Saida 29 - Portuguese Creole Bible, Guinea-Bissau

Konsagrason di saserdotis(Sir 8.1-36)

1“I es ku bu na fasi ku Aron ku si fijus pa konsagra elis pa e fasin tarbaju2 Kron 13.9 di saserdoti. Toma un turu ku dus karnel macu, sin difeitu.

2Toma tambi foriña finu di trigu, sinSir 2.4-5,15; 6.20-22; 7.12; Num 6.15 fermentu, bu kumpu pon ku bulu, masadu ku azeiti, ku bolaŝa finu ku untadu azeiti.

3Pui elis na un sestu, bu tisi elis, juntu ku ki turu ku dus karnel.

4Leba Aron ku si fijus na entrada di tenda di juntamentu, bu labaKap 40.12; Eb 10.22 elis ku yagu.

5Dipus, bu na toma ropa,Kap 28.2-8 bu bisti Aron ku kamisoti, ku kapoti di efodi, ku efodi ku pitural. Bu na maral ku sintu di efodi ku tisidu bonitu,

6bu pui ŝapeu na si kabesa, bu mara koroa sagradu riba di ŝapeu.

7Toma azeiti di unson,Kap 28.41; 30.23-25,30-31; Sir 10.7; 21.10; Sal 89.20; 133.2 bu darmal riba di si kabesa. Asin ku bu na unjil.

8“Ciganta si fijus, bu bisti elis kamisotis,

9bu mara elis ŝapeus kumpridu. Dipus, pui sintu na Aron ku si fijus. Tarbaju di saserdotiEb 5.4; 7.23-28 i di selis pa un lei ku ka na kaba. Asin ku bu na konsagra Aron ku si fijus.

10“Ciganta turu dianti di tenda di juntamentu. Aron ku si fijus na pui mon riba di si kabesa,Sir 1.4

11e na matal dianti di SIÑOR na entrada di tenda di juntamentu.

12Dipus bu na toma sangiSir 5.9; 9.9; 16.14,18,19; Eb 9.13-14,22 di turu; ku bu dedu bu na pul na cifrisKap 27.2 di altar. Restu di sangi, bu na darmal na pe di altar.

13Tambi bu na toma tudu gurduraSir 3.3-5,9-10,14-16; 1 Sam 2.15-17 ku kubri partis di dentru, ku parti ku ta kubri figadu, ku dus rin ku se gurdura, bu na kema elis riba di altar.

14Ma karniSir 4.11-12,21 di turu ku si kuru ku si partis di dentru, kemal ku fugu fora di kampamentu; i oferta pa pekadu.

15“Dipus bu na toma un karnel macu; Aron ku si fijus na pui mon riba di si kabesa.

16Bu na mata ki karnel, bu toma si sangi, bu wagal na tudu ladu di altar.

17Bu na kortal padas padas, bu labaSir 1.9,13; 9.14 partis di dentru ku pernas, bu pui elis riba di si kabesa ku utru partis.

18Dipus, bu na kema tudu karni di karnel riba di altar; i oferta kemaduKum 8.20-21; 22.2,7,13; Sir 1; 9.24; 1 Sam 7.9; 15.22; 1 Re 3.4; 18.38; Mar 12.32-33; Ef 5.2; Fil 4.18; Eb 10.6-10 ku ta cera sabi, oferta ku pasadu na fugu pa SIÑOR.

19“Dipus, bu na toma ki utru karnel macu. Aron ku si fijus na pui mon riba di si kabesa.

20Bu na matal, bu toma si sangi, bu pul na ponta di orejaSir 14.14 direita di Aron ku di si fijus, bu pul tambi na dedu polegar di se mon direita ku dedon di se pe direita. Restu di sangi, bu na wagalEb 12.24; 1 Ped 1.2 na tudu ladu di altar.

21Toma utru di ki sangi ku sta riba di altar, ku azeiti di unson, bu wagal riba di Aron ku si ropa, ku si fijus ku se ropa. Asin Aron ku si fijus ku se ropa e na separadu.

22“Toma gurdura di karnel, ku rabu gurdu, ku gurdura ku sta na parti di dentru, ku parti ku sta riba di figadu, ku tudu dus rin ku se gurdura, ku perna direita. Es i karnel di konsagrason.

23Di ki sestu di pon sin fermentu ku sta dianti di SIÑOR, bu na tira un pon, un bulu masadu ku azeiti ku un bolaŝa.

24Bu na pui tudu e kusas na mon di Aron ku di si fijus; bu na sanaSir 7.30; 8.27; 9.21; 10.14-15; 23.20; Num 5.25 ku elis di un ladu pa utru dianti di SIÑOR.

25Dipus bu na toma elis na se mon, bu kema elis riba di oferta kemadu na altar. Es i oferta kemadu ku na cera sabi pa SIÑOR.

26Toma pitu di karnel di konsagrason di Aron, bu sanal di un ladu pa utru dianti di SIÑOR. Es i na sedu di bo.

27“Di ki karnel di konsagrason, bu na toma pituSir 7.31-34; Num 6.20; 18.11,18,19 ku perna ku sanadu ku el, bu dedika elis; e na sedu di Aron ku si fijus.

28Es i na sedu un lei pa sempri kuma, ora ku fijus di Israel tisi oferta di pas, ki pitu ku perna na sedu pa Aron ku si fijus. Es i oferta ku fijus di Israel na tisi pa SIÑOR.

29“Ropa sagradu di Aron na ba ta pasa pa si fijus, pa e sedu unjidu, tambi konsagradu nel.

30Fiju ku toma lugar di Aron suma saserdoti, ora ki na yentra na tenda di juntamentu pa fasi tarbaju na kau sagradu, i na bisti ki ropa seti dia.

31“Bu na toma ki karnel di konsagrason, bu kusña si karni na kau sagradu.

32La na entrada di tenda di juntamentu, Aron ku si fijus na kume ki karni di karnel, ku pon ku sta na sestu.

33E na kume karni di ki limaria ku seduba sakrifisiu pa pekadu na tempu ke na ordenadu, e konsagradu. Fora delis ninginSir 22.10 ka pudi kumel, pabia i sagradu.

34Si ki karni di konsagrason o ki pon i sobra te parmaña, bu ta kemal ku fugu. I ka na kumedu, pabia i sagradu.

35“Asin bu na fasi Aron ku si fijus konformi tudu ku N mandau. Sirmonia di konsagrason na leba seti dia.

36Kada diaEz 43.25-27; Eb 7.26-27; 10.11-12 bu na ranja un turu pa oferta pa purdon di pekadu, bu na purifika altar, bu pursenta ki sakrifisiu riba del, bu unjil pa konsagral.

37Seti dia bu na fasi oferta pa pekadu riba di altar, bu konsagral. Asin altar na sedu sagradu. Tudu ku toka nel i ta sedu sagradu.

Ofertas di kada dia(Num 28.1-8)

38“Kada dia sin falia bu na sakrifika dus fiju1 Kron 16.40; 2 Kron 2.4; 13.11; 31.3; Esd 3.3-4; Ez 46.13-15 di karnel, di un anu.

39Bu na sakrifika un fiju di karnel parmaña, utru di tardiñu.

40Ku un fiju di karnel bu na da dus litru di foriña finu masadu ku un litru di azeiti puru. Pa oferta di bibida bu na darma un litru di biñu.

41Sakrifika ki utru fiju di karnel di1 Re 18.29,36; Esd 9.4-5; Sal 141.2; Dan 9.21; At 3.1 tardiñu; juntu ku el bu na da ki mesmu oferta di kumida ku oferta di bibida ku bu da parmaña. I na sedu oferta ku na cera sabi, ku na pasa na fugu pa SIÑOR.

42Es i na sedu oferta kemadu ku na fasidu sempriNum 28.6; Dan 8.11-14; 12.11 pa bu jorson, na entrada di tenda di juntamentu dianti di SIÑOR. La ku N na kontraKap 25.22 ku bos, pa N papia ku bo.

43N na oja ku fijus di Israel la; ña gloriaKap 24.16; 40.34-35; 1 Re 8.11; 2 Kron 5.13-14; 7.1-3; Ez 43.5; Aẑeu 2.7-9 na pui ki kau pa i sedu sagradu.

44“N na fasi tenda ku altar pa e sedu sagradu; tambi N na separa Aron ku si fijus pa e fasin tarbaju di saserdoti.

45N na sinta na metadi di fijusSir 26.12; Zak 2.10; Jon 14.17,20,23; 2 Kor 6.16; Ef 2.22; Apok 21.3 di Israel; N na sedu se Deus.

46E na sibi kuma ami N sedu SIÑOR se Deus ku tira elis na tera di Ejitu, pa N sinta na se metadi. Ami N sedu SIÑOR se Deus.