1 Samuel 11 - Portuguese Creole Bible, Guinea-Bissau

Saul ngaña amonitas

1Un amonitaKum 19.38 comadu Naás bai taja Jabes-Jilead;Ŝef 21.8 tudu omis di la falal: “Fasi kontratu ku nos; no ta sirbiu.”

2Ki amonita Naás fala elis: “N na fasi kontratu ku bos son si N rinka uju direita di kada un di bos, pa N pudi tisi disgrasa na tudu Israel.”

3Garandis di Jabes falal: “Disanu seti dia pa no manda rekadu pa tudu ladu di Israel. Si ningin ka ten ku na libranu, no ta bin ntrega no kabesa pa bo.”

4Oca jinti ku leba rekadu ciga na Jibeá nunde ku Saul mora, e konta pobu ki palabra. Tudu jinti yalsa se fála, e cora.

5Saul na saiba ja na lugar ku si turus; i punta: “Ke ku ten ku jinti na cora?” E kontal ki rekadu di omis di Jabes.

6Oca Saul obi ki palabra, Spiritu di DeusKap 10.10; Ŝef 3.10 bin toma konta del; i paña raiba tok si korson na firbi.

7I toma dus turu, i korta elis padas padas, i manda jinti ku elis pa tudu ladu di IsraelŜef 19.29 ku e avisu: “Kualker ku ka pega tras di Saul ku Samuel, asin ku si turus na fasidu.” Asin, medu di SIÑOR kai riba di pobu; elis tudu e konkoñi pa sai.

8Oca Saul junta elis na BezekŜef 1.4-5, i fasi konta; fijus di Israel seduba 300.000, omis di Judá sedu 30.000.

9E fala jinti ku tisiba rekadu pa e bai konta omis di Jabes-Jilead: “Amaña ora ku sol na kinti, libramentu na bin pa bos.” Oca ki jinti bai konta rekadu, jinti di Jabes fika kontenti,

10e manda fala amonitas: “Amaña no na ntrega no kabesa pa bos; bo ta fasinu ke ku bo misti.”

11Saul rapati si tropas na trisŜef 7.16; 9.43 grupu; e yentra ku forsa na kampamentu di amonitas antis di mandrugada di utru dia, e mata-mata elis tok sol kinti. Kilis ku sobra pajiga, tok i ka tenba dus ku fika juntu.

12Jinti punta Samuel: “Kin ku na falaba kuma Saul ka na renaKap 10.27 riba di nos? Danu ki omis pa no mata elis.”

13Saul fala: “Ningin ka na mataduKap 14.45; 2 Sam 19.22 aos, pabia ne dia SIÑOR liberta Israel.”

14Samuel fala pobu: “Bo bin no bai Jilgal pa bai konfirma renansaKap 10.24; 2 Sam 5.3; 1 Kron 12.38-39 la.”

15Tudu jinti bai e konfirma Saul suma rei dianti di SIÑOR na Jilgal. E sakrifika ofertas di pas la dianti di SIÑOR; Saul ku tudu pobu di Israel fika ku garandi kontentamentu.