Tiagu 5 - Portuguese Creole Bible, Guinea-Bissau

Avisu pa rikus

1Agora abosLuk 6.24 rikus, bo sukuta. Bo cora, bo grita pabia di disgrasa ku na bin riba di bos.

2Bo rikesa na podrisi; bo ropa, bicuMat 6.19-20 na kumel.

3Bo uru ku prata feruẑa. Si ferús na da tustumuñu kontra bos, i na kume bo karni suma fugu. Bo junta rikesa na dia ku pertu kaba.

4Diñeru ku bo ka paga tarbajadurisLei 24.15; Jo 24.10-11; Jer 22.13; Mal 3.5 ku kebra na bo lugar i na grita. Gritus di kebraduris ciga na oreja di Siñor ku ten tudu puder.

5Bo vivi na mundu ku manga di ronkuLuk 16.19,25 ku alegria. Bo ngorda bo korson suma limaria ku algin na kria pa mata.

6Bo kondena, bo mata kil ku ka ten kulpa, ku ka tenba forsa pa luta ku bos.

Pasensa ku orason

7Asin ermons, bo ten pasensa te ora ku Siñor na bin. Bo oja kuma ku labradur ta pera pa si con da bon frutu. I ta pera ku pasensa tok i risibi purmeru cubaLei 11.14; Jer 5.24; Os 6.3 ku kil di kabantada.

8Bo sedu tambi pasenseru asin; bo tesanta bo korson, pabia Siñor pertuFil 4.5 bin.

9Ka bo keŝa kontraKap 4.11; Mat 24.33 ŋutru, ermons, pa ka bo bin julgadu. Bo oja juis na porta ja.

10Ña ermons, bo lembra di anunsiadurisMat 5.12 ku falaba na nomi di Siñor. Bo toma se isemplu di pasensa na sufrimentu.

11No ta fala kuma kilis ku nguenta fadiga e sortiadu. Bo obi pasensaJo 1.21; 42.10 di Jo; bo oja fin ku Siñor dal, pabia Siñor ta sinti garandi pena ku miserikordia.

12Riba di tudu, ña ermons, ka boMat 5.34-37 jurmenta, nin pa seu, nin pa tera, nin ka bo fasi utru koldadi juramentu. Bo palabra dibi di sedu “Sin” si i sin, “Nau” si i nau, pa ka bo kai na kondenason.

13I ten algin fadigadu na bo metadi? Pa i ora. Algin sta kontenti? Pa i kantaEf 5.19 i ngaba Deus.

14Utru sta duenti na bo metadi? Pa i coma garandis di igreẑa pa e ora riba del, e untalMar 6.13; 16.18 azeiti na nomi di Siñor.

15Orason di fe i ta salba ki duenti; Siñor taIs 33.24; Mat 9.2,7 lantandal. Si kontra i fasi kualker pekadu, i ta purdadu el.

16Asin bo ta konfesa ŋutru bo pekadu, bo ora pa ŋutru, pa bo kuradu. Orason ku un algin justuKum 20.17; Num 11.2; Lei 9.18-19; Jos 10.12-13; 1 Re 13.6; Dan 2.18-19; Jon 14.14 fasi i ten puder; i ta da bon rusultadu.

17Elias1 Re 17.1 seduba koldadi di omi suma nos, ma i ora Deus pa cuba ka cubi; cuba ka cubi tris anu ku seis mis.

18I torna ora mas; cuba1 Re 18.41-45 cubi; con da frutu.

19Ña ermons, si un di bos disviaMat 18.15 di kamiñu di bardadi, si algin ribantal,

20i ta sibi kuma, kil ku ribanta algin di si kamiñu mau, i na salbaDit 10.12; 1 Kor 9.22 un alma di mortu, i na kubri manga di pekadu.