1Na purmeru dia di mis di 12 na anu 12, SIÑOR bin papia ku mi, i falan:
2“Fiju di omi, miskiña pa Faraó, rei di Ejitu, bu falal:
‘Bu seduba suma lion na metadi di nasons,
suma lagartuKap 29.3; 34.18 na mar.
Bu ta bulbuli kurpu na rius,
bu ta pui yagu pa i bulbuli ku bu pe;
bu susa bu rius.
3“‘Asin ku SIÑOR Deus fala:
Ora ku manga di nason junta,
N na distindi ña ridiaKap 17.20 riba di bo;
Elis e na jundau pa fora tudu ku ña ridia.
4N na disau na con na matu nunde ku N botau.
N na pui tudu kacus ku ta bua pa e sinta riba di bo.
LimariasKap 31.13; Jer 7.33 di tudu mundu na kumeu tok e farta.
5N na kubri montisKap 31.12 ku bu karni;
N na inci kobons ku restu di bu difuntu.
6N na regua con te na montis ku sangi ku na kuri;
baletas na inci tambi.
7Ora ku N paga bu lus, N na kubri seu,
N na pui strelas pa e sukuru;
N na kubri solIs 13.10 ku nuven;
lua ka na numia.
8Tudu kusas ku ta numia na seu,
N na bidantal sukuru riba di bo.
N na pui bu tera pa i sukuru;
asin ku ami, SIÑOR, N fala.
9“‘N na pui korson di manga di jinti pa i foronta
ora ku N leba noba di bu danu pa nasons,
pa teras ku bu ka kunsiba.
10N na pui manga di nason pa e fika spantadu
pabia di kusas ku na sedu ku bo.
Se reisKap 26.16; 27.35 na tirmi ku forsa
ora ku N mostra ña spada na se rostu.
Na dia ku bu kai,
kada un na fika i na tirmi
ku medu pa si vida.
11“‘Pabia asin ku ami, SIÑOR Deus, N fala:
SpadaKap 30.4; Jer 46.26 di rei di Babilonia na bin kontra bo.
12N na pui pa manga di bu jinti kai ku spada
di tropas ku sedu mas mauKap 28.7-8 di nasons.
E na kaba ku orgulyu di Ejitu;
si jinti tudu na matadu.
13N na kaba ku si limarias pertu di rius.
Pe di omiKap 29.11 ka na bulbuli mas ki yagu,
nin pe di limarias ka na susal.
14N na pui si yagu pa i sinta;
N na pui si rius pa e kuri ketu suma azeiti.
Asin ku ami, SIÑOR Deus, N fala.
15Ora ku N pui tera di EjituSai 7.5; 14.4,18 suma lala,
N tira tudu kusa ku sta nel;
Ora ku N mata tudu jinti ku mora nel,
e na sibi kuma N sedu SIÑOR.’
16“Es i miskiñu ke na kanta. Minjeris di nasons na kantal; e na miskiñaKap 26.17 pa Ejitu ku tudu si jinti.” Asin ku SIÑOR Deus fala.
Mundu di mortus17Na anu 12, na dia 15 di purmeru mis, SIÑOR bin papia ku mi, i falan:
18“Fiju di omi, cora pa jinti di Ejitu. Manda elis ku nasons forti pa munduKap 26.20 di mortus, juntu ku kilis ku na bai la.
19Bu na punta: ‘Abo i mas bonitu di ki utru jinti? Ria, bu dita ku kilis kuKap 32.21,24-26,32; Kap 31.18 ka sirkunsidadu.’
20E na kai na metadi di kilis ku matadu ku spada. Ejitu ntregadu pa spada. Bo rastal, ku tudu si jinti!
21La na munduKap 31.14 di mortus, ŝefis mas forti, ku kilis ku judaba Ejitu, e fala: ‘E ria, e dita na metadi di kilis ku ka sirkunsidadu, ku matadu ku spada!’
22“Asiria sta la ku tudu si jinti; se kobas sta tudu na roda. Elis tudu e matadu ku spada;
23se kaus di nteru sta na fundu di mundu di mortus; kobas di tropas rodia si koba. Elis tudu e ta pantandaba jinti na tera di bibus, ma e matadu ku spada.
24“ElanJer 49.34 sta la, ku tudu si tropas na roda di si koba. Elis tudu e matadu ku spada, e ria na mundu di mortus sin e ka sedu sirkunsidadu. E ta pantandaba jinti na tera di bibus, ma e leba se borgoña ku kilis ku ria na koba.
25Na metadi di kilis ku matadu, kama pudu pa Elan. Kobas di si tropas sta na roda. Elis tudu e ka sirkunsidadu, ma e matadu ku spada pabia e pantandaba jinti na tera di bibus. Gosi e leba se borgoña ku kilis ku ria na koba, e pudu na metadi di mortus.
26“Mesek ku TubalKap 27.13 sta la, ku kobas di tudu se tropas na se roda. Elis tudu e ka sirkunsidadu; e matadu ku spada pabia e pantandaba jinti na tera di bibus.
27E ka dadu nteru di rispituIs 14.18-19 suma utru omis di koraẑen ku ria na koba ku se material di gera, ku pui se spadas bas di se kabesa. Se pekadu sta riba di se os, pabia e seduba spantu di utru omis di koraẑen na tera di bibus.
28“Abo, tambi, Ejitu, bu na kebrantadu na metadi di kilis ku ka sirkunsidadu, bu na dita ku kilis ku matadu ku spada.
29“EdonKap 25.12 sta la, ku si reis ku tudu si ŝefis. E tenba puder, ma e pudu ku kilis ku matadu ku spada. E dita ku kilis ku ka sirkunsidadu, ku kilis ku ria na koba.
30“Ŝefis di nortiKap 38.6 e sta la, ku tudu jinti di Sidon, ku ria ku kilis ku matadu ku spada. E sta na borgoña pabia e pantandaba jinti ku se forsa. E ka sirkunsidadu; e dita ku kilis ku matadu ku spada. E leba se borgoña ku kilis ku ria na koba.
31“Faraó na oja elis, i na fikaKap 31.16 konsoladu, ku tudu si jinti. Sin, Faraó propi ku tudu si tropas e dita na metadi di kilis ku matadu ku spada. Asin ku ami, SIÑOR Deus, N fala.
32N pui Faraó pa i pantanda jinti na tera di bibus, ma el ku tudu si jinti e na dita na metadi di kilis ku ka sirkunsidadu, ku kilis ku matadu ku spada.” Asin ku SIÑOR Deus fala.
Who We AreWhat We EelieveWhat We Do
2025 by iamachristian.org,Inc All rights reserved.
