Salmus 38 - Portuguese Creole Bible, Guinea-Bissau

Salmu di Davi di miskiñu.

1O SIÑOR, ka bu raprindin na bu raiba,

nin ka bu kastigan.

2Bu fleŝas pañan,

bu mon kai riba di mi.

3Pabia di bu raiba, i ka ten parti di ña kurpu ku tene saudi;

ña os ka ten forsa pabia di ña pekadu.

4Ña kulpaKap 51.3; Esd 9.6 kai riba di ña kabesa

suma kargu pisaduMat 11.28 dimas pa N pudi nguental.

5Ña cagasJo 7.5; Is 1.5-6; Jer 10.19; 30.12 na cera mal, e sta ja podri,

pabia di ña tulesa.

6N sta wuŋidu, N batidu dimas,

N na yanda tudu dia N na miskiña.

7Ña kosta na yardi;

i ka ten parti di ña kurpu ku tene saudi.

8N sta fraku, N kebrantadu;

N ta jimi pabia N ka ten susegu na ña korson.

9SIÑOR, tudu ña diseẑu sta bu dianti;

ña jimi ka sta sukundidu di bo.

10Ña korson na bati risu; ña forsa kaba.

Lus di ña uju sukuru ja ku mi.

11Ña amigus ku kumpañeris ta fika lunjuKap 31.11; 88.8 di ña caga;

ña parentis tambi e ta lunjusi di mi.

12Tudu kilis ku na buska matan e ta yarma armadilia kontra mi;

kilis ku misti fasin mal e ta papia palabra di venenu;

e ka ta para fasi planu mau.

13Ma ami, suma surdu, N ka ta obi;

N sta suma muduKap 39.2 ku ka pudi yabri boka.

14Asin, N sta suma omi ku ka pudi obi,

ku ka tene rasposta na si boka.

15SIÑOR, N pui ña speransa na bo;

bu na kudin, o SIÑOR ña Deus,

16pabia N fala: “Ka bu disa elis e ŋuminin,

nin pa e gozan ora ku ña pe lalu.”

17N sta pruntu pa kai;

ña dur sempri N tenel.

18N na konfesaKap 32.5 ña kulpa;

N sta tarpajadu pabia di ña pekadu.

19Ña inimigus tene vida ku forsa;

kilis ku ten odiu kontra mi sin roson e ciu dimas.

20Kilis ku paga malKap 35.12; 109.5 pa ben e sta kontra mi,

pabia N pega na kil ki bon.

21SIÑOR ña Deus, ka bu bandonan,

nin ka bu lunjusiKap 22.1,11 di mi.

22Janti pa sakuran, SIÑORSai 15.2; Is 12.2 ña Salbadur.