Ester 1 - Portuguese Creole Bible, Guinea-Bissau

Festa di Asueru

1Es i kusa ku kontisi na tempu di Asueru, ki Asueru ku rena desdi India te na Etiopia, riba di sentu i vinti i seti pruvinsia.

2Na ki tempu rei Asueru sinta na tronu di si renu ku sta na prasa fortifikadu diNe 1.1; Dan 8.2 Susan.

3Na terseru anu di si renansa, i kumbida tudu si ŝefis ku funsionarius. Ŝefis di tropas di Persia ku Media ku gubernaduris di pruvinsia e staba la.

4Pa manga di tempu, ku sedu sentu i oitenta dia, i mostra rikesa ku gloria di si renu, manera ki sedu rei garandi dimas.

5Oca ku ki dias kaba, rei kumbida tudu pobu di prasa fortifikadu di Susan, desdi mas garandi te na mas pikininu. Ki festa tarda pa seti dia, na un kau dentru di jardin di palasiu di rei.

6Kurtinas di fazenda branku, verdi ku azul e pindraduba na kordas di liñu finu ku di purpura, maradu na argolas di prata na firkijas di mármori. Tudu kau di sinta seduba di uru ku prata; con sedu di mosaiku di tris koldadi mármori branku ku burmeju, ku pedras di balur.

7Biñu sirbidu na kopus di uru; kopus mansia ku ŋutru. Biñu di rei i ciu ba, konformi rikesa di rei.

8Konformi ordi di rei, ningin ka obrigadu bibi a forsa, pabia rei da ordi pa tudu servus di kasa pa e sirbi konformi vontadi di kada kin.

9Tambi raiña Vasti fasi festa pa minjeris dentru di palasiu di rei Asueru.

Vasti nega bai kudi rei

10Na setimu dia, oca korson di rei Asueru staba ja kontenti pabia di biñu, i manda seti funsionariu ku ta sirbilba, ku sedu Meuman, Bizta, Arbona,Kap 7.9 Bigta, Abagta, Zetar ku Karkas,

11pa e bai tisi raiña Vasti si dianti, ku koroa di raiña, pa mostra pobu ku ŝefis si bonitasku, pabia i seduba bonitu dimas.

12Oca ku ki omis leba rekadu di rei, raiña Vasti negaDan 3.18; 6.10 bin. Pabia di kila, rei paña raiba dimas; si raiba yardi nel.

13Suma i seduba kustumu di rei pa konsulta omis ku sibiba aserka di lei ku justisa, i bin punta ki jirus ku ntindiba kuma ku kusas ta bai.

14Kilis ku staba mas pertu del e seduba Karsena, Setar, Admata, Tarsis, Meres, Marsena ku Memukan, seti ŝefEsd 7.14 di Persia ku Media ku pudiba yentra sempri nunde rei, e teneba lugar mas altu na renu.

15I punta elis: “Konformi lei, ke ku raiña Vasti dibi di fasidu, suma ki nega kumpri ordi ku rei Asueru manda na mon di si funsionarius?”

16Memukan ruspundi na pursensa di rei ku ŝefis, i fala: “Raiña Vasti ka yara son kontra rei, ma tambi kontra tudu ŝefis, ku tudu pobu ku sta na tudu pruvinsias di rei Asueru,

17pabia tudu minjeris na bin sibi ke ku raiña Vasti fasi, e na njuti se omis, e na fala: ‘Rei Asueru manda pa raiña Vasti yentra si dianti, ma i nega bai.’

18Aos propi minjeris di ŝefis di Persia ku Media ku obi e kusa ku raiña Vasti fasi e na kontal pa ŝefis di rei. Asin i na ten garandi falta di rispitu, ku disintindimentu.

19Si rei konkorda, i pudi da un ordi ofisial ku na skirbidu na lei di Persia ku Media, ku ka pudiKap 8.8; Dan 6.8-15,17 mudadu, kuma Vasti ka na torna yentra mas dianti di rei Asueru. Rei ta da si lugar na renu pa utru minjer ku pudi sedu minjor di ki el.

20Asin, ora ku ki ordi ku rei da i obidu na tudu parti di si renu (ku sedu garandi), tudu minjer na da rispituEf 5.33 pa si omi, desdi mas garandi te na mas pikininu.”

21Rei ku si ŝefis e fika kontenti ku ki palabra. Asin rei fasi konformi palabra di Memukan.

22I manda kartas pa tudu parti di renu, pa kada pruvinsia konformi se manera di skirbi, pa kada pobuKap 3.12; 8.9; Dan 3.29; 4.1; At 2.5-11 konformi se lingua, kuma: “Kada omi na sedu siñor na si kasa.” E ordi tenba ku mandadu pa tudu pobu konformi lingua di kada un.