2 Koríntius 3 - Portuguese Creole Bible, Guinea-Bissau

1Nta no ten ku kumsa utru bias ngabaKap 5.12; At 18.27 no kabesa? O, suma utru jinti, no pirsisa di karta di rekumendason pa bos, o di bos?

2Abos propi1 Kor 9.2 i no karta, skritu na no korson, ku tudu jinti pudi kunsi, e lei.

3I pudi ojadu kuma abos i un karta ku Kristu skirbi, i manda pa no mon pa no ntrega. I ka skirbidu ku tinta, ma ku Spiritu di Deus bibu. I ka na taguaSai 24.12 di pedra ma na karni diJer 31.33; Ez 11.19; 36.26 korson.

4No fala asin pa fiansa ku no ten na Deus pabia di Kristu.

5I ka ten nada na nosJon 15.5; 1 Kor 15.10; Fil 2.13 ku ta punu pa no fala kuma no sedu kapas di fasi kualker kusa. Puder ku no ten i ta bin di Deus.

6I el ku fasinuEf 3.7; Kol 1.25 kapas di konta jinti aserka di nobuJer 31.31 kontratu, ku ka sedu lei skritu, ma di Spiritu. Lei ku skirbidu i ta mata, ma SpirituJon 6.63; Rom 8.2 ta da vida.

7Lei ku gravaduSai 34.1,28-30,33-35; Rom 7.10 letra pa letra na tagua di pedra i tisi mortu, ma gloria di Deus parsiba na ki ora ku lei dadu. Ki gloria, kontudu i staba pa pirdi, ma i pui rostu di Moisés lampra tok pobu di Israel ka pudi jubil diritu. Si lei dadu ku ki garandi gloria,

8kuma ku tarbaju di Spiritu ka na ten muitu mas gloria?

9Si puder ku tisi kondenason tenba gloria, puder ku ta fasinu justuRom 1.17 i ten muitu mas gloria.

10Pabia di gloria mas garandi di gosi, ki gloria ku na lampraba purmeru i fusku.

11Si kil ku ka tarda ciu i tenba gloria, kuma ku kil ku ka na kaba ka na ten gloria mas ciu?

12No papia ku koraẑen pabia no ten e speransa.

13No ka sta suma Moisés ku kubriba rostu ku veu, pa ka pobu di Israel ojaba manera ku gloria na disparsi nel.

14Se ntindimentuIs 6.9-10; 25.7 staba ficadu, pabia, te aos, se ntindimentu sta kubridu ku ki mesmu veu ora ku libru di Beju Testamentu leidu; son Kristu ku pudi kaba ku ki veu.

15Te aos, ora ku libru di Moisés leidu, ki veu ta sta riba di se ntindimentu,

16ma ora ku algin konverti pa Siñor, veu ta tiradu.

17Agora, Siñor ku e palabra fala del, i Spiritu. Nunde ku Spiritu di Siñor sta, liberdadi sta la.

18Anos tudu ku rostu diskubertu, suma un spiju, no ta mostra gloria di Siñor. Asin Siñor, ku sedu Spiritu, i ta transformanuRom 8.29; 1 Kor 13.12 di un gloria pa utru mas garandi, tok no ta tene si parsensa.