Salmus 10 - Portuguese Creole Bible, Guinea-Bissau

1SIÑOR, ke ku manda bu fikaKap 13.1; 22.1; 35.22 lunju?

Pabia di ke ku bu ta sukundi na ora di foronta?

2Jinti mau, na se orgulyu, e na serkaKap 109.16 koitadi;

pui pa e pañadu na armadilia ke kumpu.

3Omi mau ta sinti orgulyu di si diseẑus.

I ta fala benRom 1.32 di kil ku misti tudu;

i ta koba mal kontra SIÑOR.

4Pabia di si orgulyu, omi mau ta njutiSai 5.2 SIÑOR.

Na tudu si pensamentus, DeusKap 14.1; 36.1; 53.1 ka sta la.

5Na si kamiñus, tudu kusas ta kuri ben ku el;

bu leis sta mas altu, lunju del;

i ta ri di si inimigus.

6I ta fala na si sintidu: “N ka na bulbulidu;

nunka N ka na oja mufunesa.”

7Si boka inciKap 59.12; Rom 3.14 ku maldison, nganu ku ameasa;

bas di si lingua, son koba mal ku pekadu.

8I ta sukundi pertu di tabankas;

na kau dingidu i ta mata kil ku ka ten kulpa;

si uju ta fika i na jimpini pa koitadis.

9I ta monta si mboskada, suma lion na si koba;

i ta sukundiKap 59.3; Mik 7.2 pa paña koitadi;

si i pañal, i ta rastal na si ridia.

10Koitadi ta molostadu tok i kai;

ki omi mau tenel na si puder.

11I ta fala na si sintidu: “Deus diskisi;

i ficaKap 73.11; Jo 22.13; Ez 8.12; 9.9 uju, nin i ka na oja es.”

12SIÑOR, lanta! O Deus, yalsa bu mon;

ka bu diskisiKap 9.12 di koitadis.

13Ke ku manda omi mau ta njuti Deus,

i fala na si sintidu kuma bu ka na bin puntal?

14Ma abo, bu ojal,

pabia bu ta para sintidu na foronta ku sufrimentu,

bu ta toma si kasu na bu mon.

KoitadiKap 35.10; 68.5 ta ntrega si vida na bu mon;

abo ku ta juda orfan.

15Kebranta mon di omi tortu i malvadu;

jubi pa si maldadi tok i ka pudi ojadu mas.

16SIÑOR i ReiKap 9.7 pa sempri.

Utru nasons na rinkadu di si tera.

17SIÑOR, bu obi diseẑus1 Kron 29.18 di jinti mansu.

Bu na obi elis, bu da elis koraẑen,

18bu difindi pa orfan ku kilisIs 11.4 ku kalkadu,

pa ka nin un omi kumpudu di reia kontinua na pantanda jinti.