Ripitison di Lei 22 - Portuguese Creole Bible, Guinea-Bissau

Amor pa kumpañer

1Si bu oja turu o karnel di bu kumpañer i na yanda-yanda, ka bu finji kuma bu ka ojal; bu dibi di lebalSai 23.4-5 pa bu kumpañer.

2Si kontra i ka mora pertu di bo, o bu ka sibi kin ki si dunu, bu ta tenel na bu kau te ora ku bu kumpañer bin buskal; bu ta ntregal el.

3Mesmu kusa ku bu na fasi si bu oja buru di bu kumpañer, suma tambi si kamisa, o kualker kusa ki pirdi; ka bu finji kuma bu ka ojal.

4Si bu oja buru di bu kumpañer kai na kamiñu, o si turu, ka bu finji kuma bu ka ojal, ma judal lantandal.

Utru leis

5Minjer ka pudi bisti ropa di omi, nin omi ka pudi bisti ropa di minjer, pabia SIÑOR bu Deus i nuju algin ku fasil.

6Si bu oja niñu di kacu na kamiñu, o na un po o na con, si mame sta riba di si fijus o ovus, ka bu tomal tuduSir 22.28 ku si fijus.

7Bu pudi toma fijus ma bu ten ku disa mame; asin kusas ta kuriu diritu, bu ta tene vida kumpridu.

8Ora ku bu kumpu kasa nobu, bu ten ku taja kankra na roda, pa ka bu tisi kulpa di darmamentu di sangi riba di bu kasa si algin kapli la i kai.

9Ka bu sumia dus koldadi simentera na bu ortaSir 19.19 di uva, pabia si bu fasil, uvas na sedu kontaminadu, suma tambi ki kusa ku bu sumia.

10Ka bu junta buru ku turu2 Kor 6.14-16 pa e labra.

11Ka bu bisti ropa tisidu ku lan ku liñu tudu juntu.

12Fasi borlasNum 15.38-39; Mat 23.5 na kuatru ponta di panu ku bu ta kubri ku el.

Kastigu pa pekadu seksual

13Si un omi kasa minjer, i dita ku el, dipus i ka bin gosta del,

14i papia mal kontra el, i disfamal, i fala: “Oca ku N toma e minjer, N ka ojal bajuda,”

15pape ku mame di minjer e na toma lensol ku na proba kuma i seduba bajuda, e lebal pa garandis na porton di prasa.

16Pape di minjer na fala garandis: “N da ña fiju pa i kasa ku e omi, ma omi ka bin gosta del,

17i disfamal, i fala kuma i ka oja ña fiju bajuda, ma ali proba di kuma i ojal bajuda.” E na distindi ki lensol dianti di garandis di prasa.

18Garandis na toma ki omi, e kastigal,

19e pul paga multa di sen mueda di prata pabia i disfama un bajuda di Israel. E na da ki diñeru pa pape di minjer. Dipus i na fika ku ki minjer; i ka na pudi dispidil tok mortu rapati elis.

20Si ki kusa ku omi fala i bardadi, tambi si proba ka ojadu di kuma i ojadu bajuda,

21e na leba minjer pa porta di kasa di si pape; omis di si prasa na dal ku pedra tok i muri, pabia i fasi kusa di borgoñaŜef 20.6,10; 2 Sam 13.12-13 na Israel, manera ki kai ku omi oca ki staba inda na kasa di si pape. Asin bu ta tira ki mal na bo metadi.

22Si un omi pañadu cai ku minjer kasadu ku utru omi, elis tudu dusSir 20.10; Eb 13.4 e na matadu. Asin bu ta tira e mal na tera di Israel.

23Si i ten un bajuda ku toma kumprumis pa kasa ku omi, si utru omi bin ojal na prasa, i dita ku el,

24bo na leba elis pa porton di ki prasa, bo da elis ku pedra tok e muri. Minjer na matadu pabia i staba na prasa ma i ka grita; omi na matadu pabia i abusa na minjer di si kumpañer. Asin bu ta tira ki mal na bo metadi.

25Si i la na matu ku omi oja bajuda ku sta pa kasa ku si omi, i pañal, i dita ku el, ki omi ku dita ku el, el son ku na muri.

26Ka bu fasi bajuda nada, pabia i ka fasi kusa ku na pul pa i matadu. E kasu i parsi ku kasu di omi ku lanta kontra si kumpañer i matal,

27pabia i na matu ku omi oja ki bajuda ku staba pa kasa. Bajuda grita, ma i ka ten ningin pa judal pa i kapli.

28Si un omi oja un bajuda ku ka ten kumprumis di kasamenti, i pegal, i dita ku el; si e bin pañadu,Sai 22.16-17

29ki omi ku dita ku bajuda i na da pape di bajuda sinkuenta mueda di prata. I ten ku kasa ku bajuda pabia i abusa nel; nunka i ka pudi dispidil tok mortu rapati elis.

30Nin un omi ka dibi di toma minjer di si pape,Kap 27.20; Sir 18.8 pa ka tisi borgoña riba di si pape.