Jeremias 13 - Portuguese Creole Bible, Guinea-Bissau

Sintu di liñu

1SIÑOR falan: “Bai kumpra un sintu di liñu, bu maral, ma ka bu mitil na yagu.”

2N kumpra sintu, konformi SIÑOR falan, N maral.

3SIÑOR bin papia ku mi sugundu bias, i falan:

4“Toma ki sintu ku bu kumpra, ku bu mara, bu lanta bu bai pa riu Eufrates, bu sukundil la na koba di pedras.”

5N bai, N sukundil lungu di riu Eufrates, suma ku SIÑOR mandan.

6I pasa manga di dia, SIÑOR falan: “Lanta, bu bai pa Eufrates, bu toma ki sintu ku N dau ordi pa bu sukundi la.”

7N bai pa Eufrates, N koba, N toma sintu na kau ku N sukundilba. N ojal i podri ja; i ka baliba nada.

8SIÑOR bin papia ku mi, i falan:

9“Asin ku SIÑOR fala: Asin ku N na pui orgulyu di Judá pa i podri, ku orgulyu garandi di Jerusalen.

10E pobu mau ku ta nega obi ña palabra, ku ta yanda konformi duresaKap 7.24 di se korson, e bai tras di utru deusis pa sirbi elis, pa mpina se dianti, e na sedu suma e sintu ku ka bali nada.

11Suma ku sintu ta maradu na sintura di omi, asin ku N mara tudu pobu di Israel ku Judá pa mi, pa e sedu ña pobu, pa e tisi lovorKap 33.9 ku gloria pa ña nomi, ma e ka misti obi.” Asin ku SIÑOR fala.

Jarus pa biñu

12“Jeremias, konta elis kuma SIÑOR Deus di Israel fala: ‘Tudu jaru dibi di incidu ku biñu.’ E na ruspundiu: ‘Nta no ka sibi nan kuma jaru ta incidu ku biñu?’

13Bu ta fala elis: ‘Asin ku SIÑOR fala: N na bibintiKap 25.27; Is 51.17 tudu jinti de tera tok e cami, tudu ku reis ku sinta na tronu di Davi, ku saserdotis, anunsiaduris ku tudu moraduris di Jerusalen.

14N na pui elis maja ŋutru suma jarus, tok e bida padas padas, papes tudu ku fijus. Nin pena nin amor nin miserikordia i ka na tujin kaba ku elis.’ ” Asin ku SIÑOR fala.

Ameasas

15Bo para sintidu, bo obi;

ka bo yalsa bo kabesa,

pabia SIÑOR i papia.

16Bo da gloria pa SIÑOR bo Deus

antis di i tisiIs 5.30; Am 8.9 sukuru,

pa ka bo pe bin da tapada

na montis na fuska-fuska.

Bo na peraSal 44.19; Is 59.9 lus,

ma el i na mudal pa sombra di mortu,

pa sukuru meduñu.

17Si bo ka para sintidu,

N na cora na sigridu,

pabia di bo orgulyu;

ña ujuMis 1.2,16; 2.18 na cora risu;

larma na darma,

pabia karnelis di SIÑOR na lebadu katibu.

18“Fala rei2 Re 24.12 ku si mame: ‘Bo ria, bo sinta na con, pabia koroas di bo gloria na kai di bo kabesa.’

19Prasas na sul tajadu; ningin ka pudi yabri elis. Tudu jinti di Judá lebadu katibu; sin, elis tudu e lebadu.”

20Bo yalsa uju, bo jubi kilis ku na binKap 1.14-15 di norti. Nunde ki koral ku bu ntregadu, ki karnel ku bu ta njata ku el?

21Ke ku bu na fala ora ku Deus pui riba di bo kilis ku bu pegaba amisadi ku elis? Nta bu ka na bin sufri durKap 6.24 suma minjer ku sta di partu?

22Ora ku bu punta bu kabesa ke ku mandaKap 5.19 e kusas bin riba di bo, bu ta sibi kuma i pabia di bu manga di pekadu ku bu ropa rumpidu, bu kurpu tratadu ku violensia.

23Nta un omi di Etiopia pudi muda si peli? O leopardu pudi muda si mancas? Abos gora? Suma bo nsinadu fasi mal, bo na pudi fasi ben me?

24“Ami N na pajiga bos suma pajaOs 13.3 ku ta lebadu pa bentu di lala.

25Ami, SIÑOR, N fala: Es i na sedu bu sorti, ki parti ku N midiIs 65.7 pa bo, pabia bu diskisi di mi, bu fia na mintidas.

26N na dispiuMis 1.8; Ez 16.37; 23.29; Os 2.3,10 bu ropa, pa bu borgoña ojadu.

27N oja bu mauKap 2.20; 3.1-6; 5.8 vida, ku kusas nujenti ku bu fasi riba di montis ku na matu, bu diseẑu forti suma di kabalu, o suma di omi ku pega tras di minjer ki ka di sil. Ai di bo, Jerusalen! Te kal tempu ku bu na fika impuru?”