Jeremias 6 - Portuguese Creole Bible, Guinea-Bissau

Inimigus taja Jerusalen

1“Abos, fijus di Benjamin, bo kuri, bo kapli di Jerusalen pa salba bo kabesa. Bo toka kornetaKap 1.14; Ne 3.5,27 na Tekoa, bo yalsa sinal di fugu riba di Bet-Akeren, pabia mal na bin di norti, ku garandi kastigu.

2Prasa di Sion i bonitu, i finu, ma N na danal.

3Reis na bin kontra el ku se tropas, e na yarma se tendasKap 4.17; 39.1-2 na roda, kada un na kau ki kuji.

4E na fala: ‘Bo purpara gera kontra el; bo lanta pa no atakal me-dia.’ Dipus e na fala: ‘Tempu kaplinu! Dia na bai; sombras kumpridu ja.

5Bo lanta, no atakal di noti; no dana si kuartelis.’ ”

6Asin ku SIÑOR ku ten tudu puder fala: “Bo korta arvuris, bo pui rampas di kamba kontra Jerusalen. E prasa ten ku kastigadu, pabia e sta son na kalka ŋutru.

7Suma ku fonti ta guarda si yagu fresku, asin ku e prasa ta guarda si maldadi fresku. ViolensiaKap 20.8; Ez 7.11,23 ku danu ku ta obidu na si ruas; N ta oja duensa ku cagas sempri nel.

8Jerusalen, seta konsiju, pa N ka bin bandonau, pa ka bu bin bida tera danadu suma lala ku ka sintadu nel.”

9Asin ku SIÑOR ku ten tudu puder fala: “E na pui sintidu pa kuji restus di Israel suma algin ku na tira uvas na si pe. Bai, pasa bu mon na ramus, bu tira kil ku bu pudi.”

10N ruspundi N puntal: “Ku kin ku N pudi papia pa N avisal? Kin ku na obin? Se orejas ntupi; e ka pudi obi. Palabra di SIÑORKap 7.26; 20.8-9; Sai 6.12; At 7.51 i ofensa pa elis; e ka gosta del.

11N inci ku raiba di SIÑOR; N kansa ja di guardal dentru di mi.”

SIÑOR falan: “Darmal riba di mininus na rua, tambi na runions di jovens. Te maridu ku minjer e na pañadu nel, tudu ku bejus ku kilis ku pertu muri.

12Se kasas na pasa paLei 28.30 utrus, tudu ku se lugaris ku se minjeris, pabia N na distindi ña mon kontra moraduris de con.

13Mininus ku garandis, kada kin ta pui si sintidu sonKap 8.10; Is 56.11; Mik 3.11 pa ngaña. Anunsiaduris tudu ku saserdotis, kada un ta ngana jinti.

14E ta kura cagasKap 8.11; 14.13; 23.17; Ez 13.10 di ña pobu suma i ka nada. E ta fala: ‘Pas, pas,’ kontra pas ka ten.

15Nta e ta sinti borgoña di kusas nujenti ke ta fasi? Nau! Nin e ka ta burguñuKap 3.3; 8.12; Sof 3.5 nin e ka sibi ke ki borgoña! E ku manda e na kai ku kilis ku kai. Na tempu ku N kastiga elis e na kai ku forsa.” Asin ku SIÑOR fala.

Israel nega kamiñu di Deus

16SIÑOR fala si pobu: “Bo bai firma na ntronkamentu, bo jubi, bo buska kamiñuKap 18.15 antigu, bo punta kal ki bon kamiñu, bo yanda nel; asin bo ta oja diskansuMat 11.29 pa bo vidas.” Ma e fala: “No ka na yanda nel.”

17SIÑOR pui sintinelas pa elis, i fala elis: “Bo sukuta toku di korneta.” Ma e fala: “No ka naKap 25.4; Is 58.1; Ez 3.17; Ab 2.1 sukutal.”

18SIÑOR fala: “Abos nasons, bo obi, bo toma kuñisimentu di kil ku na bin sedu ku ña pobu.

19O mundu, obi! N na tisi mal riba de pobu, suma kastigu di se mau pensamentus, pabia e nega obi ña palabras, e ka obdisi ña lei.

20Ke ku N mportaIs 1.11; 66.3; Os 8.13; Am 5.21; Mik 6.6-8 ku nsensu ku ta bin di Sebá pa mi, ku minjor kana ku ta cera sabi di utru tera lunju? Bo ofertas kemadu e ka ta kontentan, nin bo sakrifisius ka sabi pa mi.

21Asin ami, SIÑOR, N fala: N na pui kusas diantiEz 3.20 de pobu pa e da tapada. Papes ku fijus e na kai juntu nel. Visiñu ku si kumpañer e na muri.”

Inimigu di norti

22Asin ku SIÑOR fala: “Tropas na bin di tera diKap 1.14-15 norti; un nason forti na lanta na utru parti di mundu.

23E na bin ku mansasa ku kañaku; e sedu jinti mau ku ka ta ten pena di ningin. Ora ke bin montadu na kabalus, se barujuIs 5.30 na sedu suma di mar. Sion, e na bin ku ordi, pruntu pa geria kontra bo.”

24Pobu fala: “Dipus ku no obi se noba, no mon moli. Foronta toma konta di nos; no sinti durKap 4.31; 13.21; 22.23; 30.6; 48.41; Mik 4.9; 1 Tes 5.3 suma minjer ku sta di partu.

25Ka bo sai pa matu, nin ka bo yanda na kamiñu, pabia inimigu tene spada; pirigu sta na tudu ladu.”

26“O ña pobu, bo maraKap 4.8; Am 8.10; Zak 12.10 saku, bo rola na sinsa; bo cora ku forsa ku tristesa, suma algin ku pirdi si uniku fiju, pabia di repenti danadur na bin riba di nos.”

27“Jeremias, N fasiu suma probadur di ña pobu, suma algin ku ta proba metal. Proba elis, pa bu sibi kuma ke sta.

28Tudu elis e sedu disobdienti dimas; e na yanda e na konta mintidaKap 9.4 pa jinti. E sedu duru suma kobriEz 22.18 ku feru; elis tudu e ta yanda na kurupson.

29Banadera di fugu na supra ku forsa, pa fugu pudi kema cumbu. Fereru na tarbaja diritu, ma tudu i amonton, pabia kilis ku mau e ka tiradu.

30E na comadu prata negadu, pabia SIÑOR nega elis.”