2 Tesalonisensis 1 - Portuguese Creole Bible, Guinea-Bissau

Kumsada ku manteña

1Ami Paulu, ku Silvanu ku1 Tes 1.1 Timótiu, no na skirbi pa jinti di igreẑa di Tesalónika, ku sedu di Deus no Pape ku Siñor Jesus Kristu.

2N misti pa Deus no Pape ku Siñor Jesus Kristu da bos faburRom 1.5 ku pas.

Julgamentu ora ku Kristu bin

3Ermons, no ten ku fala Deus obrigaduKap 2.13; Rom 1.8-10; 1 Tes 1.3 pa bos sempri. No dibi di fasi asin propi pabia bo fe na kirsi dimas. Amor ku kada un di bos ten pa ŋutru i na darma kada bias mas na bo metadi.

4E ku manda anos propi no ta ngaba2 Kor 9.2; 1 Tes 2.14 bos na igreẑas di Deus, pabia di bo firmesa ku fe na tudu pirsigison ku sufrimentu ku bo ta nguenta.

5Es tudu ta proba kuma julgamentu di Deus i justu; i pa bo sedu mersidur di renu di Deus ku bo na sufriFil 1.28-29 tambi pa el.

6Deus na fasi kil ki justu. I na tisi sufrimentuApok 6.10 riba di kilis ku pui bos sufri.

7Abos ku na sufri, i na lebia bos, ku nos tambi.1 Tes 4.16; Jud 14; Apok 14.13 Es tudu na sedu ora ku Siñor Jesus parsi na seu ku si anjus ku ten puder,

8ku fuguKap 2.8; Lei 33.2; Eb 10.27; 12.29; 2 Ped 3.7 ku na yardi, pa kastiga kilis ku negaSal 79.6; Rom 2.8; Apok 21.8 kunsi Deus, ku kilis ku ka obdisi Bon Noba di no Siñor Jesus.

9E na sufri kastigu di pirdi ntidu, separadu di pursensa di Siñor ku si puder gloriosu,

10na ki dia ora ki bin pa risibi gloria na metadi di tudu si pobu, ku adorason di tudu kilis ku fia nel. Abos tambi bo na mati la, pabia bo fia na tustumuñu ku no da bos.

11E ku manda no ta ora sempri pa bos, pa no Deus fasi bos mersidur di vida ki coma bos pa el, pa i kumpri ku si puder tudu bo diseẑu di sedu bon, tambi pa i kompleta bo tarbaju di fe,

12pa nomi di no Siñor Jesus sedu glorifikadu1 Ped 1.7; 4.14 na bos; abos tambi bo sedu glorifikadu nel, konformi fabur di no Deus ku Siñor Jesus Kristu.