el, bo idulus kebradu tok e ka bali, bo altaris di nsensu pajigadu, kusas ku bo kumpu pirdintidu.
7Kilis ku matadu ku spada e na kai na bo metadi, pa bo pudi sibi kuma i ami ku sedu SIÑOR.
8“‘Ma N na disa utrus kapliKap 12.16; 14.22 di spada, ora ku bo pajigadu na tera di utru nasons.
9Kilis ku kapli na bos, na kau ke lebadu katibu na metadi di nasons, e na lembra di mi, manera ke pun pa N fika tristiIs 63.10 pabia di se korson infiel ku disvia di mi, ku se uju ku na jubi-jubi tras di se idulus. E na nuju se propi kabesaKap 20.43; 36.31; Jo 42.6 pabia di kusas mau ke fasi, ku se kustumus nujenti.
10E na sibi kuma ami, SIÑOR, N ka papia amonton oca ku N fala kuma N na fasi elis e mal.’ ”
11Asin ku SIÑOR Deus fala: “TokaKap 21.14 palmu, bu bati pe, bu grita ‘Ai!’ pabia di kustumus mau i nujenti ku Israel fasi, pabia e na muri ku spada, fomi, ku duensa.
12Kil ku sta lunju na muriKap 5.12 di duensa; kil ku sta pertu na matadu ku spada; kil ku sobra ku vida i na muri di fomi. Asin N na darma ña raiba riba delis.
13Ora ku se jinti ku matadu ku spada dita na metadi di se idulus, na roda di se altaris, riba di tudu montiIs 57.5; Jer 2.20; Os 4.13 ku montaña altu, bas di tudu arvuri verdi, ku tudu polon garandi, na kau nunde ke ta pursenta kusas ku ta cera sabi pa tudu se idulus, e na bin sibi kuma ami i SIÑOR.
14N na distindi ña mon kontraIs 5.25 elis, N na dana se tera ku tudu kau ke mora, desdi lala di sul te na Dibla. E na sibi kuma ami i SIÑOR.”
Who We AreWhat We EelieveWhat We Do
2025 by iamachristian.org,Inc All rights reserved.
