Gálatas 5 - Portuguese Creole Bible, Guinea-Bissau

Guarda bo liberdadi

1Kristu libertanuJon 8.32; At 15.10; Rom 6.18 pa no sedu libri. Bo fika firmi. Ka bo seta torna maradu mas na korenti di katiberasku.

2Bo sukuta ke ku N na fala. Ami Paulu, N na fala bos kuma, si bo setaAt 15.1 sedu sirkunsidadu, Kristu ka ta ten nin balur pa bos.

3Mas un bias N na avisa bos kuma, kualker omi ku seta pa i sirkunsidadu, i obrigadu guardaKap 3.10 tambi tudu lei.

4Abos tambi ku na sigi lei pa pudi ojadu justu, bo ligason ku Kristu sta kortadu; bo kai di faburKap 2.21; Rom 9.31-32; Eb 12.15 di Deus.

5Suma nos, no speransa ku no na pera i pa no ojadu justu pa tarbaju di Spiritu di Deus pabia di no fe.

6Si no sta unidu ku Kristu Jesus, nin sirkunsison1 Kor 7.19 nin falta del ka ta fasi diferensa. Kusa mas importanti i fe1 Tes 1.3 ku ta tarbaja ku amor.

7Bo na kuriba diritu. KinKap 3.1 ku bin tuji bos sigi bardadi?

8E ngodu i ka bin di Deus ku comaKap 1.6 bos.

9Un bokadu di fermentu1 Kor 5.6 i ta orfa tudu masa.

10No unidadi na Siñor i dan fiansa kuma bo ka na kuda di utru manera, ma ki algin ku na disinketa bos, kualker algin ki sedu, Deus na kastigal.

11Ami, ermons, si inda N na fala pa jinti sedu sirkunsidadu, pa ke ku N pirsigidu? Ne manera N ka na fala di krus1 Kor 1.23 pa ka N ofindi ningin.

12Ma kiAt 15.24 disinketaduris, i mas minjor e bai kabanta kapa se kurpu!

13Abos, ermons, bo comadu pa liberdadi; ma ka bo usa liberdadi suma diskulpa1 Kor 8.9; 1 Ped 2.16; 2 Ped 2.19 pa disa vontadi di bo kurpu manda na bos, ma bo sirbi ŋutru ku amor.

14Tudu lei sta juntu ne un palabra: “AmaRom 13.8-9 bu kumpañer suma bo propi.”

15Ma si bo na murdi, bo molosta ŋutru, bo toma sintidu pa ka bo kaba ku ŋutru.

Frutu di Spiritu di Deus ku naturesa di omi

16N misti fala bos pa bo yandaRom 6.12; 8.2-5 konformi Spiritu di Deus na gia bos. Asin bo ka na sigi diseẑu mau di bo naturesa.

17Kil ku no naturesaRom 7.15,19,23 umanu misti i kontra kil ku Spiritu misti. Kil ku Spiritu tambi misti i kontra no naturesa. E dus e ta geria kontra ŋutru; asin bo ka ta pudi fasi kil ku bo misti,

18ma si Spiritu gia bos, bo ka sta basRom 6.14 di lei.

19I klaru kuma ku naturesa di omi ta fasi; i ta mostradu na pekaduMat 15.19; Ef 5.3; Kol 3.5-6 seksual, vida susu, puku borgoña,

20adora idulus, futis, inimisadi, jus, kumbosadia, raiba, geras, junda-junda, rapatimentu di partidus,

21nveẑa, bibidera, wukesa, ku utru kusas ku parsi suma es. N na avisa bos, suma ku N tarda avisaba ja, kuma kilis ku ta fasi asin ka na tenApok 22.15 parti na renu di Deus.

22Spiritu di Deus ta padi frutuJon 15.5; 1 Kor 13.4-8; Fil 4.8; Kol 3.12; Tia 3.17-18 di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

23I ka ten lei kontra e kusas.

24Kilis ku sedu di Kristu Jesus e krusifikaKap 2.20; Kol 3.5 se naturesa umanu, ku tudu diseẑu mau ku na yardi dentru di ki naturesa.

25Si i Spiritu ku danu vida, no disal tambi pa i gianuKap 5.16 na no kamiñu.

26Ka no seduFil 2.3 garandiosu, pa ba ta provoka ŋutru, pa nveẑa ŋutru.