Ruti 4 - Portuguese Creole Bible, Guinea-Bissau

Boaz kasa ku Ruti

1Boaz bai pa porton di prasa, i bai sinta la. Dipus i oja ki omi na pasa, ku sedu ki parenti mas tokadu ki papiaba aserka del. I falal: “Ermon, bin de, bu bin sinta li.” I bai, i bai sinta.

2Boaz coma des garandiSai 18.21-22; Dit 31.23; Mis 5.14 di prasa, i fala elis pa e bin sinta. E bai sinta.

3I fala ki parenti tokadu: “Suma ku Noemi riba ja di tera di Moab, i misti bindi ki parti di con ku seduba di Elimelek, no ermon.

4N fala kuma N na pui e asuntu bu dianti, pa bu toma ki con dianti de garandis di ña pobuKum 23.18; Jer 32.7-12 ku sinta li. Si bu na kumpral, bu ta kumpral. Si bu ka na kumpral, bu ta kontan, pa N sibi, pabia i abo ku ten diritu di kumpral. Dipus di bo i ami.” Omi falal: “N na kumpral.”

5Boaz falal: “Dia ku bu na toma con na mon di Noemi, bu na toma tambi Ruti, ki minjer moabita, viuva di falsidu, pa nomi di falsiduKap 1.11; Kum 38.8; Lei 25.5-9 pudi fika ligadu ku si yardansa.”

6Ki omi fala: “Ne kasu N ka pudi kumpral, pabia i pudi dana ña propi yardansa. N na ntregau ña diritu pa bu pudi kumpral, pabia ami N ka na pudi kumpral.”

7Na ki tempu antigu i kustumu na Israel, ora ku un terenu na kumpradu o i na transferidu, pa konfirma nogos, un omi ten ku diskalsa sapatu i da si kumpañer. Es i ta seduba tustumuñu na Israel.

8Asin, ki si parenti fala Boaz: “Bu ta tomal pa bo.” I diskalsa si sapatu.

9Boaz fala ki garandis ku tudu pobu: “Bo sedu tustumuñas aos kuma N toma na mon di Noemi tudu ku pertensiba Elimelek ku Kilion ku Malon;

10N toma tambi Ruti di Moab, ku seduba minjer di Malon, pa i sedu ña minjer, pa kontinua nomi di falsidu na si yardansa, pa si nomi ka pirdi na metadi di si ermons, nin na reẑistu di prasa. Aos bo sedu tustumuñas.”

11Ki garandis ku tudu pobu ku staba na porton e fala: “No sedu tustumuñas. SIÑOR na fasi ki minjer, ku na yentra na bu kasa, suma Rakel ku Leia,Kum 35.23-24 ki dus ku forma jorson di Israel. No dija pa bu sedu riku na Efrata, pa bu sedu algin famosu na Belen,

12pa familia ku SIÑOR na dau ku ki minjer sedu suma familia di Perez,Kap 4.18; Kum 38.29; 46.12 ku Tamar padi ku Judá.”

Familia di Boaz

13Asin Boaz toma Ruti pa i sedu si minjer. E junta; SIÑOR judal pa i preña, i padi un fiju.

14MinjerisLuk 1.58; Rom 12.15 fala Noemi: “No ngaba SIÑOR ku ka disau aos sin algin ku na toma konta di bo. Nomi de mininu na sedu famosu na Israel.

15I na arnoba bu vida, i na bin sustentau na bu bejisa, pabia bu netu, ku amau, ku sedu minjor di ki seti fiju1 Sam 1.8 pa bo, i el ku padil.”

16Noemi toma mininu, i sintandal na si perna, i toma konta del.

17Minjeris visiñu fala: “Noemi tene un fiju.” E dal nomi di Obed. I el ku sedu pape di Jesé,1 Sam 16.1,11-13; 17.12; Is 11.1; Mat 1.5-6; At 13.22; Rom 15.12 pape di Davi.

18Es ku sedu jorson di Perez: PerezKap 4.12; 1 Kron 2.3-15 padi Ezron,

19Ezron padi Ran, Ran padi Aminadab,

20Aminadab padi Naason, Naason padi Salmon,

21Salmon padi Boaz, Boaz padi Obed,

22Obed padi Jesé, Jesé padi Davi.