Ezekiel 43 - Portuguese Creole Bible, Guinea-Bissau

Gloria di SIÑOR inci templu

1Omi leban pa porton di saida pa dana prasa. Tambi i suma kil ku N oja lungu di riuKap 1.3,27-28 Kebar. N kai ku rostu na con.

4Gloria di SIÑOR pasa na portonKap 43.1 di saida di sol, i yentra na templu.

5Spiritu lantandan,Kap 8.3 i leban pa kintal di dentru. N oja gloria di SIÑOR inciKap 44.4; Sai 40.34 templu.

6Un omi firma lungu di mi. N obi un vos ku sai dentru di templu,

7i falan: “Fiju di omi, es i kau di ña tronu, i kau pa ña pe1 Kron 28.2 nunde ku N na mora na metadiSai 29.45; 2 Kor 6.16 di fijus di Israel pa sempri. Nin pobu di Israel nin se reis ka na kontamina mas ña nomi sagraduKap 39.7 ku se idulus nujenti ku difuntus di se reis ke ntera na kaus altu.

8E pui se entrada lungu di ña entrada; e pui se porta lungu di ña porta, tok i ten son un paredi na metadi di mi ku elis. E kontamina ña nomi sagradu ku kusas nujenti2 Re 21.4-5,7 ke fasi. Pabia di kila N kaba ku elis na ña raiba.

9Gosi e ten ku tira lunju di mi se idulus nujenti ku difuntus di se reis; asin N ta mora na se metadi pa sempri.

10“Abo, fiju di omi, kontaKap 40.4 pobu di Israel aserka de kasa, bu disa elis pa e jubi si planta, pa e pudi burguñu se pekadu.

11Si e burguñu tudu kusas ke fasi, splika elis aserka di planta de kasa, ku si forma, ku si saidas ku entradas, kuma ku kusas ta pudu, ku tudu si mandamentus ku tudu si leis. Skirbil se dianti, pa e pudi fasi tudu konformi ki planta, pa e kumpri tudu si mandamentus.

12“Es i lei di templu: Riba di montiKap 40.2 ku tudu si ladu na roda i na sedu sagradu dimas. Es ki lei di templu.”

Altar

13Es i mididas di altar: si baleta na tene 50 sentimetru di fundura ku 50 di largura. Si roda, na tudu volta di baleta, i na sedu di un palmu. Asin ku pe di altar na sedu.

14Di parti di bas, na liña di con, te na fiada di bas, i midi 1 metru di altura ku 50 sentimetru di largura. Di fiada pikininu te na fiada garandi i tene 2 metru di altura ku 50 sentimetru di largura.

15Kau di pui fugu teneba 2 metru di altura. Di la pa riba i teneba kuatru cifri.

16Kau di pui fugu i kuadradu, di 6 metru di kada ladu.

17Fiada na tene 7 metru di kada ladu. Si borda na roda i di 25 sentimetru, si fundu di 50 sentimetru na roda. Si skadasSai 20.26 fika na saida di sol.

18Dipus i falan: “Fiju di omi, asin ku ami, SIÑOR Deus, N fala: Es i regras di altar pa ora ki kumpudu, pa sakrifika oferta kemadu riba del, tambi pa waga sangiSir 1.5 riba del.

19Bu ten ku da saserdotis, fijus di Levi di jorson diKap 40.46 Zadok, ku ta bin pa mi pa sirbin, un fiju di baka pa oferta pa pekadu.Sir 8.14-15 Asin ku ami, SIÑOR Deus, N fala.

20Bu na toma utru di si sangi, bu pul riba di si kuatru cifri, tambi na kuatru ponta di fiada, ku si borda na roda. Asin bu na purifikal, bu fasil sagradu.

21Dipus bu na toma ki baka nobu ku na sakrifikadu pa purdon di pekadu. I na kemadu na lugar ku markadu, foraSai 29.14; Eb 13.11-13 di kau sagradu.

22“Na sugundu dia bu na da oferta di un kabra macu, sin difeitu, suma oferta pa pekadu; e na purifika altar, suma ke purifikal ku ki baka nobu.

23Ora ku bu kaba purifikal, bu ta da oferta di un fiju di baka ku un karnel macu, tudu sin difeitu.

24Bu na pursenta elis dianti di SIÑOR. Saserdotis na waga salSir 2.13 riba delis, e na kema elis suma oferta pa SIÑOR.

25“Duranti seti dia bu na pursenta kada diaSai 29.36; Sir 8.33 un kabra macu suma oferta pa pekadu, un fiju di baka ku un karnel macu, tudu sin difeitu.

26Na ki seti dia saserdotis na sakrifika ofertas pa pekadu pa purifika altar; dipus e ta dedikal.

27Dipus di ki seti dia kaba, di oitavu dia pa dianti, saserdotis na pursenta riba di altar bo ofertas kemadu ku bo ofertas di pas. Dipus N na Rom 12.1; 1 Ped 2.5 seta bos. Asin ku ami, SIÑOR Deus, N fala.”