Sirmonias 18 - Portuguese Creole Bible, Guinea-Bissau

Kasamentis ku ka sta konformi lei

1SIÑOR fala Moisés

2pa i papia ku fijus di Israel, i fala elis: “Ami N sedu SIÑOR

9“Ka bu ten relason seksualKap 20.17-21 ku bu irma, fiju femia di bu pape o di bu mame, ku padidu na kasa o fora di kasa.

10“Ka bu ten relason seksual ku fiju femia di bu fiju macu o femia. Es i ta tisi borgoña riba di bo.

11“Ka bu ten relason seksual ku fiju femia di minjer di bu pape, ki padi ku bu pape: i bu irma.

12“Ka bu ten relason seksual ku irma di bu pape, pabia i sedu parenti tokadu di bu pape.

13“Ka bu ten relason seksual ku irma di bu mame, pabia i sedu parenti tokadu di bu mame.

14“Ka bu bai pa minjer di ermon di bu pape pa ten relason seksual ku el, pabia i bu tia.

15“Ka bu ten relason seksual ku minjer di buKap 20.12-16 fiju, pa tisi borgoña pa el.

16“Ka bu ten relason seksual ku minjer di bu ermon, pabia es i ta tisi borgoña pa bu ermon.

17“Ka bu ten relason seksual ku un minjer tudu ku si fiju, nin ku fiju femia di si fiju macu o femia. Elis e sedu si parentis tokadu. Es i un garandi maldadi.

18“Ka bu toma irma di bu minjer pa i sedu si kumbosa, nin ka bu ten relason seksual ku el nkuantu bu minjer sta di vida.

19“Ka bu bai pa ten relason seksual ku un minjer na tempu di si impuresaKap 15.19,24; Ez 18.6; 22.10 di kada mis.

20“Ka bu ten relason seksual ku minjer di bu kumpañer,Sai 20.14; Lei 22.22 pa kontamina ku el.

21“Ka bu da kualker di bu fijus pa i sakrifikadu pa deus Molok,Kap 20.2-5; Lei 12.31; 2 Re 16.3; 17.17; 21.6; 23.10; Sal 106.37-38; Jer 7.31; Ez 20.26; Am 5.26; Sof 1.5; At 7.43 pabia bu ka pudi dana nomi di bu Deus. Ami N sedu SIÑOR.

22“Ka bu dita ku omiKap 20.13; Kum 19.4-5; 1 Tim 1.10; Jud 7 suma ku algin ta dita ku minjer. Es i kusa nujenti.

23“Ka bu ten relason seksual ku un limaria,Sai 22.19 pa bu kontamina ku el. Minjer ka dibi di bai pursenta dianti di un limaria pa ten relason seksual ku el, pabia es i kunfuson.

24“Ka bo kontamina ku nin un de kusas, pabia e jinti ku N na bin tira bo dianti e kontaminaKap 18.27; 20.23; Lei 18.12 na tudu e kusas.

25Asin, tera propi i sta kontaminadu. N na kastigal pa si pekadu, tok teraKap 20.22; Num 35.33-34; Sal 106.38; Jer 2.7; 16.18; Ez 36.17-18 ramasa jinti ku mora nel.

26Ma bo ten ku obdisi ña ordisKap 18.4,30 ku ña leis. Ka bo fasi nin un de kusas nujenti, nin abos fijus di tera, nin stranjeru ku mora na bo metadi.

27Jinti ku moraba ne tera antis di bos e fasi tudu e kusasLei 18.9; 20.17-18; 1 Re 14.24; 2 Re 16.3; 21.2; 2 Kron 33.2; 36.14 nujenti; asin tera bin sedu kontaminadu.

28Bo obdisi ña leis, pa bo ka kontamina tera, pa i ka ramasa bos suma ki ramasaKap 18.25 jinti ku staba nel antis di bos.

29“Tudu algin ku fasi kualker de kusas nujenti, ki algin na tiradu na metadi di si pobu.Kap 17.10; 20.6; Sai 12.15

30Bo sigi ña mandamentus; ka bo fasi nin un di ki kustumus nujenti ke fasiba antis di bo bin; ka bo kontamina ku elis. Ami i SIÑOR bo Deus.”