Ripitison di Lei 4 - Portuguese Creole Bible, Guinea-Bissau

Moisés konsija pobu pa e obdisi

1O pobu di Israel, bo sukuta regras ku leis ku N na nsina bos gosi, pa bo pratika elis, pa bo pudi vivi, bo yentra pa yarda tera ku SIÑOR Deus di bo papes na da bos.

2Ka bo buri nada riba di ki palabra ku N fala bos, nin ka bo rapati nadaKap 12.32; Jos 1.7; Dit 30.6; Mat 15.3-9; Apok 22.18-19 del, ma bo obdisi mandamentus di SIÑOR bo Deus ku N na da bos.

3Bo oja ku bo uju ke ku SIÑOR fasi pabia di Baal-Peor.Num 25.1-9; 31.16; Sal 106.28-29; Os 9.10 SIÑOR kaba ku tudu omi na bo metadi ku bai tras di Baal di Peor.

4Ma abos tudu ku fikaba fiel pa SIÑOR bo Deus, bo sta bibu te aos.

5Ami N nsina bos regras ku leis, suma ku SIÑOR ña Deus mandan, pa bo pudi pui elis na pratika na tera ku bo na bai yarda.

6Bo pui sintidu na obdisil, pabia es i na mostra jinti di utru nasons bo jiresaJo 28.28; Sal 19.7; 111.10; 119.97-100; Jer 8.8-9; 2 Tim 3.15 ku ntindimentu. Ora ke obi tudu e leis, e ta fala: “Ki nason garandi i sedu un pobu jiru ku ten ntindimentu.”

7Kal nason ki garandi2 Sam 7.23; Sal 145.18; 148.14 tok i tene deusis pertu del suma ku SIÑOR no Deus sta pertu di nos, kada bias ku no comal?

8O kal nason ki garandi tok i tene regras ku leis justu suma tudu e lei ku N na pui bo dianti aos?

9Toma sintidu ku bu kabesa, bu guarda bu vidaKap 4.15; 6.7; 11.19; 31.19; Kum 18.19; Sai 12.26-27; 13.8,14-16; Jos 4.6-7,21-24; Sal 71.18; 78.3-8; 119.9; Dit 1.8; 4.20-23; 22.6; Is 38.19; Ef 6.4 diritu, pa ka bu diskisi di ki kusas ku bu oja ku bu uju, pa ka e pirdi na bu korson nkuantu bu sta di vida. Bu na kontal pa bu fijus ku fijus di bu fijus.

10Lembra di ki dia ku bu staba dianti di SIÑOR bu Deus na OrebKap 1.2; 5.2 oca ku SIÑOR falan: “Junta e pobu ña dianti pa e obi ña palabras, pa e kunsi elis, pa e rispitan tudu dias ke na vivi na tera; e ten ku nsina se fijus ki palabras.”

11Bo ciga, bo firma pertu di monti, oca ki na yardi fuguKap 5.23; 9.15 te na seu; i tenba nuvens pretu; kau sukuru ba dimas.

12SIÑOR papia ku bos na metadi di fugu; bo obi si fálaKap 4.33; 5.4,22 ku si palabras, bo ka oja nada di forma di algin; son ki vos ku bo obi.

13I konta bos si kontratu, ku sedu ki des mandamentuKap 5.1-22 ki da pa bo obdisi. Dipus i skirbi elis na dus tagua di pedra.

14Na ki tempu SIÑOR da ordi pa N nsina bos ki leis kuSai 21; 22; 23 regras, pa bo pudi pui elis na pratika na tera ku bo na kamba Jordon pa bai yarda.

Deus pruibi idulatria

15Na ki dia ku SIÑOR bo Deus papia ku bos na metadi di fugu la na Oreb, bo ka oja nin un forma di algin. Asin, bo toma sintidu, bo guardaKap 4.9; Jos 23.11; 1 Kron 28.9-10 bo vida diritu,

16pa bo ka kai na kurupson tok bo bin labra un imaẑenKap 4.25; 5.8 na forma di omi o di minjer,

17o di kualker limariaSai 32.7-8; Rom 1.23 ku ten na mundu, o kacu ku ta bua,

18o di kualker limaria ku ta rasta na con, o kualker pis ku sta na yagu.

19Si bo yalsa uju pa seu, bo oja sol ku lua kuKap 17.3; 2 Re 17.16; 21.3; 23.4-5,11; 2 Kron 33.3-5; Jo 31.26-28; Jer 8.2; 19.13; Ez 8.16 strelas, tudu e kusas ku ta ojadu la, ka bo nganadu pa mpina se dianti, pa adora ki kusas ku SIÑOR bo Deus rapati pa tudu parti di mundu pa tudu rasas.

20Abos i pobu ku Deus toma, i tira di furnu kinti1 Re 8.51; Jer 11.4 di Ejitu, pa bo sedu pobu di si yardansaKap 9.26,29; Sai 19.5-6 propi, suma ku bo sedu aos.

21SIÑOR paña raiba ku mi pabia di bos, i jurmenta kuma N ka na kamba Jordon pa yentra na bon tera ku SIÑOR bo Deus na da bos pa bo yarda.

22Ami N na muri ne tera; N ka na kamba Jordon, ma abos bo na kamba, bo bai yarda ki bon tera.

23Bo toma sintidu pa ka bo diskisi di kontratu ku SIÑOR bo Deus fasi ku bos. Ka bo labra nin un imaẑen pa bos na forma di kualker kusa, suma ku SIÑOR bo Deus pruibi pa bo fasi,

24pabia SIÑOR bo Deus i un fuguKap 6.15; 7.4; 9.3; 29.20; Sai 20.5; 34.14; Is 33.14; Ez 36.5; Sof 1.18; 3.8; 1 Kor 10.22; Eb 12.29 ku ta kaba ku tudu, un Deus ku ta ten siumi.

25Ora ku bo tarda na tera, bo padi fijus ku netus, si bo tornaKap 4.16; 31.29; 2 Re 17.17-19; 21.2,12-16 kuruptu, bo labra imaẑen na forma di kualker kusa; si bo fasi mal dianti di SIÑOR, pa lantanda si raiba,

26aos N na toma seu ku tera pa e sedu tustumuñas kontra bosKap 30.18-19; 31.28; 32.1; Sir 26.32-33; Jos 23.16 kuma bo na disparsi dipresa di tera ku bo na kamba Jordon pa yarda. Bo ka na tarda nel, ma bo na kabadu ku el tudu.

27SIÑOR na pajiga bos na metadi di jintiKap 29.28; Ne 1.8; Ez 36.19 di utru nasons, nunde ku son puku di bos ku na fika ku vida.

28La bo na adora deusisKap 28.36,64; Is 46.6-7; Jer 10.3-5; 16.13 di madera ku di pedra ku omis kumpu, ku ka ta oja, nin e ka ta obi, nin kume nin sinti ceru.

29Di la, bu na buska SIÑOR bu Deus; bu na ojal si bu buskal ku tudu bu korsonKap 30.1-2,10; 1 Re 8.47-49; 2 Re 23.3,25; 1 Kron 22.19; 2 Kron 15.12,15; 31.21; Sal 119.2,10,58,145; Jer 29.12-13; Joe 2.12-13 ku tudu bu alma.

30Ora ku tudu e kusas yangasau, bu foronta, dia na ciga ku bu na riba pa SIÑOR bu Deus, bu na obdisil.Jer 7.23; Eb 5.8-9

31SIÑOR bu Deus i Deus di miserikordia; i ka na bandonau, nin i ka na kabaSai 34.6-7; Sir 26.42,45; 2 Kron 30.9; Ne 1.5; 9.31; Jona 4.2; Mik 7.18; Luk 1.72 ku bo, nin i ka na diskisi di kontratu ki fasi ku bu papes ku juramentu.

SIÑOR, el ki Deus

32Buska sibi di tempusKap 32.7; Jo 8.8; Sal 44.1; Joe 1.2 ku pasa, antis di bu padidu, disna di dia ku Deus kumpu omi na tera; punta di un ladu di seu pa utru, si kontra kusa garandi suma es i ciga di fasidu, o si algin ciga di obi un kusa suma es.

33Nta i ten un pobu ku ciga di obi vos di Deus ku na papia na metadi di fugu,Kap 4.11-12,36; Kap 5.4,25-26; 9.10; Sai 19.9,18-19; 20.18-19; 24.11; 33.11; Num 12.8; Ne 9.13; Eb 12.18,25 e fika ku vida, suma ku bo obil?

34O i ten un Deus ku bai toma un pobu na metadi di utru nason pa i sedu di sil, suma ku SIÑOR bo Deus fasi pa bosSai 20.2; Sir 22.33 na Ejitu? Dianti di bo uju i distindi si mon forti, i manda praga ku gera, i fasi garandi milagris ku kusas meduñu.

35Bu mostradu ki kusas pa bu pudi sibiKap 6.4; 32.39; Sai 15.11; Jos 2.11; 1 Sam 17.45-47; 1 Re 18.36-37; 2 Re 19.19; Sal 83.18; Is 44.6,8; 45.5,18,22; Joe 2.27; Mar 12.29,32; Jon 17.3; 1 Kor 8.6; 1 Jon 5.20 kuma SIÑOR i Deus; i ka ten utru fora del.

36I fasiu pa bu obi si vos ku sai la na seu, pa nsinau. Li na tera i mostrau si garandi fugu; bu obi si palabra ku na sai na metadi di ki fugu.

37Manera ki ama bu papes, i kuji se jorson, e ku manda el propi i tirau di Ejitu ku si garandi forsa,

38pa serka nasons mas garandi i mas forti di ki bo bu dianti, pa yentrandau na se tera, pa dau el suma yardansa, suma ku no pudi oja aos.

39Asin bu dibi di ntindi aos, bu guarda na korson, kuma SIÑOR, el son ki Deus la riba na seu suma li na tera; i ka ten utru.

40Obdisi si leis ku si mandamentus ku N na dau aos, pa kusas pudi kuriu diritu, ku bu fijus dipus di bo, pa bu pudi tarda na tera ku SIÑOR bu Deus na dau pa sempri.

Moisés kuji tris prasa di rogu(Num 35.9-15; Jos 20.8)

41Moisés kuji tris prasa na ladu di Jordon na saida di sol,

42nunde ku algin pudi kuri pa el si i yara, i mata si kumpañer sin tenel na sintidu. I pudi kuriNum 35.6 pa un di ki prasas pa kapli ku si vida.

43I kuji Bezer, na kau altu i rasu na lala, pa rubenitas, Ramot na Jilead pa gaditas, ku Golan na Basan pa manasitas.

44Es i lei ku Moisés pui dianti di israelitas.

45Esis i mandamentus, regras ku leis ku Moisés konta pa fijus di Israel dipus de sai na Ejitu,

46e staba na lesti di Jordon, na kobon dianti di Bet-Peor, na tera di Sion, rei di amoreus, ku moraba naNum 32.37 Esbon, kil ku Moisés ku fijus di Israel ngañaba dipus de sai di Ejitu.

47E toma si tera, ku tera di Og, reiNum 21.33-35 di Basan, ki utru rei amoreu ku moraba na ladu di Jordon na saida di sol.

48Ki tera distindi di Aroer, ku sta lungu di riuKap 2.36; Num 21.13 Arnon, te na monti di Sirion ku sedu Ermon,

49ku tudu bulaña na ki ladu di lesti di Jordon, te na MarKap 3.17; 34.1 Salgadu, pertu di monti Pisga.