Atus 4 - Portuguese Creole Bible, Guinea-Bissau

Pedru ku Jon dianti di garandis

1Oca Pedru ku Jon na falaba ku pobu, saserdotis ku kapiton di kasa di Deus ku utru saduseusKap 23.7-8; Mat 22.23 e bai pa elis,

2e fika ku kasabi suma ke na nsina pobu, e na konta elis di Jesus, ku lantandamentu di mortu.

3E paña elis, e fica na kalabus te utru dia, suma i seduba ja tardi,

4ma manga di kilis ku obiba ki palabra e seta Jesus. Numeru di omis krenti i cigaba ja pertu di sinku mil.

5Oca sol mansi, ŝefis ku garandis ku pursoris di lei e junta na Jerusalen.

6Anás, ŝefLuk 3.2 di saserdotis, staba la, ku Kaifás, Jon, Alŝandri, ku tudu kilis ku seduba familia di ŝef di saserdotis.

7E pui apostolus pa e firma se dianti, e punta elis: “Ku kal puderMat 21.23 o na nomi di kin ku bo fasi es?”

8Pedru, incidu ku SpirituLuk 12.11-12 Santu, fala elis: “Otridadis di pobu, ku abos garandis,

9suma ku aos no na puntadu pabia di un ben ku fasidu pa un omi duenti, manera ki sedu kuradu,

10i bon pa bo sibi, abos tudu ku tudu pobu di Israel, kuma e omi sta sikidu, san bo dianti, na nomiKap 3.6,16 di Jesus Kristu di Nazaré, kil ku boKap 2.23-24 krusifika, ku Deus lantanda di mortu.

11El i ki pedraMat 21.42 ku abos pedrerus bo nega, ku bin sedu purmeru pedra di kantu.

12I ka ten nin utru algin ku pudiKap 10.43; Mat 1.21 salba, pabia ne mundu li, Deus ka da jinti nin utru nomi ku pudi salbanu.”

13Oca e oja koraẑen di Pedru ku Jon, e ntindi kuma e seduba omis simplisMat 11.25; 1 Kor 1.27 ku ka teneba skola ciu, e dimira, e rapara kuma e ta staba juntu ku Jesus.

14Suma ke oja tambi ki omi ku kuradu sikidu juntuKap 3.11 ku elis, e ka teneba nada ke pudi fala.

15Asin e manda elis pa e sai fora di sala, e papia entri elis,

16e punta: “Ke ku no na fasiJon 11.47 ku e omis? Tudu jinti di Jerusalen sibiKap 3.9 kuma e fasi un garandi milagri. No ka pudi negal.

17Ma pa kusa ka spaja mas di ki asin na metadi di pobu, no ameasa elis pa ka e torna fala mas ku ningin aserka de omi.”

18E coma elis, e da elis ordi pa ka e torna fala mas, nin pa ka e nsinaKap 5.28,40 jinti na nomi di Jesus.

19Pedru ku Jon ruspundi e fala elis: “Bo kuda ben si i diritu dianti di DeusKap 5.29; Gal 1.10 pa no obdisi bos mas di ki Deus,

20pabia anos no ka pudi disa di fala kusa ku noKap 1.8; 2.32; 22.15; 1 Jon 1.1-3 oja, ku no obi.”

21E torna ameasa elis mas. Suma ke ka oja manera di kastiga elis, e larga elis, pabia tudu pobuKap 5.26; Mat 14.5; 21.26; Luk 20.19; 22.2 na ngaba Deus pa kusa ku kontisi,

22manera ku ki omi ku kuradu ku milagri teneba mas di korenta anu.

Orason di krentis

23Logu ke largadu, e baiKap 12.12 pa se kumpañeris, e konta tudu ku ŝefis di saserdoti ku garandis fala elis.

24Oca ke obil, e yalsa vos tudu juntu pa Deus, e fala: “Siñor, i abo ku fasi seu ku teraKum 1.1; Sai 20.11; 2 Re 19.15; Jer 32.17 ku mar, ku tudu ku sta nelis.

25Bu papia ku Spiritu Santu na boka di bu servu Davi, no pape; i punta:

‘Ke ku mandaSal 2.1-2 nasons lanta ku baruju,

pobu na fasi se planu amonton?

26Reis di tera lanta,

otridadis junta, e pui na un son

kontra Siñor, kontra si Unjidu.’

27“Na bardadi Erodis ku Ponsiu Pilatus, ku jintius ku pobu di Israel, e juntaMat 26.3-4; Luk 23.6-7,11-12 ne prasa kontra bu santu servu Jesus, kil ku bu unji.

28E lanta pa fasi tudu ku bu puder ku bu vontadi markaba jaKap 2.23 pa i kontisi.

29Agora Siñor, obi kuma ke na njata; juda bu servus pa e fala bu palabra ku tuduKap 4.13,31; Kap 9.27; 13.46; 14.3; 19.8; 26.26; Ef 6.19; Fil 1.20 koraẑen,

30bu distindi bu mon pa kura, pa sinal ku milagriKap 2.43; 3.6,16; 5.12; 14.3; Eb 2.4 pudi fasidu na nomi di bu santu servu Jesus.”

31Dipus ke ora, lugar ke juntaba nelKap 2.2,4; 16.26 tirmi. Elis tudu e incidu ku Spiritu Santu, e kumsa na konta palabra di Deus ku koraẑen.

Krentis rapati kusas ke tene

32Ki manga di krenti teneba un pensamentuKap 2.44; 2 Kor 13.11; Fil 1.27; 2.2; 1 Ped 3.8 ku un korson. Ningin ka ta falaba: “E kusa li i di mi.” Tudu se kusas, e ta rapatil ku ŋutru.

33Apostolus na testifikabaKap 1.8,21-22 ku garandi puder di manera ku Siñor Jesus lanta di mortu. Garandi fabur di Deus staba riba delis tudu.

34I ka tenba nin un koitadi na se metadi, pabia tudu kilis ku tene terenu o kasas, e ta bindil, e ta tisiba ki diñeruKap 2.45; 5.2 ke oja, e ditandal dianti di apostolus.

35E ta rapatilKap 6.1; 1 Jon 3.17 konformi kada kin ten falta.

36I tenba un omi di jorson di Levi comadu José, ku apostolus da nomi di Barnabé, ku signifika kil ku ta da animu; el i padidu na Ŝipri.

37I teneba un terenu ki bindi, i tisiDit 3.9; 11.25; 1 Tim 6.18-19 diñeru, i pui dianti di apostolus.