Josué 9 - Portuguese Creole Bible, Guinea-Bissau

Jibeonitas ngana Josué

1Oca noba de kusas ciga na oreja di reis ku staba na ladu di Jordon pa kaida di sol, na montañas, na kau mas rasu, ku tudu parti lungu di Mar Mediteraneu te na Líbanu (reisKum 15.19-21; Sai 3.17; 23.23,31 di eteus, amoreus, kananeus, perizeus, eveus ku jebuseus),

2e junta e pui na un son pa bai geria ku Josué ku Israel.

3Tudu jinti di JibeonKap 10.2; 18.25; 21.17; 2 Sam 21.1-9; 1 Re 3.4-5; 9.2; 1 Kron 12.4; 14.16; 21.29; 2 Kron 1.3; Is 28.21 obi ke ku Josué fasi Jerikó ku Ai.

4E ranja se planu pa nganal; utru di ki jinti finji sedu mbaŝaduris, e toma sakus beju pa e pui riba di se burus, ku barkafons di biñu di kuru beju, rotu, botadu rumbu.

5E kalsa sapatus beju, capa-capadu; e bisti ropa beju. Tudu pon ke leba pa kamiñu i seku, i bulura.

6E bai pa Josué na kampamentu di Jilgal, e falal ku omis di Israel: “No bin di un tera lunju dimas; asin bo fasi kontratuLei 20.15-16 ku nos.”

7Omis di Israel ruspundi ki eveus, e fala elis: “Talves bo mora pertu di nos. Kuma ku no na fasi kontratu ku bos?”

8E fala Josué: “Anos i bu servu.” Josué punta elis: “Abos i kin? Di nunde ku bo bin?”

9E ruspundil: “Bu servus bin di un tera lunju pabia di nomi di SIÑOR bu Deus, pabia no obi si fama, ku tudu kusa ki fasi na Ejitu,

10ku kil ki fasi ki dus rei di amoreusKap 12.4; Num 21.21-35 ku staba na utru ladu di Jordon, ku sedu Sion, rei di Esbon, ku Og, rei di Basan, ku staba na Astarot.

11E ku manda no garandis ku tudu jinti ku mora na no tera e falanu pa no ranja kumida pa bias, pa no bin kontra ku bos, no fala bos kuma anos i bo servus; bo fasi kontratu ku nos.

12Bo jubi no pon! No tomalba kinti na furnu oca no rumal na kasa na dia ku no sai pa bin pa bos, ma alil li i seku ja tok i bulura.

13E barkafons di kuru ku no inci biñu e seduba nobu, ma ali elis li e raca. No ropa ku no sapatus e torna ja beju pabia di kamiñu kumpridu.”

14Asin omis di Israel toma utru di se kumida, sin pidi konsijuNum 27.21; Is 30.1-2 na SIÑOR.

15Josué fasi pas ku elis, tambi i fasiKap 11.19; 2 Sam 21.2 kontratu, i fala elis kuma i na disa elis ku vida. Ŝefis di juntamentu e konfirmal ku juramentu.

16Tris dia dipus de fasi kontratu ku elis, e obi kuma e sedu se visiñus ku mora pertu delis,

17pabia fijus di Israel sai pa bai; na terseru dia e ciga na se prasas, ku sedu Jibeon, Kefira, Beerot ku Kiriat-Jearin.Kap 15.9,60; 1 Sam 7.1; 1 Kron 13.5-6

18Fijus di Israel ka ataka elis, pabia se ŝefis jurmentabaSal 15.4; Ekl 5.2-6 na nomi di SIÑOR Deus di Israel. Asin tudu Israel ŋuniŋuni kontra se ŝefis.

19Tudu ŝefis ruspundi juntamentu di pobu e fala: “No jurmenta elis na nomi di SIÑOR Deus di Israel. E ku manda no ka pudi toka nelis,

20ma i es ku no na fasi: no na disa elis ku vida pa ka raiba garandi2 Sam 21.1-6; 2 Kron 36.13; Dit 20.25; Mal 3.5; Rom 1.31 kai riba di nos pabia di ki juramentu ku no fasi elis.

21E pudi fika ku vida, ma e na sedu findiduris di leña ku kataduris di yagu pa tudu juntamentu.” Jinti konkorda pa fasi konformi ŝefis fala.

22Josué coma jibeonitas, i punta elis: “Pabia di ke ku bo ngananu, bo fala kuma bo mora lunju, didi me bo mora na no metadi?

23Gosi bo sta bas diKum 9.25-26 maldison. Na bo metadi nunka i ka na disa di ten servus, findiduris di leña ku kataduris di yagu pa kasa di ña Deus.”

24E ruspundi Josué, e falal: “Bu servus kontadu klaru kumaSai 15.14; 23.31-33 SIÑOR bu Deus da ordi pa si servu Moisés pa i da bos tudu e tera, tambi pa i kaba ku tudu jinti de tera bo dianti. No medi ku no vida pabia di bos; e ku manda no fasi asin.

25Alinu li gosi na bu mon. Fasi kil ku bu oja kuma i bon i justu pa fasinu.”

26Asin Josué libra elis na mon di fijus di Israel, pa e ka mata elis.

27Na ki dia Josué fasi elis findiduris di leña ku kataduris di yagu pa pobu di Israel, tambi pa altar di SIÑOR. Te aos e ta fasi inda1 Kron 9.2; Esd 2.43-58; 8.20; Ne 3.26; 11.3 ki tarbaju, na kau ku SIÑOR kuji.