Jonas 4 - Portuguese Creole Bible, Guinea-Bissau

Raiba di Jonas

1Jonas fika ku garandi kasabi, i paña raiba,

2i ora i fala SIÑOR: “O SIÑOR! Nta i ka es ku N falaba kuma i na bin sedu oca ku N staba inda na ña tera? E ku manda N tentaba kuri pa Tarsis, pabia N sibi kuma abo i DeusSai 34.6 ku ta ten dur di jinti, ku ta sinti pena, ku ta tarda pa paña raiba, ku ten bondadi garandi, ku ta muda di ideia di fasi mal.

3N pidiu, SIÑOR, pa bu tira1 Re 19.4 ña vida, pabia i minjor pa N muri te pa N bibu.”

4SIÑOR puntal: “Kal diritu ku bu ten pa paña raiba de manera?”

5Jonas sai na prasa, i bai sinta na ladu di saida di sol. I kumpu un baraka la, i sinta bas di si sombra, pa jubi ke ku na kontisi na prasa.

6SIÑOR Deus pui un pe di bobra lanta; i subi riba di Jonas, pa i fasi sombra riba di si kabesa, pa i pudi libral di si kansera. Jonas kontenti dimas pabia di ki pe di bobra,

7ma na utru dia, oca sol na mansi, Deus manda un bicu ku kume ki pe di bobra tok i muri.

8Oca sol na sai, Deus manda un bentu kinti di lesti; sol kema Jonas na kabesa tok i pertu dismaja. I mistiba son muri, i fala: “I minjorKap 4.3 pa N muri te pa N bibu.”

9Deus punta Jonas: “Kal diritu ku bu ten pa paña raiba de manera pabia di pe di bobra?”

Jonas ruspundi i falal: “N ten diritu pa paña raiba te puntu di N muri.”

10SIÑOR falal: “Bu ten pena di pe di bobra ku bu ka tarbaja nin bu ka fasil kirsi; i lanta na un noti, i muri na utru noti.

11Ami, kuma ku N ka na ten penaEz 33.11 gora di ki prasa garandi di Ninive, nunde ki sta manga diSal 36.6 limaria, ku sentu i vinti mil jinti ku ka kunsi se mon direita nin skerda?”