Isaias 20 - Portuguese Creole Bible, Guinea-Bissau

Utru anunsiu aserka di Ejitu ku Etiopia

1Sargon, rei di Asiria, manda kila bai geria kontra prasa di Asdod,Jos 15.47 i tomal.

2Na ki mesmu anu, SIÑOR papia ku Isaias, fiju di Amoz, i falal: “Bai bu dispi ki saku ku bu tene na kurpu, bu tira sapatus na bu pe.” Asin ki fasi; i yanda dispidu1 Sam 19.24; Mik 1.8 ku pe na con.

3SIÑOR fala: “Suma ku ña servu Isaias yanda tris anu dispidu ku pe na con, es i sinal di kusa ku na bin pa Ejitu ku Etiopia.

4Rei di Asiria na leba katibus di Ejitu ku kilis ku tiradu na tera di Etiopia, rapasis ku bejus, dispidu, ku pe na con, sin nada na kurpu, ku sedu borgoña pa Ejitu.

5Kilis ku puiba se speransa na Etiopia, ku ta njataKap 30.3,7; 36.6; 2 Re 18.21 pa Ejitu, e na panta, e fika ku borgoña.

6Na ki dia, jinti ku mora lungu di mar na fala: ‘Jubi ke ku pasa ku ki jinti ku no na sperabaKap 31.1-3 nel, ku no kuri pa e sakuranu, e libranu di rei di Asiria! Kuma ku no na bin kapli?’ ”