Isaias 14 - Portuguese Creole Bible, Guinea-Bissau

Israel na riba di katiberasku

1SIÑOR na sinti pena di Jakó, i na torna kuji Israel, i na pui elis na se propiKap 40.1-2; 54.7-8; Ne 1.8-9; Jer 24.6-7; 29.14; 30.18-20; 31.8-12; 32.37-41; 50.17-20; Ez 36.24-28; 39.24-29; Zak 1.17 tera. Jinti di utru teras na bai juntaKap 60.3-5; Zak 2.11-12; 8.22; Ef 2.12-13 ku familia di Jakó, pa e mora juntu ku elis.

2Nasons na judaKap 49.22; 60.9-14; 61.5; 66.20 elis pa e riba na se lugar; pobu di Israel na tene elis suma servus macu ku femia na tera di SIÑOR. E na pui katibu kilis ku teneba elis suma katibu, e na manda riba di kilis ku na kalkaba elis.

Rei di Babilonia na mundu di mortu

3Na dia ku Deus dau diskansu di bu dur ku foronta, ku ki tarbaju duru ku bu obrigadu fasi,

4bu na ŋumini e ditu kontra rei di Babilonia, bu fala:

“Jubi kuma ku kalkadur kaba! Nunka mas i ka na kalka ningin!

5SIÑOR kebra bingala di renansa di jinti mau ku na manda riba di utrus.

6I ta kastigaba nasons ku raiba, ku golpis ku ka ta para, i na mandaba na nasons ku raiba ku pirsigison, sin ningin ku pudi tujil.

7Gosi ja tudu mundu sta diskansadu, ku pas, tok jinti na kanta ku kontentamentu.

8Te propi piñerusKap 55.12-13; Ez 31.16 ku sedrus di Líbanu e na grita ku kontentamentu aserka di bo, e fala: ‘Disna ku bu kai, ningin ka bin pa nos pa kortanu.’

9“Mundu di mortu la bas i na turmenta pa kontra ku bo ora ku bu ciga. Pabia di bo i korda kilis ku muri ja, ku tudu ŝefis di mundu, ku tudu ku seduba rei di nasons, i pui elis lanta na se tronu.

10Elis tudu e na kudi e na falau: ‘Abo tambi bu fraksi suma nos; bu sedu no kumpañer!

11Bu orgulyu ku musika di bu arpas e riantadu pa mundu di mortu. Bu na dita na kamaKap 66.24; Jo 17.13-14; Mar 9.48 di bicus; mañokas na kubriu suma manta.’

12“O strela di parmaña, fiju di mandrugada, jubi kuma ku bu kai na seu! Bu botadu na tera, abo ku ta ngañaba nasons!

13Bu ta falaba na bu sintidu: ‘N na subi pa seu, N na pui ña tronu riba di strelasKum 11.4; Ez 28.2 di Deus; N na sinta na monti di juntamentu, na ladu mas lunju di norti.

14N na subi riba di nuvens mas altu; N na sedu suma2 Tes 2.4 Deus ku sta riba di tudu.’

15Ma bu na lebadu na munduMat 11.23 di mortu, na kau mas fundu na koba.

16“Kilis ku ojau na bin jubiu diritu, e pensa ciu na bo, e punta: ‘Es i ki omi ku ta bulbuliba mundu, i pui renus pa e tirmi?

17I el ku torna mundu suma lala, i dana si prasas? I el ku ta tujiba si katibus pa e bai se kau?’

18“Tudu reis di nasons e dita na kau di rispitu, kada un na si koba bonitu,

19ma abo bu ka nteradu na bu koba, bu botadu fora suma ramu ku ka bali. Bu kubridu ku mortus ku matadu ku spada, botadu na koba di pedras. Bu difuntu masadu.

20Bu ka na tene nteru suma ki utru reis, pabia bu dana bu tera, bu mata bu pobu. Jorson di jinti mau, nunka mas se nomi ka na comadu.

21Bu purpara matansa pa fijus pabia di maldadi di se papes, pa ka e bin lanta, e toma tera, e inci mundu ku prasas.”

22SIÑOR ku ten tudu puder fala: “N na lanta kontra elis, N na kaba ku nomiDit 10.7; Jer 51.60-64 di Babilonia, ku si jinti ku sobra, ku se fijus ku netus.” Asin ku SIÑOR fala.

23“N na tornal pa i sedu kau di lama ku kuruẑasKap 13.21 toma konta del. N na baril ku basora ku ta kaba ku tudu.” Asin ku SIÑOR ku ten tudu puder fala.

Anunsiu kontra Asiria

24SIÑOR ku ten tudu puder jurmenta i fala: “Suma ku N pensa, asin ki na sedu. Suma ku NKap 14.27; 46.10-11; Jo 23.13; Mis 3.37 disidi, asin ki na fasidu.

25N na kebranta Asiria na ña tera, N na masal na ña montañas, pa si kangaKap 9.4; 10.24-27; Naun 1.12-13 sai riba di ña pobu, pa si kargu tiradu na se ombras.”

26Es i planu ku markadu pa tudu mundu; es i mon ku distindi riba di tudu nasons.

27SIÑOR ku ten tudu puder i fasi siKap 14.24; 43.13; Sal 33.11; Jer 30.24; Dan 4.34-35 planu; kin ku pudi tujil? Si mon sta distindidu; kin ku pudi ribantal pa tras?

Anunsiu kontra filisteus

28Na anu ku rei Akaz2 Re 16.20 muri, e rekadu bin di Deus:

29Abos, tudu jinti di Filistia, ka bo kontenti manera ku po ku suta bos i kebra, pabia, di rais di kobraKap 11.8; 30.6 i na sai kobra tutu; si frutu na sedu kobra venenosu ku ta buanta kabesa.

30Jinti mas koitadi di tudu e na dadu kusa di kume; kilis ku ten falta e na dita suguru, ma N na mata bu rais ku fomi; kilis ku sobra di bu jorsonJer 47; Ez 25.15-17; Sof 2.4-7 e na kabadu ku el.

31O porton, pupa! O prasa, grita! Abo, Filistia, tirmi! Di norti i na bin un fumansa di tropas; ningin ka na sai na fila.

32Kal rasposta ku na dadu pa jinti ku tisi rekadu di Filistia? I na sedu kuma SIÑOR firmanta Sion, pa kilis di si pobu ku foronta pudi oja kau suguruKap 25.4 nel.