Salmus 147 - Portuguese Creole Bible, Guinea-Bissau

1Bo ngaba SIÑOR!

I bon pa kanta pa ngaba no Deus;

i un kusa sabi, i bonitu.

2SIÑOR na kumpu Jerusalen,

i na juntaLei 30.3-5 kilis di Israel ku pajigadu.

3I ta kura kebrantadusIs 61.1 di korson,

i ta liga elis cagas.

4I ta konta numeru di strelas,

i ta comaIs 40.26; 1 Kor 15.41 kada un ku si nomi.

5No SIÑOR i garandi, i ten garandi puder;

si ntindimentu ka ten limiti.

6SIÑOR ta yalsa umildis,

ma i ta bati jinti mau te na con.

7Bo kantaEf 5.19 pa SIÑOR, bo gardisil;

bo kanta pa ngaba no Deus ku arpa,

8I ta kubri seu ku nuvens,

i ta manda cuba pa tera,

i ta pui pajaJo 38.25-27,41 pa i kirsi na montis.

9I ta da kumida pa limarias,

ku fijus di korvu, ora ke comal.

10I ka forsa di kabalu ku ta dal kontentamentu,

nin pernas di omi ku sibi kuri,

11ma SIÑOR ta ten si kontentamentu na kilis ku rispital,

ku ta pui se speransa na si bondadi.

12O Jerusalen, ngaba SIÑOR;

ngaba bu Deus, o Sion,

13pabia i ta fortifika trinkus di bu portons;

i ta bensua bu pobu dentru di bo.

14I ta pui pas na bu fronteras,

i fartanda bos ku foriña finu.

15I ta manda si ordi pa mundu;

si palabra ta bai rapidu.

16I ta manda nevi, branku suma algadon;

i ta waga jeada suma sinsa.

17I ta ferca si jelu suma kaskaju;

kin ku pudi nguenta si friu?

18I ta manda si palabra; jelu ta ribi;

i ta pui bentu pa i supra; yagu ta kuri.

19I mostra si palabra pa Jakó,

si regras ku leis pa Israel.

20I ka fasi asin pa kualker utruRom 3.1-2; Ef 2.12 nason;

elis tudu e ka kunsi si leis.

Bo ngaba SIÑOR!