1Ora ku bu sai pa bai geria kontra bu inimigus, bu oja se kabalus ku karus, ku tropas mas ciu di ki di bo, ka bu ten medu delis, pabia SIÑOR bu Deus, ku tirau di tera di Ejitu, i staKap 1.30; Jos 1.5 ku bo.
2Antis di bo kumsa geria, saserdoti na bin pa frenti, i na papia ku tropas,
3i fala elis: “Omis di Israel, bo sukuta. Aos bo na bai geria ku bo inimigus; ka bo pirdi animu; ka bo ten medu nin ka bo tirmi, nin ka bo panta se dianti,
4pabia SIÑOR bo Deus, i el ku na bai ku bos pa geriaSai 14.14 kontra bo inimigus, pa da bos vitoria.”
5Ŝefis di tropa na punta se jinti: “I ten omi li ku kumpu kasa nobu, i ka dedikal inda? Minjor i riba pa kasa, pa ka i bin bai muri na gera; utru algin ta dedikal.
6O i ten tambi omi li ku paranta orta di uva, ku ka kume inda si fruta? Minjor i riba pa kasa, pa ka i bin bai muri na gera; utru algin ta fika i kumel.
7O i ten tambi omi li ku tene kumprumis ku minjer, ma i ka kasa ku el inda? MinjorKap 24.5 i riba pa kasa, pa ka i bin muri na gera; utru omi ta fika i kasa ku el.”
8Ŝefis na punta inda: “I ten omi li kobardu, ku ten medu na si korson? Minjor i ribaNum 32.9; Ŝef 7.3 pa kasa, pa ka i pui si ermons sinti medu tambi na se korson.”
9Ora ku ŝefis kaba papia, e na kuji utru ŝefis pa e bai dianti di tropas.
10Ora ku bu ciga pa geria kontra un prasa, da elis oportunidadi di rindi, pa e pui pas.
11Si e seta, e ruspundiu ku pas, e yabriu porton, tudu jinti ku sta la e na sedu katibusJos 9.23-27 pa tarbaja pa bo.
12Si e nega fasi pas ku bo, e ntema son pa geria, bu ta taja prasa.
13Ora ku SIÑOR bu Deus ntregal na bu mon, mata ku spada tudu omis ku sta la.
14Bu pudi toma minjeris, mininus ku limarias pa bo, ku tudu kusas ku sta na ki prasa. Usa rikesaJos 8.2; 11.14; 22.8 di bu inimigus, ku SIÑOR bu Deus dau.
15Asin ku bu na fasi ku tudu prasas ku sta lunju di bo, ku ka pertensi nasons pertu.
16Na prasas di ki nasons ku SIÑOR bu Deus na dau pa bu yarda, bu ka na disa nada ku tene folguKap 7.1-4; Sai 23.32-33; Jos 9.24; 10.40 ku vida.
17Kaba ku elis tudu — eteus, amoreus, kananeus, perizeus, eveus ku jebuseus — suma ku SIÑOR bu Deus mandau,
18pa ka e bin nsina bos fasi tudu kusas nujenti ke ta fasi pa se deusis; asin bo ta bin peka kontra SIÑOR bo Deus.
19Ora ku bu taja un prasa pa manga di tempu, bu geria kontra el pa tomal, ka bu dana tudu si arvuris ku mancadu, pabia bu pudi kume se fruta. Asin ka bu korta elis. Nta arvuris e sedu omis, pa bu geria kontra elis?
20Arvuris ku bu sibi kuma e ka ta padi fruta ku ta kumedu, bu pudi dana elis, bu korta elis, pa monta elis kontra mura suma rampa di kamba pa ki prasa ku na geria kontra bo, tok bu batil.
Who We AreWhat We EelieveWhat We Do
2025 by iamachristian.org,Inc All rights reserved.
