2 Pedru 3 - Portuguese Creole Bible, Guinea-Bissau

Siñor na bin

1Ña kiridu ermons, es ja i sugundu karta ku N skirbi bos. Na tudu dus N na lembrantaKap 1.13 bos e kusas, pa disperta bos pa bon pensamentu.

2N misti pa bo lembra di palabrasJud 17 ku anunsiaduris di Deus fala disna, ku mandamentus ku bo apostolus risibi di Siñor i Salbadur, e da bos.

3Purmeru, bo dibi di sibi kuma, na dias diJud 18 kabantada, i na parsi diskarnosis ku na yanda konformi se vontadi mau,

4e na ba ta punta: “I ka fala kuma i na bin? NundeIs 5.19; Jer 17.15; Mat 24.48 ki sta? Desdi ku no papes muri, tudu kusas sta inda suma na tempu ku mundu kumpudu.”

5E ka misti lembra kuma seu ku tera tenba na antigamenti. Deus papia son; tera saiSal 33.6 na metadi di yagu; yagu rodial.

6Ki munduKum 7.19-23 di antigu kabadu ku el ku yagu; yagu di diluviu kubril,

7ma seu ku tera di aos, ki mesmu palabra di Deus na guardal pa2 Tes 1.8 fugu; i na guardadu suguru pa dia di juisu, ora ku jinti ku nega Deus na kabadu ku el.

8Ña kiridu ermons, es i un kusa ku bo ka dibi di diskisi, kuma un diaSal 90.4 pa Siñor i suma mil anu; mil anu i suma un dia.

9Siñor ka ta tarda ku kusa ki purmiti, suma utrus ta oja kuma i ta tarda, ma i pasenseruIs 30.18; Ez 18.23; Ab 2.3; Rom 2.4 nan ku bos; i ka misti pa ningin pirdi, ma pa tudu pudi ripindi.

10Dia di Siñor na bin sumaMat 24.43 ladron. Na ki dia seu na disparsiSal 102.25-26 ku garandi baruju. Strelas na yardi, e na pajiga. Tera ku tudu kusa ku sta nel i na kemadu.

11Suma ku tudu e kusas ten ku pajigadu, kal koldadi jinti ku bo dibi di sedu? Bo dibi di tene vida1 Ped 1.15 limpu, son pa Deus,

12ora ku bo na pera Dia di Deus. Bo ba ta fasi forsa pa ki diaIs 34.4 ciga dipresa, ku seus na kema, e na pajiga; strelas na yardi, e na ribi.

13Ma anos, suma ki fala na si purmesa, no na pera nobu seuIs 65.17; Apok 21.1,27 ku nobu tera, nunde ki son ben ku na fasidu.

14Asin, ña kiridu ermons, suma ku bo na pera e kusa, bo fasi mpeñu pa bo ojadu sin manca, sin1 Kor 1.8 kulpa, ku pas si dianti.

15Bo lembra kuma pasensaRom 2.4 di no Siñor i pa no salbason, suma tambi ku no kiridu ermon Paulu skirbi bos ku ki jiresa ki dadu.

16I asin ki fala na tudu si kartas oca ki na fala de asuntu. Utru kusa ki skirbi i ta kansadu pa ntindi; kilis ku ka sibi, o ku ka sedu firmi, e ta tursil, suma e ta fasi tambi ku utru Skrituras, pa se propi danu.

17Asin, ña kiridu ermons, suma ku bo jumna bo sibi es, bo toma sintiduEf 4.14 pa ka bo kai na bo firmesa, lebadu pa nganu di omis malandru.

18Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i daduRom 16.27 gloria, disna di gosi, suma pa tudu sempri. Amen.