Isaias 28 - Portuguese Creole Bible, Guinea-Bissau

Avisu pa renu di norti

1Koitadi di renu di Efrain! Si gloria na kaba suma floris di ki koroas ku sta na kabesa di se ŝefis camidu. E ta unta se kabesa orgulyosu ku purfumu, ma e foga ku biñu na rua.

2SIÑOR tene un omi ku ten forsa ku puder ki na manda pa bati ki con ku forsa, suma bentu forti di cuba di pedraKap 30.30; Ez 13.11 ku ta dana kau, ku cuba garandi ku na inci kau ku yagu.

3Ki koroa, ku sedu orgulyu di camiduris di Efrain, i na masadu ku pe.

4Gloria di ki ŝefis orgulyosu na disparsi suma flor; i na sedu suma figu ku kusidu purmeru, antis di kebur; si algin ojal, i ta toma, i nguli.

5Dia na ciga ku SIÑOR ku ten tudu puder na sedu koroa gloriosu pa restu di si pobu, suma koroa di floris bonitu.

6I na sedu spiritu di justisa pa ki algin ku ta julga; i na sedu forsa pa kilis ku na difindi porton di prasa, pa pui inimigu riba tras.

7Mesmu saserdotis ku anunsiaduris na singa-singa pabia di biñu, e sta na kunfusonDit 20.1; Os 4.11 pabia di bibida forti. Anunsiaduris ta bibi biñu tok e ka pudi ntindi vison ku Deus da elis; saserdotis ta bibi tok e ta ntrumpi na julga.

8Tudu mesas inci ku ramasadura; i ka ten kau ku ka tene susidadi.

9Kin ki misti nsina? Kusa ki obi, kin ki na splikalJer 6.10 el? Mininusiñus ku kumsa tiradu na mama?

10Pabia i lei riba di lei, mas lei riba di lei; regra riba di regra, mas regra riba di regra; un bokadiñu li, un bokadiñu la.

11Asin Deus na bin papia ku e pobu pa boka di jinti di utru rasa ku na papia lingua1 Kor 14.21 strañu,

12i fala elis: “Es i kau di diskansu; bo disa kin ku kansa pa i diskansa; es ki aliviu di bardadi.” Ma e ka seta obi.

13Asin palabra di SIÑOR na sedu mandamentu riba di mandamentu, lei riba di lei, regra riba di regra, un bokadu pa li, un bokadu pa la; de manera e na bai, e kai pa tras, e molosta, e pañadu na lastru, e fika prezu.

Pedra di kantu

14Abos omis diskarnos ku na manda riba de pobu ku sta na Jerusalen, bo sukuta palabra di SIÑOR.

15Bo ta fala: “No fasi kontratu ku mortu, no sina akordu ku kau di mortus, pa ora ku korenti forti di yagu na pasa, i ka na ciga na nos, pabia no fasi mintida pa i sedu no kau di suguransa, no sukundi bas di nganu.”

16Ma asin ku SIÑOR Deus fala: “Ali N na pui un pedraMat 21.42; At 4.11; Rom 9.33; 10.11; Ef 2.20; 1 Ped 2.6-8 na Sion, pedra di kantu ku probadu ja, ku ten garandi balur, ku ta fasi alisersu firmi; algin ku fiansa nel i ka ta turmenta.

17N na pui justisa pa i sedu suma korda di midi; vida retu na sedu suma prumu. Cuba di pedra na bari ki kau di suguransa di mintida; yagu na kubri ki bo kau di sukundi.

18Bo kontratu ku mortu na nuladu; bo akordu ku kau di mortu ka na nguenta. Ora ku ki korenti forti di yagu pasa, i na rasta bos.

19Sempri ki pasa, i na rabata bos, pabia i na pasa kada parmaña, di dia ku di noti.”

Son pa obi e noba i na tisi garandi foronta.

20Bo na parsi ku ki algin ku dita na kama kurtu, i ka pudi distindi si pe, i kubri ku panu pikininu ku ka cigal.

21SIÑOR na lanta pa geria suma ki fasi na monti di Perazin2 Sam 5.20 ku na kobon di Jibeon,Jos 10.10-13; 2 Sam 5.25 pa fasi kil ki tene na sintidu pa fasi, pa kompleta si tarbaju, nin si i parsi strañu, i ka pudi ntindidu.

22Asin bo para fasi trosa, pa ka korenti ku bo na maradu ku el bida mas forti, pabia N obi ja na boka di SIÑOR Deus ku ten tudu puder aserka di disison ki toma pa dana tudu e tera.

Komparason di labur

23Bo para oreja, bo obi ña vos, bo pui sintidu pa sukuta ke ku N na fala.

24Kal labradur ku na purpara pa sumia i fika son na labra?

25Nta i ka ta kaba kubri regua, i kumsa sumia kanja ku fison verdi, o i waga arus, miju kabalu o fundu, kada kusa na si kau?

26I si Deus ku ta nsinal, i mostral ke ki dibi di fasi.

27Kanja ku fison verdi ka ta masadu; miju kabalu ku fundu ta sutadu ku po.

28Arus ta piladu pa i foriñadu, ma jinti ka ta kontinua na masal son, nin e ka ta pilal ku roda di karu nin ku pe di boi.

29Es i bin di SIÑOR ku ten tudu puder, ku ta fasi planusSal 40.5 maravilyosu ku kusas garandi.