Numerus 8 - Portuguese Creole Bible, Guinea-Bissau

Kanderus

1SIÑOR fala Moisés

2pa i papia ku Aron, i falal: “Ora ku bu na sindi kanderus, lampadas dibi di pudu di un manera ke na numiaSai 25.37 pa dianti.”

3Aron obdisi ki ordi ku SIÑOR da Moisés, i sindi lampadas pa lus pudi bin dianti di kanderu.

4Kanderu i kumpudubaSai 37.17-24 di uru batidu, desdi si pe te na si floris la riba; i kumpudu konformi modeluSai 25.40 ku SIÑOR mostraba Moisés.

Dedikason di levitas

5SIÑOR papia ku Moisés i falal:

6“Tira levitas na metadi di fijus di Israel, bu purifika elis

7de manera: Waga yagu di purifikasonSir 14.7-9; Sal 51.2,7; Mat 23.25-26; Tia 4.8; Apok 7.14 riba delis, bu pui elis pa e rapa tudu se kurpu, e laba se ropa. Asin e na sta puru.

8Dipus e na toma un turu nobu ku si oferta di foriña finuKap 15.8-9; Sir 2.1 masadu ku azeiti; bu na toma utru turu nobu pa sakrifika pa purdon di pekadu.

9Ciganta levitas dianti di tenda di juntamentu, bu junta tudu pobu di Israel.

10Leba levitas dianti di SIÑOR; fijus di Israel na pui se monAt 6.6; 13.2-3; 1 Tim 4.14; 5.22 riba delis.

11Aron na pursenta levitas dianti di SIÑOR suma oferta spesial di fijus di Israel; e na dedikaduKap 1.49-53 pa fasi tarbaju di SIÑOR.

12“Levitas na pui se mon riba di kabesaSir 1.4 di ki turus; bu na sakrifika un suma oferta pa pekadu; ki utru na sedu oferta kemadu pa SIÑOR, pa i pudi purda pekadu di levitas.

13Bu na pui levitas pa e firma dianti di Aron ku si fijus, bu na pursenta elis suma oferta spesial pa SIÑOR.

14Asin bu na separaLei 10.8 levitas na metadi di fijus di Israel, pa e sedu di mi.

15“Dipus ku bu purifika levitas, bu pursenta elis suma oferta spesial, e na yentra pa fasi sirvis na tenda di juntamentu.

16I elis ku na tiradu na metadi di fijus di Israel pa mi; N na toma elis pa mi na lugar di tudu purmeru fiju macu di si mame.

17Tudu purmeru fiju di Israel, di omis o di limarias, i di mi. N separa elis pa mi na ki dia ku N mata tudu purmeru fijus na teraSai 13.2,12-15 di Ejitu,

18ma N toma ja levitas na konta di purmeru fijus di Israel.

19Na metadi di israelitas N toma levitas, N da elis pa Aron ku si fijus pa sirbi fijus di Israel na tenda di juntamentu, pa sakrifika pa elis, pa kastiguKap 1.53; 18.5 ka bin pa israelitas si e ciga pertu di kau sagradu.”

20Asin Moisés, Aron ku tudu juntamentu di Israel dedika levitas konformi tudu ordi ku SIÑOR daba Moisés.

21Levitas kumpri kustumus di purifikason, e laba se ropa; Aron pursenta elis suma oferta spesial pa SIÑOR, i fasi sakrifisiu pa elis pa e pudi purifikadu.

22Dipus di kila, levitas yentra pa fasi sirvis na tenda di juntamentu bas di Aron ku si fijus. Ordis ku SIÑOR da Moisés aserka di levitas e kumpridu tudu.

23SIÑOR fala ku Moisés,

24i dal e ordis aserka di levitas: “Kilis ku tene vinti i sinku anuKap 4.3 o mas e ta yentra pa fasi sirvis na tenda di juntamentu,

25ma si e ciga na idadi di sinkuenta anu e ten ku raforma, e ka na sirbi mas.

26E pudi bai juda se ermons na tarbaju ke ten ku fasi na tenda di juntamentu, ma elis propi e ka na toma konta di sirvis. Asin ku bu na ranja sirvis di levitas.”