Ebreus 12 - Portuguese Creole Bible, Guinea-Bissau

Firmesa na tempu di probason

1Anos tambi, ku tudu e tustumuñas ku rodianu suma nuven, no sakudi tudu kusa ku ta mbaransanu, ku pekadu ku ta lestu ku maranu; no kuri1 Kor 9.24 ku tudu mpeñu na kurida ku sta no dianti.

2No pui uju na Jesus, kil ku no fe ta kumsa nel, i ta kaba nel. Pabia di sabura ku staba si dianti, i nguentaLuk 24.26; Fil 2.8-11 krus, i dispreza borgoña di ki ora; i bai sintaAt 2.33 na direita di tronu di Deus.

3Bo pensa na kil ku nguenta manga di kusa ku jinti mau lantandaMat 11.19; 12.24; Luk 15.2; Jon 9.16,24 kontra el. Asin bo ka ta pirdi koraẑen, pa boGal 6.9 dismaja.

4Na bo luta kontra pekadu bo ka risisti inda tok bo tiradu sangi.

5Bo diskisi ja di ki palabra di koraẑen ku Deus konsija bos suma si fijus, i fala:

“Ña fiju, ka bu njuti disiplinaJo 5.17; Dit 15.20 di Siñor;

ka bu disanima ora ki na raprindiu,

6pabia Siñor ta disiplinaSal 94.12; Dit 3.11-12; Apok 3.19 kil ki ama.

Tudu kil ki coma suma si fiju, i ta sutal.”

7Kil ku bo na sufri i pa bo disiplina. Deus na trata bos sumaLei 8.5; 2 Sam 7.14; Dit 13.24 fijus. Kal fiju ku si pape ka ta krial?

8Si bo ka ten kriason ku tudu fiju dibi di ten, nta abos i fijus ku padidu fora di kasamenti; bo ka sedu fijus propi.

9Tambi no tene no papes de mundu ku ta disiplinanu; no ta da elis rispitu. Nta no ka pudi suẑeta mas inda no Pape spiritual pa no tene vida?

10Elis e krianu pa puku tempu suma ke ntindi, ma Deus ta krianu pa no purbitu, pa no pudi tene vida puruSir 11.44 suma el.

11Na bardadi, nin un kastigu ka ta sabi na ki ora; i ta punu tristi, ma mas tardi i ta da bon frutu di pas na kilis ku kriadu nel, pa e tene vida limpu.

Manga di konsiju

12Asin bo lantanda bo monIs 35.3 kansadu, bo tesanta bo juju ku na tirmi!

13Bo kumpu kamiñu diritu pa bo yanda nel, pa pe manku kaGal 6.1 kabanta mankusi, ma pa i kuradu.

14Bo buska ten pasMat 5.8-9; Rom 12.18; 2 Kor 7.1; Ef 4.3; 1 Ped 3.11 ku tudu jinti; bo buska tambi un vida puru, pabia sin el ningin ka na oja Siñor.

15Bo toma sintidu pa ka ningin pirdi fabur2 Kor 6.1; Gal 5.4 di Deus, pa ka nin un raisLei 29.18 malgos nasi pa kansa bos, i bin venena manga di jinti;

16pa i ka ten ningin na bo metadi ku vida susu, o algin ku pensamentu de mundu, sumaKum 25.33-34 Esaú, ku bindi si diritu di garandesa pabia di un pratu di kumida.

17Bo sibi kuma, mas tardi, oca i bin misti risibi bensonKum 27.34-38 di yardansa, i tujidu el, pabia i ka oja manera di rabida kil ki fasi, kontudu i buskal ku larma.

18Bo ka ciga na ki monti ku pudiSai 19.12,18-19; Lei 4.11 palpadu, ku na yardi ku fugu, sukuru pretu nok, ku turbada,

19ku korneta ku na toka, ku fala ku na papia. Oca ke obil, e pidi pa ka i papiaLei 5.5,23-25; 18.16 mas ku elis,

20pabia e ka pudi nguenta ki ordi ku dadu, kuma nin ki un limariaSai 19.13 ku toka na monti, i na matadu ku pedra.

21Kusa ke oja i seduba meduñu dimas, tok Moisés fala kuma i na tirmi ku medu.

22Ma bo ciga pa monti di Sion, pa prasaGal 4.26; Fil 3.20; Apok 3.12; 21.2 di Deus bibu, Jerusalen di seu, ku si manga di milyaris di anju

23ku sta na juntamentu alegri; pa igreẑa di purmeruSai 4.22; Tia 1.18 fijus di Deus ku se nomis sta skritu na seu; pa Deus ku sedu juis di tudu jinti, pa spiritus di jinti justu ku sta ja pirfitu,

24pa Jesus ku ranja nobu kontratuSai 24.8; Mat 26.28; 1 Ped 1.2 entri nos ku Deus, pa sangi ku wagadu, ku ta fala minjor di ki sangi diKum 4.10 Abel.

25Bo toma sintidu pa ka bo nega obiKap 2.2-3 kil ku na papia. Kilis ku nega obi vos ku na papia ku elis na tera e ka kapli kastigu; ku fadi anos, si no da kosta pa kil ku na papia ku nos la na seu.

26Na ki dia si vos pui teraSai 19.18; Aẑeu 2.6 tirmi, ma gosi i fala kuma, mas un bias i ka na fasi son tera tirmi, ma seu tambi.

27Agora e palabra “mas un bias” mostra kuma kusas ku ta bulbuli, ku sedu kusas ku kumpudu, e na mundantadu,Sal 102.25-26; Mat 24.35; 2 Ped 3.10; Apok 21.1 pa kilis ku ka ta bulbuli pudi fika.

28Renu ku no risibi ka pudi bulbulidu. Asin no ba ta fala Deus obrigadu, no adoral ku rispitu, ku medu, suma ki misti,

29pabia no Deus i un fuguKap 10.27; Lei 4.24; Sal 97.3; Is 66.15; 2 Tes 1.8 ku ta kaba ku tudu.