Salmus 61 - Portuguese Creole Bible, Guinea-Bissau

Salmu di Davi pa ŝef di musika, ku instrumentus di korda.

1O Deus, obi; N na comau;

sukuta ña orason.

2N na comau na utru ladu di mundu,

pabia ña korson sta disanimadu.

Leban pa ki roca ki mas altu di ki mi,

3pabia bu sedu ña kau suguru,

un toriDit 18.10 forti kontra inimigu.

4Disan mora na bu kau sagradu pa sempri,

pa N fika suguruKap 57.1 bas di bu asas.

Sela

5O Deus, bu obi ña purmesas;

bu dan yardansa di kilis ku rispita bu nomi.

6Buri dias di vida di rei;

bu disal pa i vivi pa manga di anu.

7O Deus, disal pa i sta bu dianti pa sempri,

bu sedu fiel pa guardal ku bu bondadi.

8Asin N na kanta salmus pa ngaba bu nomi sempri,

pa N kumpriKap 56.12 ña purmesas kada dia.