Markus 13 - Portuguese Creole Bible, Guinea-Bissau

Jesus fala kuma kasa di Deus na bin batidu(Mat 24.1-2; Luk 21.5-6)

1Oca Jesus na sai na kasa di Deus, un di si disipulus falal: “Mestre, jubi e pedras garandi ku e kasas bonitu!”

2Jesus ruspundi, i falal: “Bu oja e kasas garandi? Nin pedraLuk 19.44 ka na fika riba di ŋutru ku ka na batidu.”

Sufrimentu ku pirsigison(Mat 24.3-14; Luk 21.7-19)

3Oca i sinta na monti di Olivera, dianti di kasa di Deus, Pedru, Tiagu, Jon ku André bai pa el, e puntal aparti,

4e falal: “Kontanu kal tempu ku e kusas na kontisi. Kal ki sinal ku na mostra kuma tempu ciga pa tudu e kusas kontisi?”

5Jesus fala elis: “Bo toma sintidu pa ka ningin nganaJer 29.8; Ef 5.6; 1 Tes 2.3 bos.

6Manga di jinti na bin na ña nomi, e na fala kuma elis i Kristu. E na ngana manga di jinti.

7Ora ku bo obi baruju di gera pertu, ku noba di gera lunju, ka bo panta, pabia e kusas ten ku kontisi, ma inda i ka fin.

8Nason ten ku lanta kontra nason, renu kontra renu. Con na tirmi na manga di parti; fomi na ten. E kusas na parsi suma purmeru dur di partu.

9“Abos propi, bo toma sintidu. Pabia di mi bo na ntregaduMat 10.17-18 na justisa; bo na sutadu na kasas di juntamentu; tambi bo na lebadu dianti di gubernaduris ku reis, pa bo pudi konta di mi se dianti.

10Ma antis di kila, i pirsis pa Bon Noba kontadu pa tudu rasa.

11Ora ku bo prindidu, bo ntregadu, ka bo jumna bo fika ku kudadiMat 10.19-22; Luk 12.11-12; At 4.8,31 di kil ku bo na fala. Na ki ora, kil ku bo pudu na sintidu, bo ta fala, pabia i ka abos ku na fala, ma i Spiritu Santu.

12Ermons na ntrega ŋutruMik 7.6 pa e matadu; pape na ntrega si fiju. Fijus na lanta kontra se papes, e pui elis pa e matadu.

13Tudu jinti na nfastia bos pabia di mi, ma kil ku fika fielDan 12.12; Apok 2.10 te na fin i na sedu salbu.”

Garandi sufrimentu(Mat 24.15-28; Luk 21.20-24)

14(Kin ku lei e palabra, pa i buska ntindil.) “Ora ku bo oja ki ‘nujentimentiDan 9.27; 12.11 meduñu’ na lugar ki ka dibi di sta nel, kilis ku sta na Judeia pa e kuri pa montis.

15Kil ku sta riba di kasa pa ka i ria dentru di kasa pa toma kualker kusa di la.

16Kil ku sta na matu, ka i riba trasKum 19.17 pa toma si kapa.

17Koitadi di preñadas, ku kilis ku na mamanta na ki dias!

18Bo ora pa ka e kusa kontisi na tempu di cuba,

19pabia na ki dia i na ten garandi foronta, ku si koldadi nunka ka ciga di kontisi disna di kumsada di munduDan 12.1 ku Deus kumpu te aos, nin nunka mas i ka na ten suma el.

20Si Siñor ka menusa dias di ki foronta, nin un kriatura bibu ka na pudiba salba, ma, pa amor di si pobu ki kuji, i menusa ki dias.

21“Asin, si algin fala bos: ‘Ali KristuLuk 21.8 li!’ o ‘Alal la!’ ka bo fia,

22pabia i na lantaAt 20.30 finjiduris ku na fala kuma elis i Kristu, o elis i anunsiaduris; e na fasi sinal ku milagri pa ngana, si e pudi, te kilis ku Deus kuji.

23Bo toma2 Ped 3.17 sintidu; N jumna konta bos tudu e kusas.

Fiju di omi na bin(Mat 24.29-31; Luk 21.25-28)

24“Dipus di ki dias di foronta, sol na bidaSof 1.15; Apok 6.12-13 sukuru, lua ka na da lus;

25strelas na kai di seu; puderis ku sta na seu na bulbulidu.

26Dipus, jinti na oja Fiju di omi na bin na nuvenKap 14.62; Dan 7.13; Mat 16.27 ku garandi puder ku gloria.

27Na ki ora i na manda si anjus pa kuatru kantu di tera pa e junta kilis ki kuji, desdi un ladu di mundu te na utru.

Lison di figera(Mat 24.32-35; Luk 21.29-33)

28“Bo toma lison di figera. Ora ku si ramu na bida moli, si foja kumsa na nasi, bo ta sibi kuma cuba pertu.

29Asin tambi, ora ku bo oja tudu e kusas na kontisi, bo pudi sibi kuma i sta pertu, mesmu na porta.

30N na konta bos bardadi kuma, e jorson ka na kaba antis di tudu e kusas kontisi.

31Seu ku tera na pasa, ma ña palabraIs 40.8 ka na pasa.

Ningin ka sibi dia nin ora(Mat 24.36-44; Luk 21.34-36)

32“Di ki dia ku ora, ningin ka sibi, nin anjus na seu, nin Fiju; son ña Pape ku sibi.

33“Bo bisia, bo toma sintidu, pabia bo ka sibi oraMat 25.13-14 ku tempu na ciga.

34I suma un omi ku bai bias. I disa kasa na konta di si servus, i da kada kin si tarbaju, i da porteru ordi pa i bisia.

35Abos tambi bo bisia, pabia bo ka sibi kal tempu ku dunu di kasa na bin, si i di tardi, o di noti, o si i ora ku galu na kanta, o parmaña.

36Ora ki bin di repenti, ka i oja bo na durmi.

37Kusa ku N fala bos, N fala pa tudu jinti: ‘Bo bisia.’ ”