1 Samuel 9 - Portuguese Creole Bible, Guinea-Bissau

Saul kontra ku Samuel

1I tenba un omi di puder, di jorson di Benjamin, comadu1 Kron 8.30-33 Kis, fiju di Abiel, fiju di Zeror, fiju di Bekorat, fiju di Afias di Benjamin.

2Kis teneba un fiju comadu Saul, un joven bonitu; i ka tenba utru mas bonitu na metadi di israelitas. Desdi ombra pa riba, i mas kumpridu di ki kualker utru.

3Burus di Kis, pape di Saul, e pirdi. Kis fala si fiju Saul: “Lanta, bu leba un di kriadus, bu bai buska burus.”

4Saul bai, i pasa na montaña di Efrain; di la i bai pa con di Salisa,2 Re 4.42 ma e ka oja elis. Dipus, e pasa pa con di Saalin, ma burus ka staba la. E pasa tambi na con di Benjamin, ma e ka oja elis.

5Oca ke ciga na reẑion di Zuf,Kap 1.1 Saul fala si rapas ku staba ku el: “Bin no riba, pa ña pape ka para kuda na burus, i fika forontaduKap 10.2 pabia di nos.”

6Kriadu falal: “Jubi, i ten un omi di Deus ne prasa, un omi rispitadu. Tudu kusa ki fala i ta binKap 3.19 sedu, i ka ta maina. Bin no bai la; talves i pudi mostranu kamiñu ku no dibi di pega.”

7Saul fala si kriadu: “Ma si no bai la, ke ku no na leba pa ki omi? Pon kaba na no sakus; no ka tene nin oferta1 Re 14.3; 2 Re 4.42; 5.5,15; 8.8-9 pa leba pa omi di Deus. O no tene?”

8Kriadu torna ruspundi Saul, i falal: “Jubi, N tene inda un mueda pikininu di prata; N na da omi di Deus el pa i pudi mostranu kamiñu.”

9(Na tempu antigu, na Israel, si algin bai konsulta Deus, i ta fala: “Bin no bai pa videnti,” pabia kil ku ta comadu anunsiadur gosi i ta comaduba videnti.)

10Saul fala kriadu: “I sta bon; no bai.” Asin e bai pa prasa nunde ku omi di Deus staba.

11Oca ke staba na subida pa prasa, e oja utru bajudas ku na binba buska yagu. E punta elis: “Videnti sta la?”

12E ruspundi, e fala elis: “Sin, i sta la bo dianti. Janti; i kumsa ciga na prasa, pabia jinti tene sakrifisiu aos na kau altu.

13Si bo na yentra na prasa, bo na ojal antis di i subi pa kau altu pa bai kume. Jinti ka na kume tementi i ka ciga, pabia i el ku ta bensua sakrifisiu; dipus, kumbidadus ta kume. Bo subi gosi; bo na ojal logu.”

14Asin e subi pa prasa. Oca ke na yentra na prasa, e oja Samuel na bin pa elis na si kamiñu pa kau altu.

15Na dia antis di Saul ciga, SIÑOR mostraba jaAm 3.7 Samuel e kusa, i falal:

16“Amaña ne ora N na mandau un omi di tera di Benjamin; bu na unjilKap 10.1; 15.1; 16.3 pa i sedu ŝef riba di ña pobu Israel. El i na libra ña pobu na mon di filisteus. Ña uju sta abertu pa ña pobu, pabia se fála ciga na ña oreja.”

17Oca Samuel oja Saul, SIÑOR falal: “Ali omiKap 16.6-12 ku N falau aserka del. I es ku na guberna ña pobu.”

18Saul bai pa Samuel na porton, i falal: “Di fabur, mostran nunde ku kasa di videnti sta nel.”

19Samuel ruspundi Saul i falal: “Ami ki videnti. Subi ña dianti pa kau altu; bo na kume ku mi aos. Amaña N na dispidiu, N na kontau tudu ku sta na bu sintidu.

20Ki burus ku bu pirdi ja tris dia, ka bu pensa nelis, pabia e ojadu ja. Nta tudu diseẑu di Israel i pa kin? I ka pa bo ku tudu familia di bu pape?”

21Saul ruspundi i falal: “Nta ami i ka fiju di Benjamin, di jorson mas pikininuŜef 20.46-48; Sal 68.27 na Israel? Ña familia i ka mas pikininu na tudu familias di jorson di Benjamin? Ke ku manda bu na fala e palabras pa mi?”

22Samuel leba Saul ku si kriadu pa salon di festa, i da elis lugar dianti di tudu kumbidadus, ku sedu serka di trinta omi.

23Samuel fala kusñeru: “Tisi ki padas di karni ku N dau, kil ku N falau pa bu guarda aparti.”

24Kusñeru toma perna di trasSir 7.32-33 ku tudu karni ku staba nel, i pul dianti di Saul. Samuel fala: “Ali kil ku guardadu pa bo. Kumel, pabia i rakadadu pa bu pudi kumel ne festa ku N kumbida jinti pa el.” Asin Saul kume ku Samuel ki dia.

25Dipus ke ria di kau altu pa prasa, Samuel papia ku Saul riba di kasa.

26E lanta mandrugada, oca sol pertu sai. Samuel coma Saul la riba di kasa, i falal: “Lanta, N na dispidiu.” Saul lanta; el ku Samuel e sai fora.

27Oca ke ciga na roda di prasa, Samuel fala Saul: “Fala kriadu pa i pasa no dianti.” Rapas pasa dianti. Samuel fala Saul: “Pera li inda, pa N kontau palabraKap 15.16 di Deus.”