1Lei di Moisés i son un sombraKap 8.5 di kusas bon ku na bin; i ka figura klaru di ki kusas. Mesmu sakrifisius e ta fasidu sempri kada anu. Lei, ku e sakrifisius, i ka pudi torna jinti ku ta fasil pa e purifikadu un bias.
2Si i pudiba, ki sakrifisius na para, pabia, si jinti ku na fasil staba purifikadu ntidu, e ka na sintiba kulpadu di se pekadu nunka mas,
3ma ki sakrifisiu di kada anu i ta fasi jinti lembra di se pekadu,
4pabia nin sangi di turuKap 9.13; Mik 6.6-8 nin di bodi i ka pudi tira pekadu.
5E ku manda, oca Kristu na binba mundu, i fala:
“Bu ka misti sakrifisiuSal 40.6-8 nin oferta,
ma bu ranjan un kurpu.
6Bu ka kontenti ku limarias kemadu
nin ku sakrifisius pa pekadu.
7Dipus N fala: ‘O Deus, alin li pa N fasi bu vontadi,
suma ki sta skritu di mi na libru.’ ”
8Purmeru i fala: “Bu ka misti sakrifisiu nin oferta, nin limaria kemadu, nin sakrifisiu pa pekadu; bu ka kontenti ku e kusas.” I fala asin mesmu ku e kusas ta pursentadu konformi lei.
9Dipus i fala: “O Deus, alin li pa N fasi bu vontadi.” Asin i kaba ku purmeru sakrifisius pa i pui utru na se lugar.
10I na ki vontadi di Deus ku no santifikadu, pabia Jesus Kristu pursenta si kurpu pa sakrifisiu un biasKap 9.12 pa sempri.
11Tudu dia kada saserdoti ta fasi si sirvis, i ta pursenta manga di biasKap 7.27 mesmu sakrifisius ku nunka ka pudi tira pekadu,
12ma Kristu pursenta sakrifisiu pa pekadu un bias pa sempri; dipus, i sinta na mon direitaAt 2.33 di Deus,
13nunde ki na pera, disna di ki tempu, pa tok si inimigus pudu basSal 110.1 del.
14Son ku ki un oferta i purifika ntiduJon 17.19 kilis ku santifikadu.
15Spiritu Santu tambi danu si tustumuñu. I fala purmeru:
16“Siñor fala: ‘Es i kontratuKap 8.10-12; Jer 31.33-34 ku N na fasi ku elis dipus di ki dias:
N na pui ña leis na se korson;
N na skirbi elis na se ntindimentu.’ ”
17I torna fala:
“N ka na lembra mas di se pekadu
nin kusas mau ke fasi.”
18Agora, nunde ku purdon sta pa e kusas, i ka pirsis mas oferta pa pekadu.
Konfiansa ku firmesa na fe19Asin, ña ermons, sangi di Jesus danu fiansa pa no yentra na lugar mas sagraduKap 9.8,12; Ef 2.18 di tudu.
20I yabrinu un nobu kamiñu di vida, oca i rasga kurtinaMat 27.50-51 ku sedu si propi kurpu.
21Suma no tene un garandi saserdoti riba di kasa di Deus,
22no ciga pertuEz 36.25; 2 Kor 7.1; Ef 3.12; 1 Jon 3.21 ku korson limpu, ku garandi sertesa di fe, ku korson purifikadu di konsiensia mau, ku kurpu labadu ku yagu limpu.
23No pega tesu na fala di no speransa, pabia kil ku da purmesa i di1 Kor 1.9; 10.13; 1 Tes 5.24; 2 Tes 3.3 fiansa.
24No pensa naRom 15.2 ŋutru, pa disperta ŋutru pa mostra amor, pa fasi bon tarbaju.
25Ka no disa kustumu di junta, suma utrus ta fasi, ma no anima ŋutruAt 2.42; Rom 13.11 kada bias mas, suma ku no oja Dia ku Siñor na bin mas na pertu.
26Si no ntema, no kontinuaNum 15.30; 2 Ped 2.20-22 na peka dipus di risibi kuñisimentu di bardadi, i ka ten ja mas sakrifisiu pa pekadu,
27ma son pa no pera, ku garandi medu, julgamentu ku fugu2 Tes 1.7-8 meduñu ku na kaba ku kilis ku sta kontra Deus.
28Si algin kebra lei di Moisés, i ta mataduLei 17.2-7; Mat 18.16 sin sinti pena del, si dus o tris jinti testifika kuma el i kulpadu.
29Nta ke ku bo oja di algin ku masa Fiju di Deus, ku tene sangi di kontratu ki santifikadu ku el suma kusaMat 12.31-32; 1 Kor 11.29 lebi, ku papia mal kontra Spiritu di grasa? Bo kuda kuma ki na mersi kastigu mas pior inda!
30No kunsi kin ku fala kuma vingansaLei 32.35-36 pertensil; i el ku na torna. I fala utru bias kuma Siñor na julga si pobu.
31I kusa meduñuLuk 12.5 pa kai na mon di Deus bibu!
32Bo lembra di dias ku pasa. Na ki tempu, dipus ku bo risibi lus, bo fika firmiFil 1.29-30 na garandi luta di kansera.
33Utru ora bo ta kobadu, bo ta maltratadu dianti di tudu jinti; utru ora bo fika na laduFil 1.7; 4.14 di kilis ku na tratadu de manera.
34Bo ta toma parti na sufrimentu di kilis ku stabaMat 25.36; 2 Tim 1.16 prezu. Oca ku jinti toma bo kusas, bo sufri kuMat 5.12 alegria, pabia bo sibiba kuma bo tene dentru di bos rikesa mas minjor ku ta tarda pa sempri.
35Asin, ka bo bota bo fiansa, pabia i ta tisi garandi purbitu.
36Bo pirsisa di firmesaLuk 21.19; Gal 6.9; Ef 6.11 pa bo fasi vontadi di Deus, pa bo pudi yangasa kil ki fala i na da.
37Skritura fala:
“Mas un bokadu, kil ku na bin2 Ped 3.9 i na bin;
i ka na tarda.
38Kil ku sedu justuRom 1.17 i na vivi pabia di si fe.
Si i rakua, N ka na kontenti ku el.”
39Anos no ka sta na ladu di kilis ku rakua, e pirdi: no sta na ladu di kilis ku fia, e ngaña salbason.
Who We AreWhat We EelieveWhat We Do
2025 by iamachristian.org,Inc All rights reserved.
