2 Kronikas 9 - Portuguese Creole Bible, Guinea-Bissau

Visita di raiña di Sebá(1 Re 10.1-13)

1Oca ku raiña di Sebá obi di fama di Salomon, i bin pa Jerusalen pa probal ku purguntas kansadu. I ciga ku manga di jinti ku na sirbil, ku kamelus ku karga purfumus ku manga di uru ku pedras di balur. I ciga nunde Salomon, i papia di tudu kusa ki teneba na si sintidu.

2Salomon ruspundil tudu si purguntas; i ka sobra nada ki ka pudiba splikal.

3Raiña di Sebá oja tudu jiresa di Salomon, ku kasa ki kumpuba.

4I oja tambi kumida di si mesa, ku bon kau ku si ŝefis ta sinta nel, ku manera ku si kriadus ta sirbiba, ben fardadu, ku kilis ku ta sirbi mesa, ku ofertas kemadu ki ta da na kasa di SIÑOR. I fika dimiradu,

5i fala rei: “Palabra ku N obi na ña tera aserka di bu jiresa, ku kusas ku bu ta fasi, i bardadi,

6ma N ka fiaba na se palabras tementi N ka bin, N ojal ku ña uju. Gosi N oja kuma e ka kontan nin metadi di garandesa di bu jiresa; abo bu mas kil ku N obi.

7Sortiadu i bu omis! Sortiadu i bu ŝefis ku sta sempri bu dianti, e na obi bu palabras di jiresa.

8SIÑOR bu Deus dibi di ngabadu, ku fikaba kontenti ku bo, i pou pa bu sedu rei riba di si tronu, pa guberna pa SIÑOR bu Deus. Bu Deus ama Israel, i misti firmantal pa sempri; e ku manda i pou suma rei riba delis, pa bu pudi manti ordi ku justisa.”

9I da rei kuatru tonolada di uru, ku manga di purfumu, ku pedras di balur. Nunka i ka tenba purfumus suma kilis ku raiña di Sebá da rei Salomon.

10(Omis di rei Iron ku di Salomon, ku tisiba uru di Ofir, e tisi tambi madera di algumin ku pedras di balur.

11Rei usa ki madera di algumin pa kumpu skadas pa kasa di SIÑOR, tudu ku kasa di renansa. I kumpu tambi arpas ku violas pa kantaduris. Kusas suma kilas nunka ka ojaduba na tera di Judá.)

12Rei Salomon da raiña di Sebá tudu kusas ki pidil konformi si diseẑu; i dal mas di ki kil ku raiña tisilba. Dipus raiña riba pa si tera ku si jinti ku kumpañalba.

Rikesa di rei Salomon(1 Re 10.14-25)

13Uru ku ta binba pa Salomon kada anu i ta pesaba vinti i tris tonolada,

14fora di mpustu ku nogosiantis ta paga, ku kilis ku ta fasi nogos na utru teras. Reis di Arabia ku gubernaduris di reẑions di Israel e ta tisilba uru ku prata.

15Salomon kumpu duzentus tajadera garandi di uru batidu; i manda pesa seti kilu di uru pa kada un.

16I kumpu tambi trizentus tajadera mas justadu, di uru batidu, ku tris kilu di uru na kada un. Salomon pui elis na Kasa di Floresta ku pavons.

22Rei Salomon teneba mas rikesa ku mas jiresa di ki tudu reisKap 1.12 di mundu.

23Elis tudu e mistiba bin jubi Salomon, pa obi jiresa ku Deus dal.

24Kada kin ku bin i ta tisilba pursenti — kusas di uru ku di prata, kusas di bisti, material di gera, purfumus, kabalus ku burus. Asin ki ta fasiduba kada anu.

25Salomon teneba kuatru mil kuartu pa kabalusKap 1.14; 1 Re 4.21,24,26,34 ku karus, ku dozi mil kabalu di karu. I pui elis na prasas di karu, ma utrus fika ku rei na Jerusalen.

26I dominaba riba di tudu reis, desdi riu Eufrates te na tera di filisteus, te na frontera di Ejitu.

27Rei fasi Jerusalen pa i tene prata suma pedra, ku sedrus ciu suma figera brabu ku sta na matu.

28E ta tisiba kabalus pa Salomon di Ejitu ku tudu ki utru teras.

Mortu di Salomon(1 Re 11.41-43)

29Utru kusas ku pasa na renu di Salomon, disna di kumsada te na kabantada, e sta skritu na libru di Storia di Anunsiadur Natan ku na Anunsius di Aías1 Re 11.29 di Siló. I sta tambi na Visons di Anunsiadur IduKap 12.15; 13.22 ku ta trata di Jeroboan, fiju di Nebat.

30Salomon rena na Jerusalen riba di tudu Israel pa korenta anu.

31I diskansa ku si papes, i nteradu na prasa di si pape Davi. Si fiju Reoboan rena na si lugar.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help