Jo 33 - Portuguese Creole Bible, Guinea-Bissau

Eliu raprindi Jo

1“Jo, obi ña kombersa,

bu para sintidu na tudu ña palabras.

2Ali N na bai papia;

ña palabra sta ja na ponta di lingua pa sai.

3Ña palabras na sai na korson puru;

N na papia kusas ku N sibi di bardadi.

4I Spiritu di Deus ku kumpun,

Deus ku ten tudu puderKum 2.7 supran, i dan vida.

5Ruspundin si bu pudi.

Purpara bu argumentus pa pursenta.

6Dianti di Deus N sedu suma bo;

N kumpudu ku lama tambi.

7Bu ka dibi di ten medu di mi,

nin ña mon ka na sedu pisadu riba di bo.

8“Na bardadi bu papia ña dianti;

N obi bu palabras ku ña oreja.

9Bu fala: ‘Ami N sta limpu, sinKap 10.7; 11.4; 16.17; 23.11-12; 27.5-6; 29.14 pekadu;

N sta puru, N ka ten kulpa.

10Ma Deus oja kualker falia na mi,

i tenenKap 13.24; 16.9; 19.11; 30.21 suma si inimigu.

11I pui ña peKap 13.27; 14.16; 31.4 prezu,

i ta nota tudu kau ku N bai.’

12“Ma ami N na ruspundiu, N fala kuma,

ne kusa bu ka ten roson,

pabia Deus i mas garandi di ki omi.

13Ke ku manda bu na keŝa Deus

kuma i ka ta da kontaIs 45.9 di nin un kusa ki na fasi?

14Ma Deus ta papia, i torna papia mas;

i son kuma ningin ka ta nota.

15Na suñu o na vison di noti,

ora ku omis na durmi un sonu fundu, na se kama,

16Deus ta pui elis pa e obi,

i ta pantanda elis ku si avisus,

17pa lunjusi omi di si mau planu,

pa libral di orgulyu,

18pa salba si vida di spada,

pa ka i bai pa koba.

19O tambi Deus pudi kastiga algin ku duensa,

tok i dita ku dur na os ku ka ta para.

20I ta nuju kumida;

te ki kumida mas sabi, i ka ta mistil.

21Kurpu kaba ku el tudu;

si os, ku ka ta ojaduba, gosi i sai.

22I pertu ja muri,

pa bai pa koba.

23“Si un di ki milyaris di anju bin pa un omi,

pa i sta entri el ku Deus,

pa kontal ke ki dibi di fasi,

24i na ten pena del, i na fala:

‘Libral pa ka i ria na koba;

N oja unSal 49.7-8; Mat 20.28; Rom 3.24-26; 1 Tim 2.6; 1 Ped 1.18-19 libertadur.’

25Si kurpu na bida nobu suma ocal mininu;

i na bida fortiLei 34.7; Jos 14.10-11; Sal 103.5 suma ocal rapas.

26I na ora; Deus na mostral fabur.

I na oja rostu di Deus, i kanta ku kontentamentu;

Deus na torna ojal justu.

27Ki omi na bai dianti di jinti, i fala:

‘N peka; N tursi kil ku seduba diritu;

ma N ka kastigadu konformi N mersi.

28Deus libranIs 38.17-18 di koba;

N sta bibu, N na oja lus.’

29“Es tudu i kusa ku Deus ta fasi pa omi,

dus bias, o te tris bias,

30pa libral di koba,

pa numial ku lusJon 8.12 di vida.

31“Sukuta, Jo, bu kala, bu obin;

ami N na papia ku bo.

32Ma si bu tene un kusa di ruspundi, papia,

pabia N misti dau roson.

33Si bu ka tene, kala, bu sukutan;

N na nsinau jiresa.”