1N oja oca ku Karnel kebra un di ki seti selu. N obi un di ki kriaturasKap 4.6 bibu fala ku vos forti suma turbada: “Bin.”
2N jubi, i staba la un kabaluKap 19.11; Sal 45.3-4; Zak 6.2-3 branku. Kil ku monta riba del teneba un arku di mansasa; i dadu un koroa. I sai vensidur pa torna vensi.
3Oca Karnel kebra sugundu selu, N obi sugundu kriatura bibu fala: “Bin.”
4I sai utru kabalu; i burmeju. Kil ku monta riba del i dadu puder pa tira pas na tera, pa pui jinti mata ŋutru. I dadu un spada garandi.
5Oca ki kebra terseru selu, N obi terseru kriatura fala: “Bin.” Oca ku N jubi, i sta un kabalu pretu. Kil ku montaba riba del i tene un balansu na mon.
6N obi suma un vos na metadi di ki kuatru kriatura bibu ku fala: “Un kilu di trigu na kusta vensimentu di un dia; tris kilu di sevada na kusta tambi vensimentu di un dia, ma ka bu dana pe di azeitona nin di uva.”
7Oca ki kebra kuartu selu, N obi vos di kuartu kriatura fala: “Bin.”
8Oca ku N jubi, i staba un kabalu amarelu. Kil ku montal i comadu Mortu. Lugar di mortus na baiba si tras. E dadu puder riba di kuartu parti di tera, pa e mata jinti kuEz 5.17 spada, ku fomi, ku duensa, ku limarias brabu.
9Oca ku Karnel kebra kintu selu, N oja na pe di altar almas di kilis ku mataduKap 12.11,17; 17.6; 20.4; 2 Tim 1.8 pabia di palabra di Deus, tambi pabia di tustumuñu ke da.
10E grita ku garandi vos, e punta; “Siñor ku ten tudu puder, santu, diKap 3.7; 11.18; 19.2; Zak 1.12 bardadi, kantu tempu ku no na pera pa bu julga, bu vinga kilis ku sta na tera ku darma no sangi?”
11Kada un delis dadu kamisoti branku kumpridu; e faladuKap 3.4; 14.13; Eb 11.39-40 pa e diskansa inda un bokadu, tok i kompleta numeru di se ermons na tarbaju di Kristu, kilis inda ku ten ku matadu tambi suma elis.
12N jubi oca ki kebra sestu selu. Con tirmiKap 16.18; Mat 24.29 ku garandi forsa; sol bida pretu nok suma un lona pretu. Lua bida burmeju suma sangi.
13StrelasKap 8.10; 9.1 di seu kai na tera, suma ora ku bentu forti bulbuli figera, si fijus verdi konkoñi.
14Seu disparsiSal 102.25-26; Jer 4.23-24 suma libru ku roladu; tudu montis ku jius e munda di se lugar.
15Reis di tera ku garandis, ŝefis militar, rikus, ku kilis di puder, tudu katibus ku libris, e sukundiIs 2.19 na kobas, ku burakus di pedra na montañas;
16e fala montisOs 10.8; Luk 23.30 ku rocas pa e kai riba delis, pa sukundi elis di rostu di kil ku sinta na tronu, pa sukundi elis tambi di raiba di Karnel.
17I ciga dia garandiSal 76.7 di se raiba. Kin ku pudi nguental?
Who We AreWhat We EelieveWhat We Do
2025 by iamachristian.org,Inc All rights reserved.