Markus 8 - Portuguese Creole Bible, Guinea-Bissau

Jesus alimenta 4.000 jinti(Mat 15.29-39)

1Na ki dias, manga di jinti junta utru bias. E ka teneba nada di kume. Jesus coma si disipulus, i fala elis:

2“N ten pena de jinti, pabia e sta ja tris dia ku mi; nada di kume e ka tene.

3Si N manda elis pa kasa sin kume nada, e na dismaja na kamiñu, pabia utrus bin di lunju.”

4Si disipulus puntal: “Nunde ku algin pudi oja pon ku cigaKap 6.37-44 pa da tudu e jinti li na lala?”

5Jesus punta elis: “Kantu pon ku bo tene?” E falal: “Seti.”

6I manda pa ki jinti sinta na con. I toma ki seti pon, i fala Deus obrigadu, i kebra elis, i da si disipulus pa e rapati. Elis e rapati pa tudu ki jinti.

7E teneba tambi un bokadu di moño. I fala Deus obrigadu pa elis, i manda pa e rapati elis tambi.

8Tudu jinti kume tok e farta. E inci seti balai ku padas ku sobra.

9Jinti ku kume seduba kuas kuatru mil. Dipus, Jesus dispidi elis,

10i kamba janan na barku ku si disipulus, i bai pa ladu di Dalmanuta.

Sinal di seu(Mat 16.1-4)

11Utru fariseus sai, e kumsa na diskutiMat 12.38; Jon 6.30 ku el. Pa spurmental, e pidil un sinal di seu.

12I da folgu fundu dentru del, i punta: “Pa ke ku jinti di aos na pidi un sinal? Na bardadi, N fala bos kuma e jinti e ka na dadu nin un sinal.”

13I disa elis, i torna mbarka, i bai pa utru banda.

Fermentu di fariseus(Mat 16.5-12)

14Disipulus diskisiba di leba pon. Na barku e teneba son un pon.

15Jesus avisa elis, i fala: “Bo toma sintidu, bo libra di fermentuLuk 12.1 di fariseus ku fermentu di Erodis.”

16E kumsa na papia entri elis, e fala: “I suma no ka tene pon.”

17Jesus ntindi tudu, i punta elis: “Ke ku manda bo na miskiña, bo na fala kuma bo ka tene pon? Bo ka rapara, nin bo ka ntindiKap 8.21; 6.52; 2 Tim 3.7 inda? Bo kabesa sta ficadu?

18Bo tene uju, bo ka ta oja? Bo tene oreja, bo ka ta obi? Nin bo ka lembra?

19Oca ku N kebra sinku pon pa rapati sinku mil, kantu kufuKap 6.43 di padas ku bo kuji?” E falal: “Dozi.”

20“Oca ku N kebra ki seti pon pa rapati kuatru mil, kantu balaiKap 8.8 di padas ku bo kuji?” E ruspundil: “Seti balai.”

21I punta elis: “Kuma ku bo ka ntindi inda?”

Jesus kura segu di Betsaida

22I ciga na Betsaida. Jinti lebal un segu, e pidil pa i toka nel.

23Jesus pega segu na mon, i lebal pa fora di tabanka. Dipus i kuspilKap 7.33 na ujus, i pui mon riba del, i puntal: “Bu na oja kualker kusa?”

24I yalsa uju, i fala: “N na oja jinti; e parsi suma pos ku na yanda.”

25Jesus torna pui mon utru bias riba di si ujus. Omi jubi diritu, i fika kuradu, i na ojaba tudu kusa klaru.

26Jesus mandal pa kasa, i falal: “Ka bu yentra na tabanka.”

Pedru diklara kin ki Jesus(Mat 16.13-23; Luk 9.18-22; Jon 6.66-69)

27Jesus bai ku si disipulus pa tabankas di Sesareia di Filip. Na kamiñu i punta elis: “Kin ku jinti ta fala kuma N sedu?”

28E ruspundil: “Utrus ta fala abo i Jon Batista; utrus ta fala abo i Elias; utrus inda ta fala abo i un di anunsiaduris.”

29I punta elis: “Ma abos, kin ku bo fala kuma N sedu?” Pedru ruspundi, i falal: “Abo iJon 11.27 Mesias.”

30Jesus da elis ordi pa ka e konta ningin nada del.

Jesus konta kusa di si mortu

31I kumsa na nsina elis, i fala kuma Fiju di omi ten ku sufriMat 16.21 ciu. Garandis ku ŝefis di saserdoti ku pursoris di lei na negal. I na matadu. Dipus di tris dia i na lanta di mortu.

32I konta es klaru pa elis. Pedru lebal na un ladu, elis dus, i kumsa na raprindil.

33Jesus rabida, i jubi pa si disipulus, i raprindi Pedru, i falal: “Sai ña dianti, Satanas, pabia bu pensamentu i ka bin di Deus, ma i di omi.”

Kada kin dibi di leba si krus(Mat 16.24-28; Luk 9.23-27)

34Dipus i coma jinti tudu, ku si disipulus, i fala elis: “Si algin misti bin ku mi, i ten ku nega si kabesa, i lambuMat 10.38; Luk 14.26-27 si krus, i sigin.

35Kin ku misti salbaJon 12.25 si vida i na pirdil, ma kin ku pirdi si vida pa amor di mi ku di Bon Noba i na salbal.

36Ke ku un omi ta purbita si i ngaña mundu ntidu, i pirdi si kabesa propi?

37O ke ku algin pudi da pa torna liberta si alma?

38Kin ku ten borgoñaMat 10.32-33; Luk 12.9; Rom 1.16; 2 Tim 1.8; 2.12 di mi ku ña palabra, na metadi di jinti mau i infiel ne mundu di aos, Fiju di omi tambi na ten borgoña del, ora ki bin na gloriaMat 16.27 di si Pape, ku si santu anjus.”