Salmus 56 - Portuguese Creole Bible, Guinea-Bissau

Miktan di Davi pa ŝef di musika, oca ku filisteus pañal na Gat. Pa sedu kantadu ku musika di “Pumba na karvajus di lunju”.

1O Deus, ten pena di mi, pabia omis na buska matan;

e na pertan, e geria kontra mi tudu ora.

2Kilis ku na montian e na pirsigin tudu dia;

kilis ku na geria kontra mi ku orgulyu e ciu.

3Na dia ku N sinti medu,

N ten ku fiansa na bo.

4N fiansa na Deus, N ka na medi;

N na garandisi si palabra.

Algin ku ta muri, ke ki pudiEb 13.6 fasin?

5Tudu dia e ta tursi ña palabra;

sempri e na ranja se planu pa fasin mal.

6E ta junta,At 4.27 e sukundi,

e montia kau ku N na bai;

e pera ora pa matan.

7Nta mesmu ku se pekadu e na kapli?

O Deus, bati nasons na bu raiba.

8Oca ku N na kurkuri, bu konta ña pasus;

Bu pui ña larmas na bu garafa;

nta e ka sta skrituMal 3.16 na bu libru?

9Ora ku N comau, ña inimigus na riba tras,

pabia N sibi kuma DeusRom 8.31 sta na ña ladu —

10ki Deus ku N ta garandisi si palabra,

SIÑOR ku N ta ngaba si palabra.

11I na ki Deus ku N pui ña fiansa;

N ka na medi ke ku omiKap 56.4 pudi fasin.

12O Deus, N na kumpri ki purmesasKap 22.25; 50.14; 61.8; 65.1; 66.13; 116.14,17-19 ku N fasiu;

N na pursentau oferta di gardisimentu,

13pabia bu libran di mortu,

bu libra ña pe di da tapada,

pa N pudi yanda dianti di Deus

na lus di jintiKap 116.9 bibu.