1 Koríntius 15 - Portuguese Creole Bible, Guinea-Bissau

Resureison di mortu

1Gosi, ermons, N na lembranta bos di Bon Noba ku N konta bos, ku bo risibi, kil ku bo firmaRom 5.2 nel,

2kil tambi ku tisi bos salbason, si bo rakadal suma ku N konta bos el. Si i ka asin, bo konverti pa nada.

3Kusa mas importanti i es: N pasantaKap 11.2,23 pa bos kil ku N risibi, kuma Kristu muri pa no pekadu suma ku SkrituraLuk 24.27,46; At 3.18 fala.

4I nteradu; na terseru dia i lantandaduAt 2.24-31 di mortu, suma ku Skritura fala.

5PedruLuk 24.34,36; At 1.3 ojal; dipus, dozi apostolu ojal;

6dipus, mas di kiñentus ermon ojal di un bias. Mas parti delis sta bibu inda, ma utrus muri ja.

7Dipus, Tiagu ojal; dipus tudu apostolus.

8Na fin di tudu i parsi pa miAt 9.4,17; 22.13-14,18 tambi, mesmu ku N sedu suma algin ku padidu fora di tempu.

9Ami N mas ka ten importansia di ki tudu apostolus, nin N ka mersiAt 8.3 pa N comadu asin, pabia N pirsigi igreẑa di Deus,

10ma fabur di Deus fasinEf 3.7-8 kil ku N sedu. Deus ka dan e fabur sin purbitu, pabia N tarbaja mas2 Kor 11.23 di ki elis tudu. Ma i kaMat 10.20; Gal 2.8,20 ami; i fabur di Deus ku na tarbaja ku mi.

11O i ami, o i elis, i es ku no ta konta; i el ku bo obi, bo seta.

12Suma i es ku no na konta, kuma Kristu lantandadu di mortu, kuma ku utrus di bos ta fala kuma resureison di mortuMat 22.23 ka ten?

13Si resureison di mortu ka ten, Kristu tambi ka lantandadu.

14Si Kristu ka lantandadu, no ka tene nada di konta; abos tambi bo ka tene nada di fia nel.

15Anos tambi, no ta parsi suma no na konta mintida aserka di Deus, pabia no fala kuma i lantanda Kristu di mortu, ma si na bardadi mortus ka ta lantandadu, tambi Deus ka lantanda Kristu di mortu.

16Si mortus ka ta lantandadu, tambi Kristu ka lantandadu.

17Si Kristu ka lantandadu, bo fe ka bali nada; bo sta indaRom 4.25 na bo pekadu;

18tambi kilis ku muri ku fe na Kristu e sta pirdidu.

19Si Kristu danu speransa son pa e mundu, no koitadi mas di ki tudu jinti!

20Ma na bardadi Kristu lantandaduKap 15.23; Ef 1.20; Kol 1.18; 1 Tes 4.14-17 di mortu, suma purmeru di kilis ku muri.

21Di mesmu manera ku un omi tisi mortu pa mundu, asinJon 11.25; Rom 5.12,17; 6.23 tambi un omi tisi resureison di mortu.

22Suma ku tudu jinti muri pabia e liga ku Adon, asin tambi ku tudu na tene vida pabia e liga ku Kristu.

23Kada kin na lantandaduKap 15.20; 2 Kor 4.14 na si ordi: Kristu purmeru; dipus, ora ki bin, kilis ki di sil.

24Dipus, fin na bin. Kristu na kaba ku tudu forsa ku otridadi ku puder; i na ntrega renu pa Deus Pape.

25Kristu ten ku rena te ora ku Deus puiSal 110.1; At 2.34-35 tudu inimigus bas di si pe.

26Ultimu inimigu ku na kabadu ku el2 Tim 1.10; Eb 2.14; Apok 20.14 i mortu.

27Palabra di Deus fala kuma i pui tudu kusa basMat 28.18; 1 Ped 3.22 di si pe. Manera ki fala “tudu kusa” i klaru ki ka na pui na konta kil ku pui tudu kusa bas del, ku sedu Deus.

28Ora ku tudu kusa fika bas di Kristu, el propi, Fiju, i na fika bas di kilKap 3.23; 11.3; Jon 14.28; Fil 3.20-21 ku pui tudu kusa bas del, pa Deus pudi rena kompletamenti riba di tudu.

29Kilis ku ta batisadu na konta di utrus ku muri, kal ki se speransa? Si kontra na bardadi mortus ka ta lanta, ke ku manda jinti na batisa na se konta?

30Anos tambi, ke ku manda no ta nfrenta pirigu2 Kor 11.26 tudu ora?

31Kada dia N na peraRom 8.36; 2 Kor 1.8 muri. Ña ermons, N konta bos asin pabia di kontentamentu1 Tes 2.19-20 ku N ten na bos, na no union na Kristu Jesus no Siñor.

32Si i son pa kualker purbitu de mundu ku N luta na Éfesu ku limarias brabu, ke ku N ngaña? Si mortus ka ta lantandadu,

“I minjorEkl 2.24; Is 22.13 no kume, no bibi,

pabia amaña no na muri.”

33Ka bo ngana bo kabesa. Mau kumpañerasku ta dana bon manera di yanda di algin.

34Bo riba pa bon kamiñu; ka bo yanda mas na pekadu. N na fala pa bo borgoña kuma utrus inda ka sibi nada di Deus.

Kurpu ku no na lanta ku el

35Algin na punta: “Kuma ku mortus ta lanta? Kal koldadi kurpu ke na tene?”

36Tulu! Kil ku bo sumia, i ka na nasi si i ka muriJon 12.24 purmeru.

37Kil ku bo sumia i ka ki planta ku na bin nasi, ma i simentera son, di trigu o di utru koldadi.

38Deus ta bisti kada simentera konformi i misti; kada simentera ku si kurpu propi.

39I ka tudu karni ki juntu. I ten karni di omi, karni di limaria, karni di kacu, ku karni di pis.

40I ten kurpu di seu, ku kurpu di tera. Bonitasku di kurpu di seu i un kusa; bonitasku di kurpu di tera i ka juntu.

41Sol i ten si bonitasku; lua ten di sil, strelas tambi e ten, ma strelas propi, i ten utrus ku mas ta lampra di ki utru.

42Asin ki na sedu ora ku mortus lanta. Un kurpu ku nteradu i ta podri, ma ora ki lantandadu i ka ta podri.

43Si i nteradu i fiu, i fraku, ma ora ki lantandadu i taDan 12.3; Mat 13.43; Fil 3.21 bonitu, i forti.

44Si i nteradu i kurpu di karni; ora ki lantandadu i ta sedu kurpu di spiritu. Si kurpu di karni ten, kurpu spiritual ten tambi.

45I sta skritu na palabra di Deus kuma purmeru omi, ku sedu Adon, i dadu vida.Kum 2.7; Rom 5.14 Sugundu Adon i Spiritu ku ta daJon 5.21; 14.6; Kol 3.4 vida.

46Bo ntindi kuma i ka spiritual ku ta bin purmeru, ma i kurpu di karni; dipus, kurpu spiritual.

47Purmeru omi, kumpudu diKum 2.7; 3.19; Jon 3.13,31 reia, i di tera; sugundu omi bin di seu.

48Kilis ki di teraJon 3.3,6 e sta suma kil ku kumpudu di reia. Kilis ki di seu e sedu suma kil ku bin di seu.

49Suma ku no parsensaKum 5.3; Rom 8.29; Fil 3.20-21; 1 Jon 3.2 i di kil ku kumpudu di reia, asin tambi no na tene parsensa di kil ku bin di seu.

50Kusa ku N na fala bos, ermons, kuma karni ku sangi ka pudi ten parti na renu di Deus; nin kusa ku ta dana ka pudi ten parti na kusa ku ka ta dana.

51-52Bo sukuta pa N konta bos un bardadi ku sukundiduba: I ka tudu nos ku na muri, ma, ora ku ultimu kornetaMat 24.31; Jon 5.25; Fil 3.21; 1 Tes 4.14-17 toka, no na transformadu di repenti, suma yabri ku fica uju. Ora ku korneta toka, mortus na lantandadu; nunka mas e ka na muri. Anos no na transformadu,

53pabia i pirsis kil ku ta dana pa i bida kil ku ka ta dana; kil ku ta muri2 Kor 5.4 pa i bida kil ku ka ta muri.

54Ora ku es sedu, kil ku ta dana bida kil ku ka ta dana, kil ku ta muri bida kil ku ka ta muri, asin kusa ku sta skritu na bin sedu: “MortuIs 25.8; Apok 20.14 ngulidu, vitoria ngañadu!”

55“Mortu, nundeOs 13.14 ku bu vitoria sta?

Mortu, nunde ku bu fidida sta?”

56Fidida di mortu iRom 4.15 pekadu. Forsa di pekadu i lei,

57ma Deus obrigadu manera ki ta danu vitoria na no Siñor Jesus Kristu.

58Asin, ña kiridu ermons, bo sedu2 Kron 15.7 firmi; ka bo bulbuli; bo tene sempri vontadi na tarbaju di Siñor, suma ku bo sibi kuma, kusa ku bo fasi pa Siñor i ka amonton.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help