Ripitison di Lei 18 - Portuguese Creole Bible, Guinea-Bissau

Diritus di saserdotis

1Saserdotis ku tudu restu di jorson di Levi e ka na tene terenu nin yardansaNum 18.20 na Israel. Se yardansa na sedu ofertas ku ta kemadu pa SIÑOR; i el ke na kume.

2E ka na tene yardansa na metadi di se ermons; i SIÑOR ku sedu se yardansa, suma ki purmiti.

3Ora ku jinti na sakrifika turu o karnel, saserdotis ten diritu di dadu perna di tras,Sir 7.32-34 keŝada ku stomagu.

4Bu na da elis purmeru miju ku bu kebra,Sir 23.10,17; Num 18.12-24 ku bu purmeru biñu nobu ku azeiti, ku purmeru lan ku bu tiskia,

5pabia SIÑOR bu Deus kuji jorson di LeviNum 8.6 na metadi di tudu bu jorsons pa i firma i sirbi sempri na nomi di SIÑOR.

6Un levita ku mora na un prasa na kualker parti di tera di Israel, si i sai i bin ku tudu diseẑu di korson pa kau ku SIÑOR kuji,

7i sirbi na nomi di SIÑOR si Deus suma tudu si ermons levita ta fasi dianti di SIÑOR,

8i ten ku kume si kiñon2 Kron 31.2-4; Ne 12.44 suma elis, nin si i tene diñeru di si kusas ki bindi.

Kustumus nujenti

9Ora ku bu yentra na tera ku SIÑOR bu Deus na dau, ka bu remenda kustumus nujentiSir 18.26-27,30 di ki nasons.

10Ka ningin ojadu na bo metadi ku ta sakrifika si fiju macu o femia na fugu,Sir 18.21; 19.26,31; Gal 5.20 nin diviñadur, kil ku ta konta kusas ku na bin sedu, pauteru, futseru,

11jambakus, kil ku ta konsulta dimoniu, botadur di sorti, nin kil ku ta konsulta spiritu di difuntus.

12Jinti ku ta fasi e kusas, e nujenti pa SIÑOR; SIÑOR bu Deus na tira ki nasons foraKap 9.4 pabia e tene ki kustumus.

13Sedu pirfituKum 6.9; 17.1; Jo 1.1,8; Mat 5.48 dianti di SIÑOR bu Deus.

14Ki nasons ku bu na toma se tera e ta sukuta diviñaduris ku kilis ku ta konta kusas ku na bin sedu, ma SIÑOR bu Deus tujiu fasi ki kusas.

Purmesa di un garandi anunsiadur

15SIÑOR bu Deus na lantandau un anunsiadurKap 34.10; Num 12.4-8; Jon 1.21,45; 7.40; At 3.22-23; 7.37 suma mi na metadi di bu ermons; el ku bu na obi.

16Es i kil ku bu pidi SIÑOR bu Deus, na Oreb, na ki dia di juntamentu, oca ku bu fala:Kap 5.24-28 “N ka misti obi mas fála di SIÑOR ña Deus, nin N ka misti oja mas e garandi fugu, pa N ka muri.”

17SIÑOR falan: “Kusa ke fala i bon.

18N na lantanda elis un anunsiadur suma bo na metadi di se ermons; N na pui ña palabrasIs 51.16; Jon 8.28; 12.49-50; 17.8 na si boka; i na konta elis tudu ku N mandal pa i fala.

19Kualker algin ku ka obi ña palabra ku ki anunsiadur falaEb 2.3; 3.7-8; 12.25-26 na ña nomi, N na pidil konta.

20Ma un anunsiadur ku osa fala un kusa na ña nomi ku N ka mandal pa i fala, o ku fala na nomi di utru deusis, ki anunsiadurKap 13.1-5 ten ku matadu.”

21Bu pudi bin punta na bu sintidu: “Kuma ku no na sibi1 Jon 4.1-3; Apok 2.2 si un palabra ka bin di SIÑOR?”

22Si palabra ku un anunsiadur fala na nomi di SIÑOR ka bin sedu bardadi, bu ta sibi kuma ki palabra, i ka SIÑOR ku papial, ma i ki anunsiadur propiDit 26.2; Is 41.22; Jer 28.9 ku falal. Ka bu ten medu del.