Atus 6 - Portuguese Creole Bible, Guinea-Bissau

Seti diákunu (o judadur) kujidu

1Na ki dias, suma ku numeruKap 2.41; 4.4; 5.14 di krentis na buri, ki judeus ku ta papia greguKap 9.29; 11.20 e na keŝaba kontra kilis ku ta papia lingua di judeus, pabia se viuvas ta diskisidu na ora di rapatiKap 4.35 kumida, suma ki ta fasidu kada dia.

2Ki dozi apostolu junta krentis tudu, e fala elis: “I ka bonSai 18.17-23 pa no disa konta palabra di Deus pa no bin sirbi mesa.

3Ermons, bo kujiKap 1.21-22; Lei 1.13; 1 Tim 3.2-8-9 na bo metadi seti omi di fiansa, incidu di Spiritu Santu ku jiresa, pa no ntrega elis e garandi tarbaju,

4ma anos no ta pega tesuKap 2.42 na orason ku tarbaju di konta palabra.”

5Tudu fika kontenti ku e ideia. E kuji Stevon, omi incidu di fe ku Spiritu Santu, Filip,Kap 8.5,26; 21.8 Prókoru, Nikanor, Timon, Parmenas ku Nikolau di Antiokia ku setaba riliẑion di judeus.

6E tisi elis dianti di apostolus. Apostolus pui monKap 8.17; 9.17; 13.3; 19.6; Num 27.18; 1 Tim 4.14; 5.22; 2 Tim 1.6 riba delis, e ora.

7Asin palabra di DeusKap 12.24; 19.20; Kol 1.5-6 na spajaba kada bias mas. Numeru di krentis na buri ciu na Jerusalen. Manga di saserdotiJon 12.42 seta fe di Jesus.

Stevon prindidu

8Stevon, ku tenba garandi fe ku puder di Deus, i na fasiba milagris ku garandi sinal na metadi di pobu.

9I lanta utru omis ku seduba di kasa di juntamentu ku ta comadu di Libertus. Ki omis seduba di Sireni, Alesandria, Silísia ku Asia. E diskuti ku Stevon.

10Spiritu da Stevon garandi jiresaIs 54.17; Luk 21.15 ke ka pudi nguenta pa diskuti ku el.

11E paga utru omis pa e fala kuma1 Re 21.10,13; Mat 26.59-61 e obi Stevon fala palabra mau kontra Moisés, tambi kontra Deus.

12E cuci pobu ku garandis ku pursoris di lei. E rabata Stevon, e lebal na Konseliu.

13E pursenta falsu tustumuñas ku fala: “Es omi li i ka ta para fala palabras kontra e lugar sagradu, kontra lei tambi.

14No obil i fala kuma, e Jesus di NazaréMat 24.1-2; Jon 2.19-21 ten ku dana e lugar li; i na torkia kustumus ku Moisés danu.”

15Tudu ki jinti ku staba sintadu na Konseliu e pui se uju na Stevon, e oja si rostu suma rostu di un anju.