1E palabra bin pa Jeremias aserka di tudu judeus ku bai mora na Ejitu, na prasas di Migdol, TafnesKap 43.7; 46.14; Sai 14.2 ku Memfis, ku na reẑion di Patros.
2“Asin ku SIÑOR ku ten tudu puder, Deus di Israel, fala: ‘Bo oja tudu mal ku N tisi riba di Jerusalen ku tudu prasasKap 9.11 di Judá. Aos e torna lala; ningin ka mora la,
3pabia di maldadi ke fasi. E lantanda ña raiba manera ke bai kema nsensu, e adora utru deusisKap 19.4; Lei 32.17 ku nunka e ka kunsi, nin abos nin bo papes.
4N manda tudu ña servus anunsiaduris, kada diaKap 7.25 ku sol na mansi, pa e fala bos pa ka bo fasi e kusa nujenti ku N ka misti oja.
5Ma elis e ka obdisi, nin e ka para sintidu, pa konverti di se maldadi, pa para kema nsensu pa utru deusis.
6E ku manda forsa di ña raibaKap 42.18 darmadu, i sindi na prasas di Judá ku ruas di Jerusalen, ku torna suma lala bandonadu, suma ki na ojadu aos.’
7“Asin ku SIÑOR ku ten tudu puder, Deus di Israel, na punta aos: ‘Ke ku manda bo tisi e mal garandi riba di boKap 7.19 kabesa? Bo rinka omis, minjeris, mininus, ku kilis ku na mama, na tera di Judá, pa ka bo bin sobra nin un son.
8Bo lantandaKap 25.6-7 ña raiba ku kusas ku bo fasi ku bo mon, bo kema nsensu pa utru deusis na tera di Ejitu nunde ku bo bin mora. Bo na bin kaba ku bo kabesa, pa bo bida disprezu ku maldison pa tudu nasons di mundu.
9Nta bo diskisi ja di ki maldadis ku bo papes, ku reis ku raiñas di Judá, ku abos ku bo minjeris, bo fasi na tera di Judá, na ruas di Jerusalen?
10Te aos e ka baŝa se kabesa, nin e ka mostra rispitu; e ka yanda na ña lei nin na ña regras ku N puiba bo dianti ku dianti di bo papes.
11“‘E ku manda ami, SIÑOR ku ten tudu puder, Deus di Israel, N fala kuma N na torna kontra bosKap 21.10 pa mal, N na kaba ku tudu Judá.
12N na trata ku restu di Judá ku disidi bin pa tera di Ejitu pa sinta li; e na kabadu ku elKap 42.15-18,22 tudu na Ejitu. E na muri ku spada ku fomi, desdi pikininu te na garandi. E na sedu un kusa diKap 19.8 spantu, di njuti, di trosa ku maldison.
13N na kastiga kilis ku mora na tera di Ejitu ku spada, fomiKap 29.18 ku duensa, suma ku N kastiga Jerusalen.
14Nin un son di restu ku bin sinta na tera di Ejitu ka na kapli ku si vida, pa riba pa tera di Judá nunde ke na misti mora nel; son pukusKap 44.28 ku na kuri e kapli.’ ”
15Tudu omis ku sibiba kuma se minjerisKap 44.19; Num 30.12 na kema nsensu pa utru deusis, ku tudu minjeris ku ojadu firmadu na ki juntamentu, ku tudu judeus ku moraba na tera di Ejitu ku Patros, e ruspundi Jeremias, e falal:
16“No ka na obi ki palabraKap 6.16 ku bu kontanu na nomi di SIÑOR.
17Na bardadi no na fasi tudu kusa ku no fala ku noLei 23.22-23; Ŝef 11.36 boka; no na kema nsensu pa raiñaKap 44.25; 7.18 di seu, no na pursental ofertas di bibida, suma ku anos ku no papes, no reis ku no ŝefis, no fasi na prasas di Judá ku ruas di Jerusalen. Na ki tempu no ta fartaba kumida; tudu na kurinuba diritu, no ka oja nin un mal,
18ma disna ku no para kema nsensu pa raiña di seu, pa pursental ofertas di bibida, no ten falta di tudu; tambi no na kabadu ku el ku spada ku fomi.”
19Minjeris fala tambi: “Oca ku no ta kemaba nsensu, no darma ofertas di bibida pa raiña di seu, no omis e sibiba diritu kuma no ta kumpuba bulus ku forma di raiña, no ta lebalba ki ofertas di bibida.”
20Jeremias papia ku tudu ki jinti, omis ku minjeris, ku dalba ki rasposta, i punta elis:
21“Nta ki nsensu ku bo ta kemaba na prasas di Judá ku ruas di Jerusalen, abos ku bo papes, bo reis ku bo ŝefis ku pobu di tera, SIÑOR i ka lembra del? I ka ta pensa nel?
22SIÑOR ka pudiba nguentaIs 1.14 mas ki kusas mau ku bo ta fasi, ku bo kustumus nujenti. E ku manda bo tera bida lala, un kusa di spantuKap 44.12 ku maldison, sin ningin ku na mora nel, suma ku no na oja aos.
23Manera ku bo kema nsensu, bo peka kontra SIÑOR, bo ka obdisi si palabra, bo ka yanda na si lei nin na si regras, e ku mandaDan 9.11-12 e mal bin riba di bos, suma ku bo na oja aos.”
24Jeremias papia mas ku tudu pobu, ku tudu minjeris, i fala: “Bo obi palabra di SIÑOR, abos tudu judeus ku sta na tera di Ejitu.
25Asin ku SIÑOR ku ten tudu puder, Deus di Israel, fala: ‘Abos ku bo minjeris, i ka son pa bo papia ku boka, ma tambi bo pul na pratika. Bo fala: “No na kumpri votus ku no fasi pa kema nsensu pa raiña di seu, pa pursental ofertas di bibida.” I sta bon! Bo kumpri bo votus! Bo fasi tudu ku bo fala!
26Ma bo sukuta palabra di SIÑOR, abos tudu judeus ku sinta na tera di Ejitu. Ami, SIÑOR, N jurmenta pa ña nomi garandiKum 22.16 kuma, nunka mas ña nomi ka na comadu pa kualker omi di Judá ku mora na tera di Ejitu. Nin un delis ka na fala: “N jurmenta pa vida di SIÑOR Deus.”
27Ña uju sta riba delis paKap 44.12; 31.28 mal, i ka pa ben. Tudu judeus ku sta na tera di Ejitu e na muri ku spada ku fomi, tok e kaba tudu.
28Kilis ku na kapli di spada na Ejitu pa e riba pa tera di Judá, e naKap 44.14 puku. Restu di Judá ku bin pa sinta na tera di Ejitu e na sibi palabra di kin ku na firma, di mi o di selis.
29“‘Ami, SIÑOR, N fala: Es i na sedu sinal pa bos kuma N na kastiga bos ne kau, pa bo sibi sertu kuma ña palabra di mal kontra bos i na firma.
30Ami, SIÑOR, N fala: N na ntrega Faraó-Ofra, rei diKap 46.25-26; Ez 29.2 Ejitu, na mon di si inimigus ku na buska matal, suma ku N ntrega Zedekias, rei diKap 39.5 Judá, na mon di Nabukodonosor, rei di Babilonia, si inimigu ku na buskalba pa mata.’ ”
Who We AreWhat We EelieveWhat We Do
2025 by iamachristian.org,Inc All rights reserved.
