1Jinti ku mora na Jerusalen toma Akazias,Kap 21.16-17; 1 Kron 3.11 fiju mas nobu di Jeoran, rei di Judá, e fasil rei na konta di si pape, pabia ki tropas ku binba ku jinti di Arabia pa ataka Judá e mataba fijus mas garandi.
2I teneba vinti i dus anu di idadi oca ki yentra na renansa, i rena un anu na Jerusalen. Nomi di si mame seduba Atália, netuKap 21.6; 1 Re 16.29-30 di Onri.
3Akazias yanda tambi na kamiñus di familia di Akab, pabia Atália, si mame, i el ku ta dalba konsijuLei 7.3-4 pa i fasi mal.
4I fasi kusas mau na uju di SIÑOR, suma ku familia di Akab fasiba, pabia i elis ku seduba si konsijaduris dipus di mortu di si pape. Es lebal pa disgrasa.
5Pabia di se konsiju i bai ku Joran, fiju di Akab, rei di Israel, pa geria kontra Azael, rei di Siria, lungu di Ramot-Jilead. Tropas di Siria e molosta Joran.
6Kila riba pa Jizreel pa kura si molostus ki paña na Ramot, oca ki bai gera kontra Azael, rei di Siria. Akazias, fiju di Jeoran, rei di Judá, i bai visita Joran, fiju di Akab, na Jizreel, pabia i staba duenti.
7Deus usa ki visita pa Joran pa pudi kaba ku vida di Akazias, pabia, oca ku Akazias ciga nunde Joran, i sai ku el pa kontra ku1 Re 19.16; 2 Re 9.1-10 Jeu, fiju di Ninsi, kil ku SIÑOR unjiba ja pa i kaba ku familia di Akab.
8Oca ku Jeu na kumpri ki julgamentu2 Re 10.11-14 kontra familia di Akab, i bin kontra ku ŝefis di Judá ku fijus di ermons di Akazias ku kumpañalba. I mata elis.
9Dipus Akazias buskadu; e prindil oca ki na sukundi na Samaria. E lebal pa Jeu, e matal, e nteral, pabia e fala: “El i fiju di Jeosafá, kil ku buska SIÑOR ku tudu si korson.”
Asin i ka tenba ja mas ningin na familia di Akazias ku teneba forsa pa rena.
Atália manda mata familia di rei(2 Re 11.1-3)10Oca ku Atália, mame di Akazias, oja kuma si fiju matadu, i lanta, i da ordi pa mata tudu familia di rei di Judá,
11ma Jeoseba, fiju di rei Jeoran, minjer di saserdoti Jeoiada, toma Joás, fiju di Akazias, i tiral na metadi di utru fijus di rei ku na matadu, i bai sukundil na un kuartu di durmi, na templu, juntu ku minjer ku ta tomaba konta del. Asin Jeoseba, irma di Akazias, i kaplinti JoásKap 21.7 na mon di Atália, pa ka i matal.
12I fika ku elis sukundidu na kasa di Deus duranti seis anu, oca ku Atália na mandaba riba di tera.
Who We AreWhat We EelieveWhat We Do
2025 by iamachristian.org,Inc All rights reserved.
