2 Kronikas 12 - Portuguese Creole Bible, Guinea-Bissau

Ejitu ataka Judá(1 Re 14.25-28)

1Oca ku Reoboan staba ja forti, ku si renansa konfirmadu, el ku tudu si pobu e bandona lei di SIÑOR.

2Na kintu anu di renansa di Reoboan, manera ke ka sedu fiel pa SIÑOR, Sisak,1 Re 11.40 rei di Ejitu, i bin kontra Jerusalen

3ku mil i duzentus karu, ku sesenta mil kabaleru. Tropas ku bin ku el di Ejitu e ciu tok e ka pudi kontadu, sukitas ku omis di Libia kuKap 14.12; 16.8; Is 43.3; Ez 30.5; Dan 11.43; Naun 3.9 Etiopia.

4I toma ki prasas fortiKap 11.5-12 di Judá, tok i bin ciga na Jerusalen.

5Anunsiadur SemaiasKap 11.2 bai pa Reoboan ku ŝefis di Judá ku juntaba na Jerusalen pabia e tenba medu di Sisak, i fala elis: “Asin ku SIÑOR fala: ‘Abos bo disan; pabia di kila N na disa bos tambi na mon di Sisak.’ ”

6Rei ku ŝefis e baŝaKap 32.26; 33.12,23; Sai 9.27; Tia 4.10 e fala: “SIÑOR i justu.”

7Oca ku SIÑOR oja1 Re 21.28-29 manera ke baŝa, i bin papia ku Semaias, i falal: “Suma ke baŝa, N ka na kaba ku elis. I ka na tarda, N na da elis manera di kapli. Ña raiba ka na darmadu pa mon di Sisak riba di Jerusalen,

8ma e na fika bas di Sisak, pa e pudi rapara kal diferensa ki ten pa sirbin o pa sirbiLei 28.47-48; Ne 9.36; Is 26.13 reis di mundu.”

9Sisak, rei di Ejitu, i bai ataka Jerusalen, i toma rikesas di kasa di SIÑOR ku rikesas di kasa di rei. I leba tudu, te ku ki tajaderasKap 9.15-16 di uru ku Salomon kumpuba.

10Rei Reoboan kumpu utru tajaderas di kobri, i pui na konta delis, i ntrega elis na mon di kapitons di guarda ku ta staba na porton di kasa di rei.

11Kada bias ku rei na yentra na kasa di SIÑOR, guardas ta lebaba elis; dipus e ta torna pui elis na kasa di guarda.

12Oca ki baŝa, raiba di SIÑOR bin pasa; SIÑOR ka bin kabaKap 19.3; 33.12-13 ku el, pabia na Judá i tenba inda bon kusas.

13Rei Reoboan torna mas forti na Jerusalen, i kontinua na rena. I teneba korenta i un anu di idadi oca ki kumsa rena; i rena pa disaseti anu na Jerusalen, prasa ku SIÑOR kuji na metadi di tudu jorsons di Israel pa pui si nomi la. Si mame seduba minjer amonitaLei 23.3; 1 Re 11.1 comadu Naamá.

14I ta fasiba kusas mau, pabia i ka pui sintidu pa buska SIÑOR.

15Kusas ku Reoboan fasi, di kumsada te na kabantada, ku reẑistu di si jorson, e sta skritu na librus di Storia di Anunsiadur Semaias ku di Anunsiadur Idu. Gera tenba sempri entri Reoboan ku Jeroboan.

16Reoboan diskansa ku si papes, i nteradu na prasa di Davi. Si fiju Abias toma si lugar suma rei.