Saida 36 - Portuguese Creole Bible, Guinea-Bissau

1“Asin, Bezaleel ku Aoliab, ku tudu omis jiru ku SIÑOR da jiresa ku kapasidadi pa e sibi fasi tudu tarbaju pa konstruson di kau sagradu, e ten ku fasi tarbaju konformi tudu ku SIÑOR manda.”

Ofertas di pobu

2Moisés coma Bezaleel ku Aoliab, ku tudu omis jiru ku Deus daba kapasidadi, ku staba pruntu na se korson pa bin fasi ki tarbaju.

3E toma na mon di Moisés tudu ofertas ku fijus di Israel tisi pa tarbaju di kau sagradu. Inda pobu na tisiba ofertas tudu dia parmaña di se libri vontadi.

4Asin tudu ki omis jiru ku na fasiba tudu tarbaju na kau sagradu e disa se tarbaju,

5e bai pa Moisés, e falal: “Jinti tisi oferta ciu dimas

14E fasi tambi onzi kurtina di kabelu di kabra suma kubertura di tenda.

15E fasi elis tudu di mesmu midida: 13,2 metru di kumprimentu ku 1,75 metru di largura.

16E junta sinku kurtina aparti; e junta tambi ki utru seis.

17E fasi sinkuenta pasadera na ponta di ultimu kurtina di ki sinku juntadu; e fasi tambi sinkuenta na ponta di kurtina di ki seis juntadu.

18E fasi tambi sinkuenta ansol di kobri pa junta kubertura, pa i sedu un son.

19E kumpu tambi pa tenda un kubertura di kurus di karnel macu, tinjidu di burmeju. Riba di kila e pui un kubertura di kurus di baka di yagu.

20E kumpu firkijasKap 40.18-19 pa tenda, di madera di akasia.

21Kada firkija teneba 4,4 metru di kumprimentu ku 70 sentimetru di largura.

22Kada firkija teneba dus po na ladu ku ta liga ku si kumpañer. E fasi mesmu na tudu firkijas di tenda.

23E kumpu vinti tagua pa ladu di sul di tenda.

24E fasi korenta pe di prata pa bai bas, dus pa kada firkija, ku si dus po na ladu.

25E fasi vinti firkija na ladu di norti di tenda,

26ku se korenta pe di prata, dus pe bas di kada firkija.

27Na ladu di tenda pa kaida di sol e kumpu seis firkija.

28E kumpu tambi dus firkija pa kantus di tenda na dus ladu.

29Ki dus firkija di kantu e kumpudu na mesmu manera. Di bas pa riba e juntadu na un anilia.

30Asin i tenba oitu firkija ku se disaseis pe di prata, dus pe bas di kada firkija.

31E kumpu tambi travesas di madera di akasia, sinku pa firkijas na un ladu di tenda,

32sinku pa firkijas di utru ladu, ku mas sinku pa firkijas di ladu di tras di tenda, pa kaida di sol.

33E kumpu travesa di metadi pa i pasa na metadi di firkijas di un ponta di tenda pa utru.

34E kubri firkijas ku uru, e kumpu anilias di uru pa travesas pudi pasa nel. E kubri travesas tambi ku uru.

Kurtinas ku firkijas(Sai 26.31-37)

35E kumpu tambi kurtina di lan azul, purpura ku burmeju, ku liñu finu tursidu, bordadu ku kirubins pa un omi ku sibi ki tarbaju.

36E kumpu pa kurtina kuatru firkija di madera di akasia, kubridu ku uru, ku ansolis di uru, ku kuatru pe di prata.

37Pa porta di tenda e kumpu utru kurtina di lan azul, purpura ku burmeju, ku liñu finu tursidu, bordadu pa algin ku sibi ki tarbaju,

38ku si sinku firkija ku si ansolis. Parti di riba di firkijas i kubridu ku uru, suma tambi se moldus. Se sinku pe e seduba di kobri.