Malakias 3 - Portuguese Creole Bible, Guinea-Bissau

1SIÑOR ku ten tudu puder i fala: “Jubi, N na manda ña servuMat 11.10 ku na kumpu kamiñu dianti di mi. Siñor ku bo na buska i na bin di repenti pa si templu; kil ku bo mistiAẑeu 2.7 i na bin, i tisi kontratu.”

2Kin ku na pudi nguenta ki diaKap 4.1; Apok 6.17 ki na bin? Kin ku na pudi firma ora ki ciga? I na sedu suma fugu ku ta rifina uru, o suma sabonIs 4.4 forti di jinti ku ta laba ropa.

3I na sinta suma algin ku na rifinaIs 1.25; Zak 13.9 i purifika fijus di Levi, i na rifina elis suma uru ku prata. Asin e na tisi ofertasRom 15.16; 1 Ped 2.5 pa SIÑOR ku bon korson.

4SIÑOR na kontenti ku ofertas ku jinti di Judá ku Jerusalen na tisi, suma ki ta kontenti ba na purmeru anus na tempu antigu.

5SIÑOR ku ten tudu puder fala: “N na bin ciga na bo metadi pa julga, tudu pruntu pa sedu tustumuña kontraZak 5.4; Tia 5.4 futserus, ku kilis ku ta dita ku omi o minjer ki ka di sil, kilis ku ta jurmenta na mintida, kilis ku ka ta paga se tarbajaduris, ku kilis ku ta tursi justisaLei 24.14 di viuva, orfan ku stranjeru.

Ningin ka dibi di furta kil ki di Deus

6“Ami, SIÑOR, N ka taNum 23.19; 1 Sam 15.29; Tia 1.17 muda; e ku manda abos, di jorson di Jakó, bo ka kabaduMis 3.22 ku el.

7Disna di tempuNe 9.16-17 di bo papes, bo disvia di ña regras, bo ka obdisi elis. Bo ribaZak 1.3 pa mi; N ta riba pa bos.” Asin ku SIÑOR ku ten tudu puder fala.

“Ma bo ta punta: ‘Na kal manera ku no ten ku riba?’

8“Nta un omi dibi di furta kusa di Deus? Ma abos, bo ta furta di mi. Dipus bo ta punta: ‘Na kal manera ku no ta furta di bo?’

“Na dizimusNe 13.10-12 ku ofertas.

9Bo sta bas di maldison, abos, tudu nason, pabia bo ta furta di mi.

10Bo tisi tudu dizimus pa armazenKum 7.11; 2 Re 7.2; 2 Kron 31.10-11; Ne 10.38; Dit 3.9-10 di templu, pa kumida pudi ten na ña kasa; dipus bo ta proban, ami, SIÑOR ku ten tudu puder, pa jubi si N ka na yabri janelas di seu, pa darma riba di bos un benson garandi, tok bo ka na tene kau di pui.

11N na tuji bicus kume prudutu di bo con; pes di uva na bo lugaris na padi.” Asin ku SIÑOR ku ten tudu puder fala.

12I fala tambi: “Jinti di tudu nasons na coma bos sortiadu, pabia bo tera na sabi.”

Diferensa di justu ku mau

13SIÑOR fala: “Bo fala kusas forti kontra mi, ma bo ta punta: ‘Ke ku no fala kontra bo?’

14“Bo fala asin: ‘Pa sirbi DeusJo 21.15; 22.17; Sof 1.12 i ka ten purbitu. Nta ke ku no ngaña suma no fasi forsa, no kumpri si ordis, pa yanda suma jinti di cur dianti di SIÑOR ku ten tudu puder?

15Gosi ja, no ta oja kuma orgulyosus i jinti sortiadu; tambi kilis ku ta fasiSal 73.12 mal, kusas ta kuri elis diritu. Na bardadi, e ta fasi mal pa spurmenta pasensa di Deus, ma e ta kapli.’ ”

16Dipus, kilis ku rispita SIÑOR e papia, kada kin ku si kumpañer. SIÑOR para sintidu, i obi ke ke na fala. Un libruIs 65.6; Apok 20.12 di lembransa skirbidu si dianti aserka di kilis ku rispital, ku ta lembra sempri di si nomi.

17SIÑOR ku ten tudu puder fala: “Elis e na seduIs 62.3; 2 Tim 2.19 di mi; na ki dia ku N marka, e na sedu ña rikesa spesial; N na guarda elis suma ku omi ta guarda si fiju ku ta sirbil.

18Na ki tempu bo na torna oja diferensa di justu ku mau, ku di kil ku ta sirbi Deus ku kil ku ka ta sirbil.”